أبغى أعرف إيش الهرجـــة...!!!

[doo0ody]

السلام عليكم ..
معليش سؤالي غريب شويا ..أنا دوبي شفت جدولي ..خطة أ..
مو كدا الموضوع ...أبغى أحد يفهمني ..

أنا ساكنة في المدينة..وابغى أعرف كيف ومتى أحضر؟؟ والكتب من فين أشتريها ..؟؟
وايش هرجة نظام السنترا ..؟!!!!..يعني كيف النظاااام لأني مررره خاااايفة..
على بلاااااااطة ...مني فاااهمة حااااجه ..<<<عارفة انو شي غريب و مافي أحد زيي..

بس إيش أسوي ..انا لااازم أفهم وأعرف ..لأني أبغى أشد حيلي وأجيب معدل ..
و ما أبغى أتفشل قدام أهلي ..لأني واعدتهم ..


والله اللي حتجاوبني ..وتساعدني ...اني ماراح أنسى لها دا الشي ...
وحدعيلها من قلبي ..

أستنااااكم على أحر من الجمر ..

[asom]

شوفي يااختي انتي خطة أ تاخذين الكتب الى منزله بالجدول بس

وبعدين قبل الاختبار ع مااظن بشهر اذا مو اكثر بتاخذين دورة ع النت تسجلين فيها اسمك عشان تحضريها برضوا عن طريق النت

بتاريخ معين انا اماعرفه متى بس انتي راجعي الاودس بين الفترات
وبالنسبة لحضورك الجامعة انتي انتساب يعني الحضور ليس له داعي

والكتب من الخوارزم اتصلي عليهم واطلبي خطة أ تحضيري اداري انساني طبعة جديدة وهو يوصلها


واي شي انا حاضرة

[εqαά αŀώάrđ]

شوفي غناتي .. لاتتوتري ولاشي .. المسألة سهلة ومافي ابسط منها ..

اول شي انتي خطة أ .. الدورة التأهيلية تبعك تبدأ
دورة الإنتساب المطور (سينترا) لطالبات السنة التحضيرية خطة ( أ ) تقدم عن طريق الإنترنت من 28/12/1431 الى 16/01/1432

وهذا التقويم فيه جميع المواعيد .. احتفظي فيه يفيدك ..

والسنترا حلو محاضراتك مباشرة مع الاستاذة وتقدري تسأليها كمان .. يعني كنك في الجامعة ^ــ^

وكمان حلو ان المحاضرات تتسجل تقدرين ترجعين لها مرة ثانية كمان .. ^ـــ^
...........................

نجي للسنترا ..
أول شي حملي البرامج الثلاثة الخاصة به وثبتيها ..

تجدينها على هالرابط ..
http://elearning.kau.edu.sa/Pages-%d...%8a%d9%86.aspx

ادخلي هنا .فيه شرح للسنترا من موقع العمادة صوت وصورة. يفيدك الشرح لتحميل وتنصيب البرامج الخاصة به .

اول شي هذا الفلاش صوت وصورة .. ادخلي فيه على استخدام نظام تفاعلي .. وتنقلي عبر القائمة اللي باليمين

يشرح لك السنترا كاملاً ..http://emes.kau.edu.sa/ddlcourses/em...tra/intro.html

وهنا شرح للفلاش فين تدخلي بالضبظ وشرح للبرامج اللي تحتاجينها بالصور ..

http://www.skaau.com/vb/showthread.php?t=171522

وهنا بعد ماتخلصي تنصيب وتثبيت ..
سوي فحص بالطريقة التالية
http://www.skaau.com/vb/showthread.php?t=171522&page=2


................ وان شاء الله كله يكون تمام عندك بعد الفحص ...................

طبعا السنترا حيفتح التسجيل فيه قبل موعد دورتك بيوم او يومين حينزل في الدوس عندك وتسجلين فيه من هناك ..

اما الكتب انا افضل تتنظري لين ينزلوا المفردات عندك بالدوس .. افضل عشان تكوني متأكدة من الكتب .. بس براحتك اذا حابة تشترينهم الحين ..
عندك مكتبة خوارزم يوصلون لك بس مااعرف شلون عن طريق موقعم بالنت ..

اتمنى اكون وضحتلك واي سؤال حياكِ ..

[ماعندي اسم]

رفع مهم

[doo0ody]

ياقلبي إنتـــو ..والله مرررره يسلموووووو asoom .. εqαά αŀώάrđ ... بدون اسم

خلاااص أنا كدا اطمنت .. جزاكم الله ألف خيير..
انا دحين كلمت أختي .. عشان تجيب لي الكتب من خوارزم ..
وان شاء الله شويا شويا وأفهم السنترا ...

بس سؤالي / دحين ادا جاتني الكتب..كيف اعرف مفردات المقررات ..!!!
ايش اللي ادرسه ؟؟..!!

يعطيكم ربي ألف عافية ...
أستناكم

[εqαά αŀώάrđ]

حياكِ يالغلا ..

اول شي خشي هنا عشان تستفيدي اكثر من الدورة اللي حضرناها التدريبية ..

http://www.skaau.com/vb/showthread.php?t=267390

بالنسبة للمفردات .. راح تنزلك في الدوس .. على اليمين في قائمة اسمها مفردات السنة الدراسية .. تدخلين فيها
وحيطلك خطتك سواء الف او باء .. اضغظي عليه وحينقلك للمفردات

بس للان لم تنزل المفردات ^ـــ^ يمكن تنزل بكرة او بعده او السبت .. شيكي بين وقت والثاني ..

موفقة

[مشعل العجمي]

εqαά αŀώάrđ ..... بصراحه شرح بالتفصيل...

[doo0ody]

الله يخليكم انا كل لحظة..أشيك على الاودس ..أشوف المفردات والا الآن ما نزلت ,,

الله يسعدكم أحد يعطيني المفردات ...والله مرعوووبة وخاااايفة يكون راااح عليا الوقت ..مي فااهمة شي ..أقلب في الكتب ..ومني عارفة ايش اللي معايا وايش اللي لا ...

الله يسعدكم ..أستنااااكم

[MeeDo HckeR]

كان نفسي اساعدك بس الاخوان والاخوات ما قصروا ،،، واتمنى لك التوفيق

[سومااا]

وانااااااا مثلك يا دودي حاااااايسه ومني عارفه كييييف