إدارة خدمات صحيه ..!!!

[Roofa]

السلام عليكم .. .

شباب بنات ايش رايكم في مسار إدارة خدمات صحية ...؟؟

كيف دراستو وكيف فرص العمل فيه بالنسبه للبنات .. ؟؟

ممكن تفيدوني

[روح البنفسج]

الدراسة ممتعة وووو مقدر اقولك سهلة ولا صعبة يعني وسط

اما التوظيف فيكفي انك راح تدخلي تحت الكادر الصحي

[Roofa]

شكرا روح البنفسج بس انا سمعت انو الوظايف مو مره عليها بالنسبه للبنات فأبغا توضيح اكتر للي عندو فكره عن دا الشي

[$صاحب السمو$]

معليش السوال موجه للبنات بس انا بقولك قصة وحده متخرجه من اداره صحيه تقدير ممتاز مع مرتبه الشرف والمعدل 4.75 ولاحصله شي وشوفيه شغاله بمستوصف خاص ب 1500 ريال وهي ممتاز متخرجه انا انصحك في مسار ادارة عامه عام عشان لاتحكري نفسك في مجال معين وتكون الخيارات امامك مفتوحه بشكل اكثر بكثير سوا صحه تعليم او اي قطاع حكومي اكثر واسف على الاطاله وانا اقدملك ايها نصيحه ادخلي مسار اداره عامه عاااام

تشااووو........

[Roofa]

شكرا صاحب السمو على افادتك بس اعتقد انو ادارة عامة مافيها الا مسارين اللي هيا ادارة خدمات صحية و التاني تطوير وتنظيم ...

انت ايش تقصد بإدارة عامة عام ..؟؟؟؟؟

[$صاحب السمو$]

لا ياريوف فيها المسار ذا كان مفتوح وبعد التغير الي حصل بالقسم وفك مسارت جديده انقفل فتره وفكوه توهم قبل يمكن حوالي ترمين او ثلاث ولا احد دراء عنه انه فك وانا الحين بالمسار الي اقولك عنه انتي روحي للقسم وقولي لهم ابغا احول مسار اداره عامه عام وانا حولت للمسار ذا وانا مكتسب 85 ساعه واكثر الطلاب لما عرفو حولو له لانه مجاله اوسع ومفتوح والفرق بالمواد بسيطه اتذكرت لما حولت فرق ممكن ثلاث مواد على حسب مسارك واي استفسار عن المسار ذا ابشري بعزك

تشااوو......

[Roofa]

مرررره ثانكس يا صاحب السمو وانا اسمي روفا مو ريووف :d

إلا ازا كنت بتدلعني دا شي تاااني

[$صاحب السمو$]

العفو وريوف دا اسم الدلع الجديد حقك ههههههههههههههههههههه وموفقه ياروفا