يابنااات ساعدوني محفظتي ضاعت

[خميسيه]

يابنات اليوم ضاعت محفظتي انا من كلية الاقتصاد المنزلي ياضاعت في الكافتريا او مكان المحاضره في مبنى الخنساء والى الان مالقيتها رحت للشؤون قالو ماوصلهم شئ وانا راح اموت من البكي مو مصدقه مرررررره وسالت الكافتريا قالو مافي ومو عارفه ايش اسوي فيها بطاقه احوالي وبطاقه الجامعه وبطاقه سامبا وبطاقه الراحجي وبطايق اخرى واشياء مهمه وفلوس مايقارب 700 ريال..
امانه الي تلاقيها تقولي لونها تركواز وكبيره بإسم الهام.. ساعدوني الله يخليكم وراح تاخدو اجر بالذات اننا في ليالي العشر من ذي الحجه..
شكرا

[متفآئلة]

ان شاء الله ياااااااااااااااااارب تلاقيها
حسبي الله ونعم الوكيل على اللي يسرق مرة كثرت السرقة حتى الأستاذات صارو يفقدوا أغراضهم

ادعي وان شاء الله بترجعلك
صحبتي لقت محفظتها في الشؤون وكان فيها 500 ريال طبعا مالقتها بس اهم شي البطايق مرة مهمة


بشرينا إذا لقيتيها

[غزلان]

ياعمري إن شاء الله تلاقينها ياااااااااااارب ياكريم وربي حاسه فيك

بس انتي رددي ذا الدعاء وبأذن واحد تلاقينها انا ضاع مني شي قبل فتره
ورددت ذا الدعاء ولقيت الشي

ذا الدعاء اقعدي ردديه (يارب الضالة رد الي ضالتي) >> وباذن الله تلاقينها

طمنينا بالله

[مها وبس]

ياقلبي ياااارب تلاقيها وادي ذا الدعاء(( اللهم ياجامع الناس في يوم لاريب فيه اجمعني بضالتي ))واكثري من الاستغفار

وصدقيني حتلاقيها وطمنينا^__^

[Twix~}..]

ياقلبي عليكي :(

زي صحبتي صار فيها كدا الترم الي راحت وطبعا ما لقتها واتمرمطت مرمطه عشان تتطلع بطاقة الجامعه من جديد وسامبا والاحوال ومشي حالك ..

بس يااارب انك تلقيها والي اخذتها او شافتها تحطها لكي في الشؤون ..

بس مرآآآآآآآآآآ عيب لو كانت وحده متعمده وسرقتها وخاصه اننا بدي الايام ..

[ساكنه في بيتنا]

شفت اعلان معلق في الاقتصاد المنزلي في 43 مو فاكره ايت دور

انو موجود نظارة و محفظه و اظن ساعه من المفقودات ,,

ان شاء الله تلقيها ياااارب ,,

[خميسيه]

الحمدلله لقيتها اليوم عند الشؤون رحت لهم قلت اشوف اطمن طلعت وصلتهم ولا اتصلو عليا مع انو عندهم رقمي
بس الحمدلله لقيتها كل شئ فيها الا الفلوس اخدوها ولله الحمدلله

[ساكنه في بيتنا]

طيب الحمد لله على سلامتها :)

مبروك و انتبهي عليها مره تانيه يا بطه .. خليها في يدك علقيها احسلك ..

[يارب جملنا]

لا حول ولا قوة الا بالله


الله يعوضك باللي راح منهاااا


وربي يوفقك يارب

اسمعي لاعاد تخلي بمحفظتك اكثر من 100 ريال

الباقي خليه بحسابك احسن

استغفر الله السرقه صايره بكل مكان

والحمدالله على كل حال


اتمنى التوفيق للجميع

[متفآئلة]

الحمدلله الله يبشرك بالخيييييييييييير ^^