اللي ذاكر ملخصاّت يوسف زويل ...

[بنووتة كيوت]

ياحلوين اللي ذاكر شابتر 4 من ملخصات يوسف زويل
من سؤال 22 الى 26 مو فاهماها بليز اللي فاهمها يشرحها لي ..

[sleep]

أهليييييييين بنووتة راح أحاول أشرحلك اللي أقدر عليه و إن شاء الله تفهمي علياا =)

[sleep]

[URL=http://www.up-00.com/][/url

سؤال 22

شووفي هو قلك القى الحجرة على المحور الأفقي
يعني الزاوية لازم تكون صفر
و أعطاكي السرعة الإبتدائية .. و الإرتفاع اللي رمي منه و اللي هو y

و يبغا الزمن المطلوب لوصوله للأرض

نجيب القانون و نعوض في .. طبعا الجزء اللي شخط عليه طلع بصفر لانو sin الصفر = صفر و ضربنا بـالـ20 فطلع الناتج صفر

وبعدين كمل الحل عادي .. قسم على معامل الـ t و طلعه من تحت الجذر لانو في على الt تربيع
وحط الإشارة السالبة لانو الحركة لأسفل

إزا فهمتي علياا أكملك .. بس دحين بطلع أكمل مذاكرة لانو بااقي لي جزئية كبيرة إن شاء الله أقدر أدخل و أكملك البااقي ...

وبالتوفيق للجميع =)

[بنووتة كيوت]

مرررة يسلمووووو يا sleep ربي يوفقك
فهمت عليك ياحياتي تعبتك معايا موفقة ياعسل

[sleep]

الله يسلمك حبيبتي =)
كنت ابغا اسئلك لمتى ممكن تكوني موجودة .. او ممكن تدخلي تااني عشان اكملك البااقي
انا عن نفسي صااحية للفجر بس إنتي ؟!!

[بنووتة كيوت]

حياتـــي انا ممكن اجلس لحد 2 أو 3 لحد ما أخلص لاني ما خلصت بس خلاص ياقلبي ما أبغى اتعبك معايا انتي كملي ياقلبي مذاكرة وان شا الله ربي يسهل لك ياعسل ..

[sleep]

لا حبيبي عااتي .. إن شاء الله على الساعة 12 ادخل =))

[بنووتة كيوت]

اوكي ياقلبي استناك بس ياقلبي اذا ما خلصتي لاتدخلي اهم شي تخلصي انتي ..!!
الله يوفقك ياعسولتي ..!!

[sleep]

الله يوفقنا كلنااا .. و إن شاء الله نجيب الفل ماارك



شوفي سؤال 23 يبغا منك السرعة و نحن عندنا قانون للسرعة على محور y
وهو يعتمد على السؤال 22 .. فتأخذي المعطيات من 22
و تعوضي تعويض عاادي

----------------------------


انتي لازم تكوني حافظة دي القوانين الاربعة لانو دي المسائل اغلبها تعويض مباشر

--------------------------------

سؤال 24
يقولك هو رمي حجرة من اعلى مبنى بزاوية 30 على محور اكس الموجب
و قطعت مسافة 400 متر و يبغا السرعة الإبتدائية لها
حتشوفي ايت قانون يتناسب مع المعطيات حقتك و تحلي بي
ماقدرنا نستخدم القانون تبع السرعة في اي لحظة لانو حيكون عندنا مجهولين Vx و V نوت
فنستخدم التااني اللي يخص الإكس و تبدي تعوضي

-----------------------------------

اما سؤال 26
ولد رمى حجر من مبنى ارتفاعه 19.6 متر ودي الـ y على المحور الأفقي بسرعة 20 متر /ث
و يبغا المسافة اللي قطعتها على محور إكس
الزاوية حتكون صفر لانو رمي على المحور الأفقي
الحل
لو جينا نستخدم المعادلة حقت الأكس على طول ماراح نقدر لانو حيكون عندنا مجهولين الزمن و الأكس
فنروح نجيب معادلة الy و نعوض فيها عشان يطلع عندنا الزمن
ولمن يطلع الزمن نعوض في معادلة إكس

-----------------------------------------------

مرررررة سوري بس سؤال 25 مني عااارفة كيف أشرحه

يارب اكون افدتك و لو شوية .. و إزا في حااجة في الشرح مهي مفهومة ..
قوليلي =))

والله ييسرلنا و إن شاء الله الإختباار يكون سهل ^_^

[بنووتة كيوت]

مرة مشكورة ياقلبي تعبتك معايا
الله يعطيك العافية وموفقة ياقلبي ..