التحويل من اداره الاعمال الي اداره عامه معاناه

[رياض الرياض]

السلام عليكم ورحمه الله وبركاته ..

يسعد لي صبـآح // ومســـآء الجميع بكل خير

حبيت ابين لكم موقف مر على انا اكملت مرحله السنه التحضيريه والحمد لله

في طلبات التسكين عطوني قسم ما ارغبه انا هو اداره الاعمال برابغ طبعا انا من سكان الرياض وبالغصب عرفت موقع الجامعه بجده كيف الحين برابغ

كلمتهم قالو للاسف يا اخي لازم تجي الجامعه ويصير الي تبي
طبعا قدمت اجازه من الدوام وسافرت جده

وصلت عند الموظف قال لي للاسف ما فيه تحويل قلت له شلون تحطوني اداره الاعمال وانا طالب اداره عامه قالو المعدل ومن الاعذار الي ما لها اي صله بالحقيقه ولا اخفي عليكم قدمت خطاب الي عميد الكليه مدري الانتساب اسمه الدكتور عبد الفتاح وابشركم سحب علي ما رد ولا شئ والسكرتير حقه يصرفني
ما ابي اطول عليكم انا انسان ما ابي هذا القسم ابي اداره عامه

نفسيتي مش ولا بد يعني ودي افصل وما ودي مدري شلون

الي ابيه الله يسلمكم

من الي معي في الرياض اول سنه اداره اعمال نبي نتواصل مع بعض نسافر مع بعض يعني يحفزني شوي

وبس الله يسلمكم طولت عليكم ادري << وخر بس

[خـ ج ـل]

نفسيتي مش ولا بد يعني ودي افصل وما ودي مدري شلون

لالالالا ماأنصحك والله
شوف بقولك شغله فكر فيها يمكن خير من ربك وهالتخصص بفتح لك ابواب رزق ماتوقعتها أنا الحين ان شاء الله قبلت في وظيفه قبول مبدئي والفضل يرجع بعد الله لإختيار التخصص
خلك ع التخصص ولاتخاف الإختبارات والدورات بجدة انسى رابغ
وحاول تنسق جدولك مع اي واحد رح يحضر الدورات لو ماجيت تآخذ منه كل شي صار بالدوره

وحده من صديقاتي هيك دخلوها إدارة أعمال والبنت مو شاطرة بالمواد العلمية وراحت وبكت وترجت تحول التخصص لأنو مو رغبتها قالو مانقدر ورجعت ونفسيتها سيئه والله أقنعتها تتوكل على الله وعسى بلأمر خيره وتشد حيلها وتستفيد من الدورات
عسى الله يوفقنا ويرزقنا من حيث لانحتسب

[رياض الرياض]

الله يعطيك العافيه خجل

ولكن ما اقدر احضر دورات بجده والله ما اقدر ظروف عملي ما تسمح ابد بالغصب يعطوني اجازه اختبار

والله يا خجل ما ادري وش راح اسوي بالظبط محتار وربي

لكن ان شاء الله اتعرف على احد نفس تخصصي ومعي بالرياض يفيدني وافيدهـ

ع العموم تشرفك بردودك يا خجل

مودتي لك ..//

[خـ ج ـل]

أول شي غير التخصص بملفك الشخصي لإدارة أعمال :) >> تفائل
ثاني شي شيك على قسم إدارة الأعمال فيه قروبات للمستوى الثالث برابغ وفيه اعتقد الشباب مسوين قروب يمكن يساعدونك
بالتوفيق

[رياض الرياض]

ههههه < لا خليني احلم باداره عامه

لكن وين القروبات هذى وين احصلها

شوي غشيم بالامور هذى

[خـ ج ـل]

http://www.skaau.com/vb/showthread.php?t=264910&page=7

[ملكة المشاعر]

الله يعينك انا كمان من الرياض ومره نفسي ادخل اداره عامه وكل ماارسل لعبد الفتاح مشاط مايعطيني وجه

مااقدر ادرس شي انا ماابغاه بس جالسه احاول وان شالله يغيرولي

[رياض الرياض]

ملكه المشاعر

ما ودي احطمك ولكن احلمي بالادارع عامه تدرين ليه انا اقول لك

بحسب خبرتي بما اني رحت لهم جده اول شئ اكثر العالم تبي اداره عامه والسبب عشانها للحين بجده واكثرهم يبون ينحاشون من رابغ انا ما ادري وينها رابغ

ملكه قدمت خطاب لعبد الفتاح ولكن ما حصل شئ مستحيل مستحيل مستحيل هذا حسب كلامهم التحويل لان كثار الي يبون يدرسون بجده

كلمت دكتور بنفس الجامعه عن طريق معرفه وقال لي والله صعب لان اكثر الناس تبي تدرس بجده ما تبي رابغ

والله ما ادري كيف بتصير ولا اعرف وانا ما ابي اداره الاعمال ما ارعب التخصص هذا لكن حيل الله اقوي

انا ما ودي احطمك ولكن ان شاء الله تحولين اداره عامه واذا حولتي حوليني معك < هع

اتمنى لك التوفيق

[مفهي]

الله يوفقك ويمكن خيره لك
واكثر التخصصات الحلوه في ادارة الاعمال

ونصيحه تسويق ماتبحل

[رهيب66]

حياك الله اخوي :)


انت سيم انا تماما :$


اتمنى تضيفنيي

يمنع منعاً باتاً وضع الايميل الشخصي