برنامج الارشاد الاكاديمي

[ROoOFaNA]

السلام عليكم ورحمه الله وبركاته
كيف الحال جميعا
عندي استفسار بسيط ياريت تفيدوني بأرائكم الموضوع ومافيه انوا الجامعه ارسلولنا رساله على الجوال
انوا في برنامج ارشاد اكادمي من الساعه 9 الين الساعه 1
وحسب ما سمعت انوا مرره مهم دا البرنامج
بس هل نروحوا وما نداوم داك اليوم
او نداوم لانوا سمعت الدكتوره تقول يوم الربوع حتاخدوا انجليزي ؟

[بهاء]

أنا من جهتي ما راح اداوم يعني مو انا الي قلت تعالوا يوووم الاربعاء هما
مستحيل تعطي محاضرة امكن ما كانت عارفه بذا الموووعد
يا بنت اتوكلي على الله اصلا ما يمديك تروحي الجامعه وبعدين وتروحي لمكان البرنامج

[أحلى جوجو]

والله انا عن نفسي حروح الارشاد وهوه كمان خارج الجامعه عندي المؤتمرات الي جنب الخيمه الرياضيه

وامكن الاستاده ماتدري ولا نسيت انتو قولولها انو عندنا حق الارشاد

[ROoOFaNA]

انا قلت اليوم لمن اروح اسألها
مشكوووورين الله يعطيكم العافيه *_^

[سارة الحربي]

أصلا الحفل مالو داعي ^_^
آنا سألت كثير من الدفعات اللي قبل وقالوا مالها داعي مرررا بس يقولوا ايش ممنوع وايش مسموح ..!!
بس خيتي الانجليزي اللي عندك الربوع هذا ع اي خطه ؟! أي شعبه انتي وفأي غرفه حتاخذينو .!!
آخاف يكون نفسي وأنا الاربعاء مو رايحه ..!

[ROoOFaNA]

يمكن انتي ما فهمتي علي يا ساره انا اقصد برنامج الارشاد الاكاديمي وانتي كاتبه الحفل اذا انتي تقصدي حفل المعايده انا ما قصدته واذا تقصدي دا البرنامج الكل يقول مهم ومفيد وانتي براحتك
انا خطه ب عندي الانجليزي 3 محاضرات من 9 _9,50
ومن 11_11.50
ومن 13_13.50

[oujo]

انا عن نفسي راح احضره

[ROoOFaNA]

بناااات انا سألت بكره مافي محاظرات اللي يبغى يروح يروح

[ReeM..M]

مااتوقع في ..
<< بس لا تتقي لاني جديده حالي حالك
يمكن احد من القداما يعرف لان هنا كلو جديد مااتوقع
بس صراحه يمكن مافي لان اكيد يكونوا دكتوراتكتير هناك وكل البنات بيحضروا
وماراح يشرحو للكراسي ههههههههههههههههه << حرووووح صراحه
وانصحك ترووووحي لان دا اللي اعرفو من الكبباااااار
انو اهم يوم فـ لجامعه

[الطموحه]

احنا سألناهم وقالو انه ماراح يكون فيه أي محاظرات بكره لأنه البرنامج مره مهم
يعني اللي رح تروح الجامعه مابتستفيد شي لأنه مافيه محاظرات

يلا يا حلوين نشوفكم هناك :)