إستفسار أرجو المساعده

[Rawan-Ad]

مرحبا صباح الخير على الجميع =)

أنا عندي كم إستفسار ياليت تساعدوني , نزلت المواد اللي بحطها بجدولي بس ابي اخذ رأيكم والله يفرج هم من تساعدني ويوفقها وينجحها يارب في جميع امور حياتها

جدولي كالتالي:
السلوك الإنساني في المنظمات
إدارة الأعمال باللغة الإنجليزية
مبادئ التسويق
مبادئ مالية شركات
تحليل كمي

سؤالي هو: هل مادة مبادئ مالية شركات تعتبر رياضية؟ اذا نعم انا مفكرة استبدلها بإدارة العمليات أدر 221
الله يوفقكم من جد محتاجة مساعدة انا إنتساب وبالرياض ومره قليل إللي أعرفهم بجدة ومو نفس تخصصي حتى وبحثت في المنتدى ومو عارفه ومو لاقية جواب

شكرااا

[AL_HATTAN]

انا برأي الشخصي ..

جدولك حلوو وميه ميه .. بس في حاجه احب اقلك هيا ..

اللي هيا / تحطي محاسبه 102 مع ماليه شركات .. لانو في بابين كامله نفس بعض يعني لو ذاكرتي من ماده خلاص مايحتاج تذاكريها من الماده الثانيه ..
وحتى كمان التحليل الكمي .. في باب يشبه الابواب اللي في المحاسبه 102 وبرضو في ماليه شركات ..

انا اخذت قبل ترمين نفس المواد حقتك ومعاها المحاسبه 102 .. وكنت مره مرتاح في المذاكره وكان احسن ترم عدا عليا في الجامعه لانو كل المواد متشابهه ..

وهذا يعتبر الرأي الشخصي فقط .. وانتي لكي الحريه في جدولك ..

وانتظري أراء الطلاب والطالبات ..

بالتوفيق ياارب

[عنـقـــــود الغــلا]

ماليه شركاات ماده علمييه ويبغالهاا تركيييييييييييييييز جدآآآ ..

[Rawan-Ad]

الهتان اشكر لك ردك لكن المشكلة انو انا حملت التحليل الكمي فودي انزلها الترم هذا واركز عليها هي لحالها بدون مواد عملية ثانية لأنو كثرة المواد تلخبطني انا فأنا شايلة هم انو مالية شركات تكون رياضية بعد وانا ابغى مادة رياضية وحدة كل ترم عشان كذا انا شوي حايسة في جدولي =(

عنقود الغلا اشكر لك ردك
انتظر اراء البقية

[AL_HATTAN]

على كذا مايكون في توازن بيت المواد في الجدول ..

يعني التوازن يكون بمادتين علميه بــ 3 مواد نظريه .. << هذا التوازن في نظري الشخصي ..

على كلامك لازم تأخذي ماليه شركات خلاص اتوكلي على الله وخذيها ..

لان الترم الجاي عندك ماده استثمار ولازم تكوني مخلصه ماليه شركات عشان تقدري تأخذيها .. اما المحاسبه 102 عادي تأخذيها اي وقت ..

انا كانت وجهي نظري عشان مادتين تسهل بعض في المذاكره .. اللي هيا محاسبه وو ماليه شركات ..

اختي روان .. انتي كيف في المواد العلميه .. ( انتي علمي ولا ادبي ) ..؟ وترى في وقت للمذاكره يعني باقي 3 شهور كامله اللين الاختبارات .. ماتقدري تخلصي 6 مواد .. ..؟

[Rawan-Ad]

والله لو انا عارفه كيف ارتب جدول ما سويت الحوسة هذه
انا التحليل الكمي مسبب لي رعب فضيع انا تخصص علمي صح لكن احس لما ادرس واروح امتحن الاسئله ماهي واضحة في بعض المواد فيها تلاعب شوي وانا انحاس لما اشوف كذا ومره مو عارفه كيف ارتب جدولي اخاف انزل مادتين علمية اقعد احوس القوانين وادخلها في بعض
انا باقي لي 3 مواد عملية (محاسبة 2- اقتصاد كلي- تحليل كمي ) وهي اللي اعتبرها اصعب شي المحاسبة انا كويسه فيها وامشي بدون مشاكل اذا كانت زي الاولى لكن كيف ارتب جدولي الترم هذا مو عارفه انا عندي مدرسة تدرسني لأنو مستحيل ادرس نفسي مااعرف تقولي نزلي محاسبة وانا ابغى التحليل لأنه احس قاعد لي زي الهم ودي امتحن فيه وانجح فمدري ايش رايك؟
والله حوسة الجدوال هذه

ايضاً رد على سؤالك مااقدر انزل 6 مواد السستم ما يسمح لي انزل اكثر من 15 ساعة لأنه معدلي نزل السمستر الثالث فخرب علي كل اللي سويته
مشكور اخي

[AL_HATTAN]

طيب ايش رأيك بهذا الجدول حق هذا الترم والترم اللي بعده .. لازم تحسبيها صح عشان تعرفي الترم اللي بعده ايش تأخذي عشان تكوني خلصتي متطلبات الموااد اللي عندك ..

الترم الحالي سلوك انساني ..102 مبادئ التسويق .. 211 محاسبة 102 .. ماليه شركات .. 340 اداره اعمال بالانجليزي .. 103 هنا مجموعهم 15 ساعه ..

-----------------------

الترم اللي بعده ان شاء الله إداره عمليات .. 221 استثمار .. 345 تسويق دولي .. 414 اداره موارد بشرية .. 231 تحليل كمي .. 204 وممكن تضيفي ثقافه ومعاها النوع الاجتماعي يكون مجموعهم 3 ساعات .. هنا عندك اذا اخذتي ثقافه والنوع الاجتماعي يكون 18 ساعه واذا بدونها 15 ساعه ..

-------------------
ماليه شركات تأخذيها عشان تفك لكي استثمار الترم الجاي ..
والتسويق الترم هذا يفك لكي التسويق الدولي الترم الجاي ..
واداره عمليات + التحيل الكمي الترم اللي بعده عشان تفك بحوث عمليات الترم اللي بعدهم ان شاء الله ..
واداره موارد بشريه تفك لكي الترم اللي بعدهم ماده اداره اعمال دوليه ..

ولازم انتي تحسبيها زي كذا مو اختار على الفاضي وامشي .. وهذا رأي في جدولك .. ولكي الحريه في النقاش والاختيار ..

[AL_HATTAN]

وممكن انتي تتأكدي كمان من المتطلبات الموجوده في الاوديس حقك ..

ممكن اكون متلخبط في ماده او شئ ..

انتي اخذتي لغه عربيه 2 ..؟

محاسبه 102 اسهل من محاسبه 101 .. << بس اذا كان تأسيسك مضبوط في محاسبه 101 .. وفاهمه كل شئ فيها ..

بالتوفيق يارب

[Rawan-Ad]

اخ هتان الله يوفقك يارب ويسهل لك جميع امورك ويحقق لك كل ماتتمنى

والله الجدول اللي انت حطيتوا بالمرة حلو وحسيت اني ارتحت نفسياً شوي شوف اخي انا اخذت جميع مواد الثقافة بس باقي لي الثقافة الاسلامية 401 والعربي اخذتوا كمان والحمدلله رفع معدلي الترم اللي راح

شكلي راح انزل الجدول اللي اقترحتوا مرتب اكثر من اللي انا مخططة اني اسجل

مره اخرى اشكرك على مساعدتك والله يوفقك بحياتك العملية والعلمية
تحياتي

[AL_HATTAN]

تحياتي لكي اختي روان .. واي خدمه انا حاضر ..

طيب مدام ارتحتي هذا شئ حلوو .. ليش ماتضيفي النوع الاجتماعي هذا الترم ماده حلووه وسهله مررره لو مافكيتي الكتاب تجيبي 80 .. وماده كلها ساعه وحده .. ياريت قبل لاتضيفيها تشوفي ملخصات لها .. عشان تتأكدي بنفسك ..

الله يووووووووووووووووووووفقك ياارب