الباب الثاني في الاحصاء

[قمروليل]

الباب الثاني

2-2 التوزيعات التكرارية

عند حصولنا على بيانات فإننا نطلق عليها مسمى( بيانات خام) وبعد تلخيصها وتنظيمها في توزيعات تكرارية يطلق عليها( بيانات مبوبه).


التوزيعات التكرارية:
هي عبارة عن جداول لجميع الاوجه او القيم التي يمكن ان ياخذها المتغير موضع الدراسه وعدد المفردات التي تمثل تكرارت مناظرة لكل وجه او قيمه.


مثال 2-1
مثال على البيانات النوعية : الجدول يوضح مؤهلا منسوبي الشركه
( النوعية اللي مانسوي عليها ضرب او طرح يعني وصف لشي )

ثانوي
متوسط
جامعي
متوسط
جامعي
ابتدائي
ابتدائي
ابتدائي
جامعي
متوسط
ثانوي
ابتدائي
جامعي
داكتورة
ثانوي
ابتدائي
ثانوي
جامعي
ثانوي
داكتورة
ثانوي
متوسط
ثانوي
داكتورة

المطلوب :: تلخيص هذة البيانات في توزيع تكراري

التوزيع التكراري نسوي جدول نكون جدول من خمس خانات
الخانه الأولى : الفئات(c) يعني اللي يدينا في السوال اللي بيتكلم عنه زي المؤهل علمي عندنا في المثال دا
الخانه التانيه: العلامات يعني نحسب كم مرة اتكرر الشي اللي في الجدول فوق كل خط بعدد واحد ولمن يجي 4 خطوط وفوقها خط تنحسب بخمسه
الخانه التالته: التكرار(f) زي العلامات بس اللهم العلامات بالخطوط والتكرار نكتبها بالرقم برضو التكرار معناه كم مررة اتكرر الشي زي مثلا الدكتوراه اتكررت 3 مرات نعدها من فوق الجدول ونسميها في المثال دا عدد الموظفين .واخر الجدول نحسب كم التكرار.

نسبه الموظفين
التكرار النسبي
عدد الموظفين
التكرار
العلامات
المؤهل العلمي
الفئات


3
///
دكتوراة
نحسب النسبة بالقانون اللي هوا التكرارالنسبي*100%
يعني قيمه التكرار النسبي اللي في خانه التكرار النسبي نضربها في 100%

نحسب التكرار النسبي بالقانون اللي هو التكرار على مجموع التكرار يعني التكرار اللي في الثانوي 4 على مجموع التكرار 10 يعني 4 قسمه 10 ونشوف الناتج
ويطبق على الكل طبعا.
4
التكرار نفس العلامات ومعناها كم مرة اتكررت الثانوي في الجدول اللي فوق .ويطبق على الكل.
//// ماني قادره اسوي الخط عليها دحين دي اربعه خطوط ولمن نحط عليها الخط تنحسب خمسه.وكل خمسه لوحدها
يعني لو كان عندنا من الثانوي 14 نسوي اربعه خطوط وعليها خط يصير خمسه ولمن نوصل ل 14.
ثانوي


1
/
متوسط


3
///
جامعي


1
/
ابتدائي
وهنا برضو تكون 100%
لمن نجمع فوق كل النسب بتعطينا 100%
بتاكد انه النسبة اللي طالعنها صح.
التكرار النسبي هنا يكون واحد ونتاكد لمن نجمع كل التكرارات النسبيه اللي بالفواصل يعطينا واحد.
نجمع كل التكرار اللي فوق ونحطها هنا.يعني المجموع 10

المجموع

الخانه الرابعه: التكرار النسبي (p) نحسب التكرار النسبي بالقانون دا عشان نعرف قيمه التكرار النسبي
التكرار النسبي= التكرار/ مجموع التكرار.
الخانة الخامسه: النسبة ونحسب النسبة القانون انه النسبة = التكرار النسبي* 100% يعني التكرار النسبي في 100% . يعني لمن نضرب 0.057*100=5.7% ولمن تكون 0.371*100=37.1% لأنه للميه منزلتين.




مثال 2-2
مثال على البيانات الكميه المنفصلة:
(لمنفصلة اللي تجي أرقام صحيحة بدون كسور ولمن تجي في أشياء ماتنفع معاها النص زي عدد الغرف ماتجي غرفه ونص)

حله زي الأول نفس الطريقة .









مثال2-3
مثال على البيانات الكميه المتصلة:
(المتصلة اللي تكون فيها انصاص واعشار مو أعداد صحيحة زي الدرجات للطلاب ممكن تجي فيها ونص وربع)
زودك مدير المالية بقيمه الأجور اليومية بالريال لعينه مكونه من 50 عامل بااحدى المصانع :

18
20
21
34
11
84
10
14
87
98
87
75
13
84
10
88
11
44
78
45
85
20
65
60
23
12
45
33

المطلوب : تلخيص بيانات العينة في توزيع تكراري وإيجاد التكرار النسبي.

الحل في خطوات لأنه كميه متصلة غير عن المنفصلة والنوعية

1- أول شي نحسب المدى اللي هوا نحسب الفرق بين اكبر قيمه واصغر قيمه
يعني ندور في الجدول اكبر قيمه وننقصها من اصغر قيمه في الجدول ونطلع قيمه المدى
98-10=88 دي هي قيمه المدى

2- نوجد عدد الفئات لها قانون على أساسه نطلع عدد الفئات اللي هوا (( 1+ 3.3 * log(n)))
حرف n يعني حجم العينة اللي ادانه هوا في بداية المسالة 50 يعني تعويض حرف n بـ 50
يعني log n == log 50 == نطلعها من الاله الحاسبة الكبيرة .

3- نحدد طول الفئة اللي بالقانون طول الفئة = المدى/ عدد الفئات يعني المدى على عدد الفئات ويطلعلنا طول الفئة.

4- نسوي الجدول التكراري اللي نسويه في البيانات المفصلة والتوزيعي

بس فرق واحد في الجدول انه في عامود الفئات انه الفئة الأولى تكون اصغر قيمه في الجدول والفئة الاخيره تكون اكبر قيمه ونكمل الحل كالمعتاد

مكتوب في الفئة الأولى في الكتاب 10- يعني اكبر من عشره واكبر من الرقم اللي تحته .





القوانين:
التكرار النسبي= التكرار/ مجموع التكرار.
النسبة= التكرار* 100%.
المدى = الفرق بين اكبر قيمه واقل قيمه.
عدد الفئات = 1+3.3* log n. ( n = حجم العينة).
طول الفئة= المدى/ عدد الفئات .





3-2

التمثيل البياني للبيانات


البيانات النوعية و البيانات الكميه المنفصلة:تمثل بشكل القطاعات الدائرية وشكل الاعمده.
اما البيانات الكميه المتصلة:تمثل بالمدرج والمضلع والمنحنى التكراري.
وعندما نرغب في دراسة تطور ظاهرة عبر فترة زمنيه:فإننا نستخدم شكل السلسة الزمنية.


1-3-2

شكل القطاعات الدائري:
يعتبر شكل القطاعات الدائري من أفضل الأشكال البيانية لتمثيل البيانات النوعية الاسمية .
(( الاسمية اللي مايكون فيها ترتيب زي الجنسية والجنس ))




مثال 4-2

في المثال هوا ملخص البيانات في توزيع تكراري ونسبي
وهو طالب مننا انه نمثلها عللا شكل القطاعات الدائري

1- نقوم برسم دائرة بنص قطر.
2- نقوم بحساب الزوايا لقطاعات الدائرة والتي يمثل كل قطاع منها احدى الجنسيات اللي في جانا في السوال.
كيف نطلع زوايا القطاع بالقانون == زوايه القطاع= التكرار النسبي*360 درجه ( بس مو عارفه احطها فوق 360))
طبعا في الجدول جابيين بس الفئات والنسبه واحنا نبغى قيمه التكرار النسبي
نقوم نجيب قانون التكرار النسبي = التكرار/ مجموع التكرار
وتطلع النتجيه ونعوضها في قانون زوايه القطاع
مثلا = 0.37*360 درجه= أي رقم يطلع مثلا 45 درجه.
وكل درجه بنرسم بالمنقله .

مثال 5-2

مطلوب مننا قيمه زوايه القطاع الثالث (الغذائيه)؟

أول شي نجيب التكرار النسبي اللي هوا التكرار/ مجموع التكرار
التكرار = 300 و مجموع التكرار= نجمع 500+450+300+250=1500
يعني 300/1500=0.2

قيمه التكرار النسبي 0,2
نعوض في قانون زوايه القطاع = 0,2*360 درجه= 72 درجه.





2-3-2
شكل الاعمده
يعتبر شكل الاعمده من افضل الاشكال البيانيه التي تستخدم في تمثيل البيانات النوعية الترتيبيه والبيانات الكميه المنفصلة.
((ترتيبيه يكون فيها ترتيب زي التقدير ممتاز او جيد والمنفصله يتم الحصول عليها على شكل أعداد ويمكن ترتيبها))


مثال 6-2

نرسم محورين الافقي يعني اللي تحت يكون للفئات والراسي اللي فوق يكون للتكرارت.


مثال 7-2

نفس حل اللي قبله .


3-3-2
المدرج والمضلع والمنحنى التكراري

يعتبر من افضل الاشكال البيانيه التي تستخدم في تمثيل البيانات الكميه المتصلة .
واضحه اشكالها في صفحه 48.


4-3-2
شكل السلسه الزمنيه

واضحه اشكالها في صفحه 50

[الرجل الاخر]

اشكرك على طرحك الراقي

لك ودي

[الســاهــر]

ما شـاء الله تبـارك الله

مجهود رائع بالفعل وقد إستفدنا كثيراً

ولكن ما رأيك لو أضفت هذا الدرس إلى موضوعك السابق هذا

http://www.skaau.com/vb/showthread.php?t=279809

برأيي أن يكون لديك موضوع واحد فيه دروس للإحصاء كاملة

أسهل من أن يكون لكل باب موضوع

حتى لا يتشتت ذهن القارئ في تحصيل الفائدة المرجوه

أنتي دائماً مميزة وستبقين كذلك

تحياتي

[متحطمة موووت]

تسلمين حبيبتي
ربي يوفقك

[كشكولي]

مشكوووور

والله يجزاك خير

[كشكولي]

مشكوووور

والله يجزاك خير

[كشكولي]

مشكوووور

والله يجزاك خير

[شبكة العزابية]

الله يجزاك بالخير فعلا استفدت وشرح اكثر من رائع

[الشهري محمد]

ياجماعة الخير ، الباب الثاني محذوف بالكامل بحسب كلام دكتور المادة في الدورة التأهيلية

[barhoma37]

طرح اكثر من رائع ولكي الشكر والتقدير والامتنان لمى بذلتي من جهد جميل