ما هي الأجراءات عند التقديم بشهر 3 (عنوان مخالف تم تعديل)

[الحور]

السلام عليكم
حابه اعرف بعد التقديم فى النت على الماجستير شهر 3 ايش الاجراءات اللى بعده ؟؟؟
ولو كان معى شهادة لغة من معهد أكسفور تلغى اختبار التوفل؟؟؟؟؟
واختبار التوفل متى؟
الله يوفكم جميعا وتحقق أحلامكم

[فندام]

هلا بيكي ياأيتها الحور شوفي التقديم حيكون بتاريخ 1/3/1432 وحمتد لمدت شهرين يعني لغاية شهر 5 والمطلوب منك اجتياز اختبارين وهما :
اول اختبار اختبار القدرات العامة للجامعيين الي بيقدمة مركز قياس وحيكون بتاريخ 19/4/1432
ثاني اختبار هو اختبار التوفل او لختبار كفايات الغة الانجليزية الي برضو بيقدمو مركز قياس وانصحك تدخلي اختبار كفايات لانو اسهل من التوفل بكثير والدرجة المطلوبة بالنسبة للمتقدمين للماجستير العام هي 52 درجة من 100 طبعا
واختبار كفايات حيكون يوم 20/4/1432 يعني بعد اختبار القدرات العامة بيوم واحد
والأفضل لكي طلما انو التقديم حيمتد لشهرين انك تدخلي الاختبارين في نفس هذي التواريخ المحددة وبعد كدا تقدمي على الماستر ونتيجة هذي الاختبارات بترسل بشكل تلقائي للحامعة من مركز قياس وزي ماقلتبك ماحيكون عندك اي مشكلة لانو التقديم حيمتد لغاية شهر 5 /1432 وطبعا مافي اي دورة تغني عن التوفل او كفايات بالنسبة لطلاب كلية العلوم اما طلاب كلية الأداب وكلية الافتصاد والادرة المقبولين دورة اللغة الانجليزية البديله الي بكلية الاداب بتغنيهم عن اختبار التوفل وحتى عن اختبار كفايات اما بانسبة لغيرهم مافي بديل مرة وماحتقبل اي دزرات في اللغة من اي معهد كان كبديل عن اختبار اللغة الانجليزية لكن ارفقي اي دورات عندك بالسيرة الذاتية عشان ترفع اسهمك في القبول اتمنى تكون الصورة كدا واضحة ولو احد من الزملاء عنده تعقيب او تصحيح للكلام الي قلتو اتمنى انو يفيدنا

[co3]

8
8
جزاكم الله خير عالافادة ...وعندي سؤال بسيط
التقديم راح يكون الكتروني بالنت ولا اروح للجامعة واسلمهم ملفي وفيه اوراقي
واذا كان بالنت كيييف ارفق لهم اوراقي (زي شهادات الحاسب والخبرات وكذا )هل الطريقة سهلة ولا تحتاج مجهود وناس متخصصين بتقنيات النت

[شواطئ البحر]

المشاركة الأصلية كتبت بواسطة co3 8 جزاكم الله خير عالافادة ...وعندي سؤال بسيط التقديم راح يكون الكتروني بالنت ولا اروح للجامعة واسلمهم ملفي وفيه اوراقي واذا كان بالنت كيييف ارفق لهم اوراقي (زي شهادات الحاسب والخبرات وكذا )هل الطريقة سهلة ولا تحتاج مجهود وناس متخصصين بتقنيات النت

---

التقديم الألكتروني (ادخال بيانتك ومعلوماتك)

اما ارسال المستندات:
في ماجستير العام عن طريق صندوق البريد أذ خارج جدة أو مناولة للمبنى الثالث غرفة 327 أذا من داخل جدة


في ماجستير الخاص الأرسال الألكتروني عن طريق أرفاق بملف pdf

الطريقة مرة سهلة أذا نظام التشغيل ويندوز 7 او vista
ادرجي صورة (مستنداتك) في ملف وورد وخلي حجم الصورة كامل على صفحة الوررد
وعند حفظ أختاري نوع ملف pdf

---

وهذا نموذج للطريقة الأرسال





عند التقديم راح يوضحو طريقة الأرسال أحتمال تتغير

[احساس الغروب!]

الى الاخ فندام انا بقدم للماستر شهر 4 بعد مااختبر القدرات بس اللغه اقدر اختبرها بشهر 8 علشان ناويه اخذ دورة شاكرة لك.

[أنا وبس]

هل التقديم للماستر العام والخاص في نفس الوقت ؟

[الحور]

شكر للاخ فندام للرد
انا اختبرت اختبار الكفايات للغة الانجليزية ....بس باقى القدرات العام للجامعيين...
اول اختبرة وبعدين اسجل بالموقع وقت التسجل ولا عادى اول مايفتح الموقع اسجل ؟
اناخايفه يفوتنى التسجيل
ويعطيك الف عافيه

[فندام]

الأفضل ياأيتها الحور انك تختبري القدرات وبعد ماتظهر نتيجة الاختبار قدمي على الماستر عشان تكون كل نتائجك جاهزة وبكدا يقدر النظام يحسبلك الدرجة الموزونة تبعك الي حتكون من 80 درجة وال20 درجة الباقية حتكون بيد القسم العلمي على الدورات والخبرات طبعا فهدا هو الأفضل طالما انو في مجال ووقت كافي للتقديم وبالتوفيق

[فصول السنه]

طيب ياحلوين

كم الدرجه المطلوبه في القدرات لاني اختبرت بس مو عاجبتي الدرجه احس انها نازله

اخذت 64 على مااظن

وكمان مافهمت موضوع الدرجه الموزونه ياليت توضح لي اخوي
واللي ماعنده خبرات ودورات يصفق نفسه مثلا وفيه ايه الدورات والخبرات هاذي

سوري عالاطاله بس محتاجه افهم

[البرنس عزوز]

القدرات والدرجة الموزونة والتوفل هل هذه الشهادات مطلوبه لطلاب كلية الآداب ؟؟؟

أرجو الأفادة