شرح العقيده الطحاويه لاابن ابي العز

[fasol]

السلام عليكم ...
مدخلات الكتاب او بما يقال له عناوينه
1-عنوانه وبه نستعين ...
شرح الموضوع باختصار :الحمدلله نحمده ونستعينه...الخ
اما بعد:فانه لما كان علم اصول الدين اشرف العلوم اذ شرف العلم بشرف المعلوم ارجو منكم استخراج سؤال من هالنقطه لان جد ماادري كيف بدرس هالشي.
ومن المحال ان تستقل العقول بمعرفة ذلك وادراكه على التفصيل *مافهمت اش يقصد بس بمشيها
*بالله انتبهوا يقول الكاتب معرفة المعبود سبحانه وباسمائه وصفاته وافعاله اذ على هذه المعرفه تبنى مطالب الرساله كلها من اولها الى اخرها ثم يتبع ذلك اصلان عظيمان... معليش ماادري على ايش جاب الاصلان العظيمان ارجو مراجعة كتاب الطحاوي الجزء الاول صفحة 121 عشان تكتبولي الاصلان العظيمان على ايش بنيت ..
طبعا الاصلان احدهما: 1-طريق موصل اليه وهي شريعته المتضمنه لامره ونهيه.
2-تعريف السالكين مالهم بعد الوصول اليه من النعيم المقيم واعرفهم بحال السالكين ...............الخ
الى صفحة 126
لما تشوفوا مكتوب ....
ويلاحظ من الكتاب ان الشارح رحمه الله اختار منهجاً يتميز بثلاثة امور
الاول الاختصار.
الثاني:ترك التسجيع الذي درج عليه الطحاوي.....طيب هنا بالله كيف بحفظ شي بالهوا مااعرفله سؤال وهل ممكن تجي اساله من هالشي؟؟؟؟ لازم احفظ اش المنهج اللي يتميز بها الشارح الله يرحمه ويغمد روحه الجنه
نجي عند موقف الشارح صفحة127 بالله ياشباب ابغى تحديد مختصر واش احفظ لان شكل الشارح مواقفه كثيره وهل؟ الايات والاحاديث والاشعار معانا والا لا...
من 127 طبعا الى 146 هذي مواقف الشارح ولا شي عرفت ايش اللي المفروض ينحفظ ..
.................................................
الفصل الثاني
2-حديث جبريل في الاسلام والايمان والاحسان
بداية الموضوع حبيته لما قال اركان الايمان هي الايمان بالله,وملائكته وكتبه ورسله واليوم الاخر والقدر خيره وشره اللين ماقال الشارح في الصفحات المحدده بين الاقواس معانا والا لا انضرب مخي والله ..
............................................
الباب الثاني
فيه خمسة فصول
قبل الدخول للفصول في شي اسمه مدخل وهذي قبل لا تدخل على الفصول وتجيك قبل الموضوع المطرح بس نفسي اعرف نحفظ منها شي .. وارجوا من لديه خبره في الثقافات الاسلاميه وفي كتب الدين افادتنا وتلخيص هذه الماده ولنتعاون وله الاجر باذن الله افتحوا على صفحة 316 تحصلوا ايات من سورة الانعام ارجو ان اعرف هل نحفظها والا لا
غير كذا نرجو من أي احد عنده الكتاب ولو عنده خلفيه يفتح من صفحة 313 الى 485 ويقولنا اهم النقاط واهم الاشياء اللي كتبها الشارح والاشياء اللي المفروض تنحفظ وكيف طريقتها مع التطرق للجزء الثاني للكتاب من صفحة713الى 770ولكم ولنا خير الجزاء باذن رب السماوات والارض
تحياتي لكل من سيشارك في هذا الموضوع ولكل من استطلع عليه

[أبو دجانة]

اتمنى انك تفتح خاصية الرسائل الاكاديميه عشان اعطيك ايميلي وافهمك مزبوط وضع الماده . .لانه الشرح يطول هنا ويمكن ما تفهم مزبوط . .

[fasol]

ماادري كيف افتحها ... هالخاصيه

[نبض حياة!]

إذا يدرسكم د.محمد حلواني ..
فله طريقة مميزة في الأسئلة وله نماذج لطريقته على الموقع يهتم بالأبيات وقائلها وما إلى ذلك .

[fasol]

تسلمين والله بس يعني مو فله عاد الابيات لو ايات او احاديث معقوله بس الله يعين لو مثلا مابنعرف ايش بنذاكر او نذاكر كل شي ونوهق بالحفظ جد التعليم متعب بعدين تعالوا نختبر قدرات والله يعين على بالهم بنجلس نتذكر كل شي الله يعين بس

[روقااان]

من جد الله يعين انا شفت الكتابين جاتني صدمه للحين مو مستوعبه

[fasol]

ههههه ترى هينه بس شكل الكاتب اللي كتب الكتاب كان روقان من جد حاله يرثاء لها بس انا اول مااذاكر واعرف كيف مداخل الكتاب اكيد راح اجي اقولكم لان الكتاب يبغالوا دكتور يشرحه عشان يفتح الرموز اللي فيه لان فيه اشياء كثيره ودش وكلام كثير خلوها على ربنا ان شاء الله يسهلها وباذن الله100 من 100 كلنا

[روقااان]

خلاص نعتمد علي الله ثم عليك وننتظر فتح الرمووووز بس اخاااف مانشوووووفك لنهايه الترم هههههه

[fasol]

لالا بس حبيت ابدا بالقران وكم اسبوع وشويه ان شاء الله اني اخلص ابغى اركز عليه والله دعواتكم وعن حكاية الرموز والله كل ماده في بداية اي كتاب لااي طالب صعبه بس بعد مايجلس يذاكر ويركز مع الماده يستوعب انا مريت مرور الكرام انصدمت والله بس وغير كذا الدورات حقت الانتساب شهر 1 يعني على بال مايجي الا قربت الاختبارات مررره يعني الله يعين تحطيم بس شباب تكفون حقين الانتظام ساعدونا بالمهم وعلى ايش ركز الدكتور يعني تعاونو الله يعاونكم ان شاء الله

[غيم تايه]

والله اختلف معكم مادة العقيدة الاسلامية مادة سهلة جدا ، طبعا هم على المذهب الحنفي ، يعرض العقيدة الطحاوية ويقوم بشرحها ابي العز مثلا . في فصل حديث جبريل في الاسلام والايمان والاحسان يقول الشارح ابي العز وقوله والايمان هو الايمان بالله وملائكته وكتبه ورسله واليوم الاخر والقدر خيره وشره وحلوه ومره من الله تعالي يقصد انه كلام الطحاوي وهو واضح لان الخط باللون الغامق ، ثما يبدا يشرح هذا الكلام وكل الكتاب على هالمنوال ..