سولنا جدول وخلونا نبدا نذاكر

[ام عناد]

بسم الله الرحمن الرحيم

الموضوع واضح من عنوانة

ابي اسوي لي جدول بس كيف احس انه مافي وقت وماني قدرة اذاكر مو عارفة ابدا من فين

ابغى احد يساعدني واللي يبي يذكر معي يقول

انتظر ردودكم وخاصة شله السنترا

تحياتي

[solaaa]

انا من رايي ابدائي في مادة الاحصاء دحين انا ختمت الباب التالت وجالسه اراجع من البدايه علشان ارتاح منهم وابداءفي الابواب اللي بعدها ولساتو المشوار طويل في مواد الحفض وانا مره فالحه في الحفض <<لاتصدقي من جنبها والله
شوفي انتي شغلي المحاضرات ولما تشوفي الدكتوره تحل ركزي على الطريقه ووقفيها وقومي طبقي على المسائل اللي في الكتاب انا كدا اسوي المحاضره التالته عندي مودتها ساعتين ونص وربي قعدت فيها 5ساعات وشويه علشان باطبق على المسائل اللي عندي شدي حيلك ياعسل مابقي شي وربنا يوفقنا جميعا

[شموخ تهامة]

انا مثلك احس اني ملخبطة حيل
بس اغلب اللي هنا يقولوا نبدأ بالمواد السهلة
يعني الاغلب بدأ
بمهارات الاتصال
هاه وش رأيك نبدأ فيها ياميمو :)

[سعيده اون ذا مايك]

الأفضل انك تبدئي بـ المواد الصعبه عشان ترتاحي منها

انا بدئت بـ الاحصاء ووصلت الباب الثالث واليوم ان شاءالله اكمل

وبعدها ببداء بلأنقلش الله يعيييييييييين علييييه ماني فاهمه شي فيه بس يقولو اهم شي

القرمر والقطع الي في الكتاب والتركييز اكثر على الكتاب الأحمر

وبعد ما اخلص من الأنقلش ببداء في المواد السهله
التفكير والأتصالات مرررره موووويه مايبغالها شرح عشان كذا بخليها اخر شي
ويلا ابدئي ياحلوه ترى مافي وقت مررررررره
احس صعبه نختم 5 مواد في شهر :(

[solaaa]

ممكن سؤال ياسعيده انتي كيف حاتحفضي الاتصال والتفكير تحفضي كل شي ولا تختصري انا لما حاولت اختصر حسيت انو كل شي مهم ختمت بابين في الاتصال قعدت عليهم 4ايام كيف التفكير
بعدين احنا عندنا 4مواد بس e+احصاء+مهارات الاتصال+التفكير والبحث العلمي <<احس مال امو داعي

[طالبه شاطره]

انا اقول رأيي ذاكري الاحصاء لأنه فهم وبعدين الاتصال لأنه سهل وحلو وبعدين التفكيرلأنه شوي دسم على العاقل الي زي عقلي صعب عليه الحفظ وبعدين البلووووه الي يقولون اسمه انقلش هو في وادي وانا في وادي
ياررررررررب تسهل علي جميع الطالبات

[مشاعل الخليجٌ]

لآتسهلوا التفكير ولاتصعبوه اعطوا كل مادة حقهآ

كل موادي عاليه الا التفكير كان شوي نازلَ ، وهو اللي نزل معدليَ
وقعدت عليه اسبوعين اذاكر بس اش نسويَ ، مالي حظ فيها

[ابتسامة مهاجرة]

طبعا طريقة المذاكرة تختلف من شخص للتاني

بعضهم يبدا بالمواد الصعبة فيتحطم .. ويبطل يذاكر
وبعضهم يبدا بالسهلة .. ويطنش الصعبة

الاهم من ذا كله .. ترتيب وقت المذاكرة

طبعا اغلبنا مابدا مذاكرة .. وانا امس اشتريت الكتب << عز الله نجحنا

باقي شهر بالضبط .. فانا انصح .. انه نقسم الشهر دا على عدد المواد
ونبدا بالتركيز على كل مادة حسب جدولة الشخص لها .. في جدول المذاكرة

مو مره يذاكر رياضيات .. ومره يذاكر انقليزي

اهم شيء تخصيص وقت لكل مادة مع التركيز الكامل

والله يوفق الجميع


تقبلوا تحياتي
اخوكم / ابتسامة مهاجرة

[ام عناد]

هههههه

امشي مع فيكم الحين

خلاص حاول ابدا بالاحصاء اليوم

بس أنشاءالله اخلص منه بدري
بنات ابغى اعرف كيف بتذاكروا

من وين بالضبط كل وحدة تقولي
انا بصراحة الاحصاء عاجبني شرح واحد هنا بالمنتدى مرة حلو منزل موضوع للاحصاء وانا طبعا ماافهم شي فية لاكن بدا وبحاول اخلص
،،،،

شموخ تحياتي لك

بنات اي خدمة انا تحت امركم

[ملامح روح..]

الظاهر ان كلنا في الهوا سوا
انا زيكم بس الاحسن تبدأو بالاحصاء الانجليش وترا الانجليزي سهل انا مافهمت على الاستاذات بس عندي استاذه اروحلها ومررره شرحها حلو وانصحكم فيها
والاحصاء من جد مرره صعب وانا مو قادرة اركز فيه بس الحمدلله على كل حال
بالتوفيق جميعا