لجميع الذين انقبلوا بجامعة الملك عبدالعزيز فرع رابغ يدخلوا

[Eng.Ali]

السلام عليكم ورحمة الله وبركاته

كيفكم ياشباب أنا أمس رحت للجامعة شفتها صح انها صغيره بس اريح القاعات جنب بعض

ودورت على سكن ولقيت وان شاء الله بروح استأجر بكره انا واتنين معايه

اللي يبغى سكن يروح مكاتب العقار ,, خصوصا زيي انا من جده وما أعرف رابغ

تمام بس سألت في مكاتب العقار ودلوني المهم نبغى نتعرف على بعض هنا في المنتدى

قبل ما نتقابل هناك في الجامعه طبعا أنا إسمي علي وراح تلاقون مكتوب على مذكرتي

aloosh 2020

اذا لقيتوا كذا حتعرفوني على طول ,, أبغى كل واحد يقولنا اسمه الحين عشان لا نروح هناك

ونسوي مجانين على بعض تمام ,, وأنا ما أنصح إنك تروح وتجي أحسن حل إنك تسكن هناك

حتى لو 4 في شقه وحده والايجار قطه بينكم عاااااااااادي شغل عزابيه وبعدين الطريق ممله

مافيها أي شي يونسك يبغالك كل يوم في الخط تكلم خويتك عشان ما تطفش أو تنام

بعدين لو لا سمح الله ضرب كفر عليك في الخط توسخ ثيابك و تطلع ريحتك وتتأخر على الجامعه

هذا اذا ما نقلبت وإلا صارلك شي لاسمح الله .. المهم ما أطول عليكم المتل يقول

(( قال ايش صبّرك على المر قال اللي أمر منه ))

[Eng.Ali]

ياهوووووووووو ,, ماحد رد

[raaan]

Slam

أنا ( ريان ) من جده و كمان معاك في رابغ

حتلاقي على مذكراتي أسم (raaan) عشين لا شوفتني تعرفني

أنا باقي أدور على سكن أنا ومعاي خوي كمان معاي في الجامعه برابغ وباقي ندور على سكن

وادعيلي نلاقي سكن

[الفايكينغ]

والله انا راءي نروح هناك ونتعرف احسن بس ما عندي مانع معاكم بدر وابغالي سكن وما أبغا اسكن لوحدي فعشان كده ممكن اطلع وانزل كل يوم ....... والله يعين

[Eng.Ali]

انا بروح بكره الخميس رابغ بعد العصر عشان اشوف سكن ليّه انا واتنين معايه

ان شاء الله يا ريان نلاقي سكان وكلنا نطلع في عماره وحده

[Eng.Ali]

ايوه ياريان أنا انصحك انك تشيل الفكره من راسك انك تروح وترجع لانه تعب وإرهاق وغير كذا الطريق

ممل وممكن يسير شي لاسمح الله وتلعن اليوم اللي رحت فيه للجامعه ,,

[Eng.Ali]

ياهووووووووو بس اتنين اللي انقبلوا

[م.فوفو]

معاكم فوفو وانا كمان من جدة ونازل رابغ السنه هدي الله يعديهاعلى خير وتعرفوني اذا مكتوب على مذكراتي (fofo)وانشالله تكون سنه حلوة

[Eng.Ali]

هلا فوفو ,,, مررررررررررررراحب بيكم كلكم

[Eng.Ali]

ايوه شباب ترى نزلت الجداول يعني بكره فيه دوام ,, والله يعين .. ان شاء الله نتقابل