الله يوفقكم... ساعدوني..

[سلطان الشهري]

اخواني... السلام عليكم ورحمة الله وبركاته..

والله العظيم إني محتار ما ادري وش اسوي بخصوص الجدول...
الفصل الماضي كنت بالمستوى الثالث ورسبت في مادتين.. المحاسبة101 و الاقتصاد الجزئي..
والان لما نزل الجدول لهذ الفصل - الرابع - نزلت المادتين من ضمن المواد... وما ادري الافضل اني احذفها للفصول القادمة والا اختبرها هذا الفصل احسن...
علما بانه من ضمن المواد مادة الاقتصاد الكلي يعني عندي اقتصاد جزئي واقتصاد كلي..
والمواد هي :
المحاسبة101
ادارة الاعمال بالانجليزية
مبادئ التسويق
ادارة العمليات
مبادئ الاقتصاد الجزئي
مبادئ الاقتصاد الكلي

مع العلم بأن المسار هو : تسويق..... والله ما أدري شكلي ابغيره..

الله يوفقكم جميعاً... لا احد يبخل علي بأي معلومة قد تفيد..

وكل عام وأنتم إلى الله أقرب...

[سلطان الشهري]

الله أكبر... ما فيه احد يقدر يساعدني...

[bent oo bas]

اممممم اقتصادين مع بعض صعب
فانت خد محاسبة واقتصاد جزئي
واذا صعب عليك الاقتصاد الجزئي
شوف هادا الموضوع ممكن يفيدك
http://www.skaau.com/vb/showthread.php?t=128561

[AL_HATTAN]

اخوي مرحبا ..

صح كلام الاخت صعبه الاثنين مع بعض ..

خذ محاسبه والاقتصاد الجزئي ..

وكيف بتأخذ اداره عمليات وانت لسى ما اخذت ماليه شركات ولا استثمار ..

لازم تأخذ هذي المواد وبعدين اداره عمليات عشان تكون عليك سهله وتكون نفس المواضيع مكرره لك ..

بالتوفيق ياارب

[jo0odi]

اخوي جدولك مرررررره دسم انا من رأيي تأجل شوي المحاسبه والاقتصاد الجزئي وتاخذ:
١- الاقتصاد الكلي اسهل من الجزئي بكثييييييير

٢- مبادئ تسويق مرررره حلوه الماده ومهمه بالنسبه لك لانها تفتحلك اغلب مواد الخطه وتتكلم عن المنتج والتسعير والترويج والمنهج ٩ فصول ماده ممتعه بصراحه اذا ذاكرتها بتركيز وبدون لخبطة معلومات تجيب الفل مارك وانت مغمض بس اهم شي دكتور الماده يكون تمام

٣-السلوك الانساني في المنظمات سهله الماده بس الاسئله يلعبون فيها كثير يعني مابين السطور اذا انتم نفس منهجنا فهي ملزمه من ٦٢ صفحه انا احس اني خبصت بس جبت a يعني ٦٢ صفحه كافيه انك تركز فيها بس انا غلطتي ذاكرتها بنفس اليوم وفقدت التركيز ببعض المعلومات <-- تطمح a+

٤- خذ مواد الثقافه الاسلاميه ترا مواد الثقافه مرررره سهله اكيد اخذت ١٠١ في السنه التحضيريه اللحين خذ٢٠١ عشان الاترام الجايه يمديك تخفف على نفسك وتاخذ الباقيه منها وسهل ترا تجيب فيها درجات عاليه عندكم يمدحون الدكتور احمد عزب في القسم اذا يعطي مواد الثقافه خذ معاه

٥- موارد بشريه او ادارة عمليات
الموارد البشريه مررررررررررره طويله ونظريه ويبيلها وقت بالمذاكره بس سهله ترا بس طووووووووووووووووويله وهي تفتحلك ٤ مواد من الخطه او خذهم مع بعض اذا قدرت يعني موارد بشريه وادارة عمليات ..
للأماااانه هذه خطتي الترم الماضي باستثناء ادارة عمليات نزلتها الترم هذا وكانت خطه ناجحه رفعت من معدلي كثيييييير اهم شي انك تذاكر المواد بتركيز والموراد كلها سهله بس طويله يعني خصصلها كل يوم باب لين ماتخلص كل المواد جبت فيها ممتاز الا الموارد جبت جيد جدا وانا حطيتها من ضمن الخيارات عشان تفتح ٤ مواد لك ..

وانت اتوقع انك تحب الحفظ اكثر من الفهم عشان كذا انا حطيت لك ماده فهم وحده والباقي نظري مع تركيز واذا ماتفرق معك احذف الموارد البشريه وخذ محاسبه يعني جدولك يصير ٥ مواد واذا اخذت ادارة عمليات يصير ٦ مواد ..
وعلى فكره ادارة اعمال بالآنجليزي يقولون صعبه وهي راح تكون دسمه مع موادك اما في حال انك اذا مااخذت الموارد البشريه ولا المحاسبه تقدر تاخذهآ ..
اتمنى تكون فهمتني انا بالماده الخامسه خبصتك شوي بس حطيت لك كذا خيار :)

ونصحيه مني احرص انك تاخذ المواد اللي تفتحلك مواد ثانيه ولا تأجلها لانك راح تتوهق بعدين ..
الله يوفقك اخوي لما يحبه ويرضاه
واتمنى من الشباب يساعدونك ..

[لـولـو]

من الافضل توازن بين المواد
خذ مادتين عملي والباقي نظري

المحاسبه خذها هالترم لانها متطلب لمحاسبه 102
ادارة اعمال بالانجليزي اذا انت تمام بالانقلش خذها عشان مايتأثر معدلك
التسويق بما ان مسارك تسويق خذها لانها اكيد متطلب لمواد ثانيه
الاقتصاد الجزئي من رأيي تاخذه هالترم
ادارة العمليات من رأيي ما تاخذها الحين بالمستوى الخامس او السادس افضل
واذا انت تحب المواد النظريه وحاب ترفع معدلك خذ باقي المواد نظري

من الافضل تشوف المواد اللي تقدر ترفع فيها معدلك لانه ممكن يتأثر اذا صرت في مستويات اعلى

والله يوفقك ..

[سلطان الشهري]

أولا أشكر الجميع على ردودهم المميزة والصادقة.. وأسأل الله أن لايحرمهم الأجر..
وأعتذر على عدم الرد.. وذلك بسبب وفاة والدي ((رحمه الله رحمة واسعة، وجعل مسكنه الفردوس الأعلى)) في اليوم التالي لطرح الموضوع، والحمدلله على كل حال.
لا أراكم الله مكروه في عزيز لديكم,,,

[jo0odi]

.. أسأل الله العظيم ان يرحمه بواسع رحمته وأن يسكنه الفردوس الأعلى ..

إنا لله وإنا إليه راجعون

[AL_HATTAN]

عظم الله اجرك اخوي ورحمه برحمته واسكنه فسيح جناته يااارب

[الــوان الـــطيف]

عظم الله اجرك اخوي
والله يغفرله ويرحمه ويدخله الجنه اللهم امين