باقي على التخرج تكه

[النفيعي]

اخواني باقي لي حسب الخطة وبعد التعثر
اربع مواد : بحث وتدريب - ثقافة المنظمة - اجهزة التطوير الاداري - تقييم البرامج الحكومية

مادتين حره ومادتين اختياريه .

جدولي هذا الترم به ثلاث مواد : ثقافة المنظمة - اجهزة التطوير الاداري - تقييم البرامج الحكومية

سؤلي لاهل الخبره في الحذف و الاضافة اي المواد نحذف وايهم نترك وعن صعوبة المواد وسهولتها .

وللجميع اطيب تحياتي,,,

[ضابط الميدان]

تقدر تاخذهااااا كلها وتخلص في ترم واحد
وكلها نظرية ما عندك مواد عملية

[اللواء كونكورد]

مثل ماقال اخوي شد حيلك كلها نظري وتفتك من ترم ثاني ورسم وسفر وشغلات كثيره بالتووفيق اخووي

[lonely333]

بالتوفيق بالنفيعي
خذا المواد النظرية وخلص منها كلها وأفتك من الهم :)

[النفيعي]

الاخوان ضابط الميدان - سعادة اللواء - lonely333

يعطيكم الف عافية

لكن مسموح لي 18 ساعة فقط وحبيت اقسم المواد افضل ونضمن المعدل ان مازاد ما ينقص

ولا غناه عن اراءكم واراء باقي الاعضاء

[النفيعي]

يالربع وينكم ياهل الفزعة ابي الحق الحذف و الاضافة

[النفيعي]

وينكم يالربع ابي الحق الحذف

[صاحب الراي]

اهلين اخوي النفيعي

عندك ثقافة المنظمه سهله مره انا اخذتها الترم الصيفي الماضي

وكذالك تقييم البرامج بعد ماده سهله اخذتها قبل ترمين

عندك مادة اجهزة التطوير مادري عنها لانها معي هالترم

انا من رأيي انك تأخذ ثقافة المنظمه مع تقييم البرامج وماده حره وماده اختياريه
وتترك المواد الباقيه الترم الجاي

بالنسبه للمواد الاختياريه عندك مادة ادارة المشروعات مع الدكتور شمسان ماده شيقه وحلووه
وادارة التنميه بعد حلووه مع الدكتور اسعد

عندك المواد الحره فيه الحروب الصليبيه يقلون انها مره سهله خاصه ان لها مذكره حلووه موجوده انا اضفتها لهذا الترم

وعندك الراي العام وفن الاقناع يقولون ان المنهج تغير والدكتور بعد تغير

وبس هذا مالدي واذا استجد شي نوافيك


موفق ان شاء الله يارب


تحيات اخوك

ابوطلال

[النفيعي]

يعطيك العافيه اخوي ابو طلال
يعني ارمي اجهزة التطوير الترم الجاي مع البحث و التدريب