فين التعااااااااامل !!!!!

[ktko0ota smile]

بسم الله الرحمن الرحيم..


أول شي أنا طالبة انتساب قسم علم نفس مستوى خامس..حلو الكلام ؟؟


أبغى أعرف متى تبدأ دورتنا بالضبط لأنو لا في الاوديس يكتبوا ولا في مكان ممكن اننا نعرف منه إلا انك تروحي وتسألي بنفسك وهذا الي اختكم سوته..

نبدأ القصه :)
رحت زي الحلوين عند العماده الي المفروض يكون عندهم خبر عن كل شي لأنها (عماده)

طبعا بعد ماوقفت في الطابور الطوييييل وزحمة البنات جا دوري وكانت في وحده قاعده على مكتبها وحاطه رجل على رجل قلت لها لو سمحتي ..ماردت قلتلها أبغى أستفسر..ماردت قلتلها ياااااااالوسمحتي ..طاااااااالعت فيا وقالت نعم؟؟؟ ايش تبغي؟؟والله قالتها كأني أتشحتها.المهم قلتلها ابغى أسأل متى موعد دورة الإنتساب؟طااااااااااالعت فيا من فوق لتحت ولفت وجهها وقعدت تاكل شبس وتكلم صحبتها تقولها عندك عصير !!!وانا واقفه وربي كأني اطلبها شي من بيت أبوها..
قلتلها لو سمحتي أنا واقفه استنى قالت بصوت عالي روحي واسألي في قسمك جايه هنا تسألي!!
وربي لو مو تربيتي انها ماتسمحلي أغلط عليها والمكان الي أنا فيه كال لعنت والديها بس قلتلها شكرا ومشيت..
رحت القسم قالولي روحي غرفه ....رحت وكانت زحححححححمه الين ماجا دوري تقوم تقلي مستعجله على ايش يا طالبه؟؟؟وقت ما تبدأ دورتك اكيد حتعرفي<<<<طبعا الكلام دا كان من طرف خشمها..

الي ابغى أعرفه لييييييييييش مافي إحترام للطالبات؟؟؟ترى احنا مو عشان انتساب معناه اننا عادي نتهزأ واننا محنا قد التعليم!!
ايش حيخسروا لو عاملونا كويس؟؟؟؟
حتى لو ماكان عندهم خبر بالي اسأل عنه المفروض على الأقل يكون في تعاااااااامل
المبدأ الي طول عمرنا نمشي عليه انو الادب بعدين العلم لكن للأسف في جامعتنا مافي أدب ولا احترام ولا تقدير للطالبات (الا من رحم ربي)
في المقابل في أستاذات زي العسل وقمه في التعامل والاحترام من جد يحببو الواحد في الماده..

الخلاصه أبغى أعرف متى تبدأ دورتنا !!!!

وسلامتكم :)

أختكم :ktko0ota

[ghadeer89]

على حسب اللي مكتوب في التقويم انو دورة الاداب تبدا 8/11 لمواد المستوى الرابع الى الثامن ... بس اذا كان في مواد من المستوى الثالث حتكون عن طريق سنترا يوم 28/12

[aziz8008]

كل المواعيد تحصلينها في التقويم الجامعي للانتساب في موقع العماده

http://admission.kau.edu.sa/AccessPa...www.kau.edu.sa

[ktko0ota smile]

أي تقويم اختي غدير؟؟؟

والله يعطيكي العافيه على المرور :)

[ktko0ota smile]

مشكورة اخوي عزيز بس انا دخلت الموقع من قبل ماأكتب الموضوع بس ماأستفدت شي ؟؟؟

الي مكتوب انو دورة الانتساب من16\10 الين 29-2 ؟؟؟؟؟
أنا كيف أعرف متى تبدأ ال3 أسابيع حقتي؟؟

[الساهرة]

المشاركة الأصلية كتبت بواسطة ktko0ota smile مشكورة اخوي عزيز بس انا دخلت الموقع من قبل ماأكتب الموضوع بس ماأستفدت شي ؟؟؟ الي مكتوب انو دورة الانتساب من16\10 الين 29-2 ؟؟؟؟؟ أنا كيف أعرف متى تبدأ ال3 أسابيع حقتي؟؟

دورتك 8/11 الى 26/11 اذا كنتي اداب مستوى الخامس

[ghadeer89]

التقويم الدراسي (الجامعي) ... بما انك في المستوى الخامس حتكون الدوره من 8/11 الى 26/11 و اذا كان عندك اي ماده من المستوى الثالث حتاخدي الماده دي عن طريق السينترا من 28/12 ال 16/01 ....

[جودي الحربي]

حتى لو كل شي مكاتوب المفروض ماتزعق !!


يازين قسم الرجال

[جنى الشريف]

انا مو انتساب لكن دخلت لفتني الموضوع ..

بجد ما فيييييييه تعامل وكلنا بالهوا سوا انتساب ولا انتظام ورررربي تكلمين الوحده تطنش وتنرفزك وان تهاوشتي معاهم تحسين نفسك نزلتي نفسك وقللتي من احترامك لنفسك ناااس همج وربي الاميين اللي ما يقرون ويكتبون فيهم اخلاق احسن من هالاشكال اللي حاطينهم لنا .. << واكتب ذا من اللي شفته اليوم بتغير بطاقتي ..


وان شاء الله يفيدوووووووك الاخوات .. والله يسهل دروبك ويوفقك

[ktko0ota smile]

تسلميلي أختي (الساهره) ماننحرم من وجودك

ويعطيكي الف عافيه :)