هدية لأعز صديقاتي

[My days will come]

مساء الخير ياحلوات :)
أبغى مساعدتكم أعز صديقاتي ولدت وجابت ولد بس ماني عارفة ايش
اجيبلها هدية !!!!
أنا ولا مرة اشتريت هدايا مواليد لان ماما دايم هي اللي تتكفل بالموضوع بس الحين انا بأجرب ..
والهدية ماتكون كبيرة ولا مكلفة للغاية لان لمن اروحلها المستشفى ما ابى اشيل شيء كبير
؟؟؟؟؟؟
رجاء وطلب

[عزوزه7]

ممكن ياسكره تجيبيلها مصحف.
اوو جيبي سله صغيروونه وجيبي كريمات وشامبوهات بي بي اصغر مقاااس تجي صغنطوطه مرره
وحطي قش الوان حلوه وحطيها وحطي قصاصه بيبي مشط اسفنجه يعني اشياء حلوه بسيطه واذا حابه حطي لبس حلو ولاتلفيها بسلفان حطي تل .
اتمنى اكون افدتك يااسكره.

[My days will come]

المشاركة الأصلية كتبت بواسطة عزوزه7 ممكن ياسكره تجيبيلها مصحف. احلى هدية اوو جيبي سله صغيروونه وجيبي كريمات وشامبوهات بي بي اصغر مقاااس تجي صغنطوطه مرره وحطي قش الوان حلوه وحطيها وحطي قصاصه بيبي مشط اسفنجه يعني اشياء حلوه بسيطه واذا حابه حطي لبس حلو ولاتلفيها بسلفان حطي تل . اتمنى اكون افدتك يااسكره.

شكرا ياحلوة على أفكارك الحلوة ..
اجربها واصورها

[بلاسس]

ممكن صحن شكولاتة من شكولاين اوبوكة ورد ولمن ترجع صديقتك بيته اشترى هدية طقم لبس اطفال

[ام السوس]

مبروك لها
وعقبال عندك
:)

[غامديه لندنيه]

السلام عليكم

كل سنه وانتو طيبين

حبيت اعرض لكم صور هديه لقريبتي الي جابت ولد وان شاء الله تعجبكم

طبعا بالبدايه فكرت كثير اش اشتري لولدها لان بصراحه ذوقي صعب وما يعجبني اي شئ وما احب اقدم شئ عادي

فكرت وفكرت ولفيت اكثر من محل للاطفال ومو عارفه برضو اش اشتري


روحت لـ Mothercare وحصلت اشياء عجبتني مع انها بسيطه مرا .. فجاتني فكره إني اجمع هالاشياء في بوكس لونه ازرق واشتري الاشياء بلون ازرق عشان تصير ملائمه مع بعض بما أنه ولد..

الهديه طلعت حلوه وبسيطه بنفس الوقت وما كلفتني الا شئ بسييييييييييييط جدا تقريبا كلها 223 ريال << يا بلااااش

طبعـًا محتويات البوكس كانت عباره عن:

1- بربتوز 3 قطع
2- قطع ملابس خارجيه عدد 3 قطع
3- صدريه 3 قطع
4- لوشن جسم
5- قصاصه اظافير
6- صابونة اطفال
7- علبة تنظيف الآذان

وبسسسسسسسسس .. :)


تجهيزات البوكس والكتابه عليه وتزيينه كلفتني تقريبا << 55 ريال من محل هدايا

تجهيزات البيبي وملابسه واغراضه كلفتني تقربيا 168 ريال << كلها من مذركير ( عندهم اشياء مخفضه )


نبدأ بالصور وبليز بنات ابغى رآيكم بصراحه

[جهد مقله]

مبروك وما عندي خلفيه عن هالاشياء

[My days will come]

وااه مرة نايس :)
بصراحة عجبتني ... طيب وين غلفتي الهدية في أي محل ؟

[My days will come]

المشاركة الأصلية كتبت بواسطة جهد مقله مبروك وما عندي خلفيه عن هالاشياء

مباركتك :) كفاية
ومشاركتك تهنئتك تعني الكثير

[ستأتي أيامي]

أول مره أعرف إنو في وحده سميتي في المنتدى بس بالعنقليزي ههههههههههههههههههههه

مبروووووووووووك ،، وعقبالك ياعسل ’’

حلوه هدية غامدية لندنية ’’ بس مذر كير في غير وقت التخفيض سعرو غالي شويا ’’

أفضل سنتر بوينت أو سيتي ماكس
سنتر بوينت بضائعه أجود من سيتي ماكس ، بس حتى سيتي ماكس مو بطال ’,

في محل اسمو فناتير كلو ألعاب أطفال تقريبا زي التعليم المبكر,,
في مفارش سريـر تدوووووووخ مرررررررره خطيرة ,, ممكن تلاقيها عند التعليم المبكر كمان ماني متأكدة ، بس فناتير أكيد,
ما أعرف سعرها للأسف ,,

أو خذي مجموعه من الألعاب من نفس التعليم المبكر أو فناتير في ألعاب أشكالها مره حلو لسن 3 شهور واقل ,
وغلفيها تغليف حلو ,,
لأنو الملابس فكرتها مسكهلكة شوية ,,