لوسمحتو يابنات ردولي

[اعتبرني ذكرى وعدت]

ياجماعه انا حاليا برا السعوديه وماراح اقدر ارجع غير يوم الجمعه ويوم السبت تبدا الدورة حقت الاداره بسالكم يابنات ايش الحل في مشكله الحذف والاضافه انا من شهر مو موجوده عندي ولما رسلتلهم معامله قالولي اتصلي على وكيله الكليه ودقيت من الصباح الين قبل الظهر ولااحد يرد وفيه بنات قالولي على ايميل الاستاذه سميره المطيري رسلتلها من يوم الربوع والين اليوم مااتعدل جدولي ولا ردت علي
ابغى اسالكم يابنات اللي راحت الجامعه عشان تسوي الجدول من هناك في اي مبنى وايش مكتوب عالباب عشان انا حاستنى الين بكره اذا برضو مانزلت الايقونه باخلي وحده من صحباتي تروح الجامعه وتسويلي هوا

[خ‘ـجل ..!]

ان شاءالله احد يفيدك

[ام بيشو]

انا عندي نفس المشكلة
منزلين ف جدولي مادة وحدة
وايقونة الحذف والاضافة مو موجودة
يقولو تصير تقفل وترجع تفتح
وانا بستنى للثلاثاء لو مانزل اروحلهم مع اني مااددري فين اروح
بس بسأل ف مبنى العمادة واشوف اي مكتب يكون حق الانتساب واسألهم
وربنا كريم

[تغاريد]

روحي كلية الاقتتصاد كونك اقتصاد وادارة

ومن هناك تقدري تضيفي موادك ..

[ايفان]

ام بيشو انا نفس مشكلتك وانا خارج جده وماعندي احد يسوي لي الجدول وماعندي حل الا انهم يرجعو الحذف والاضافه . واذا تعرفوا ايميل سميره المطيري احد يعطيني اياه الله يجزاكم خير
احاول يمكن يتعدل جدولي