مساعده بخصووص الجدول

noonaiii · #1 11-10-2010, 07:22 AM

السلام عليكم اخواتي عندي سؤالين وابغى منكم مساعده .... اول حاجه احصاء اجتماعي هوا نفسو احصاء فى العلوم الانسانيه واذا غير ايت اسهل لاني حابه اضيف ومين احسن استاذه لي دي الماده؟؟؟

و انا حبه اضيف 5 مواد وايغى مساعدتكم حضيف نظريات اجتماعيه بس مين احسن استاذه ومحتاره بين 4 مواد علم اجتماع اقتصادي وعلم اجتماع اسري والتغير الاجتماعي ومبادئ الاداره العامه بليييز احد يساعدني ويقولي عند ايت استااذه ارجو الرررد بسررررعه عشان اضيف قبل السبت

الصراحة · 11-10-2010, 08:45 AM

اقتصادي مع استاده رها فضل
ونظريات مع استاده سهام العزب وغيرها لااااااا
واسري مع ناديه حجازي
وتغير مع ليلى جمال حلوه اسئلتها
واحصاء اجتماعي انا اخدتو الترم اللي راح مع استاد محمد نوري وكنت مررررره خايفه منو بس الحمدلله نجحت وبدرجه حلوه 80 واسئلتو تكون مكرره وتلقيها في المنتدى واخدتها وطلعت نفس الشي بس تغير في الارقام واللي اخدو الماده مع استادات وكانو يداكرو من الملزمه يقول كان الاختبار مو حلو
ومع الدكتور من الكتاب والاسئله مو معقده
الله يوفقك

مشاعل عادل · 11-10-2010, 08:54 AM

حبيبي ما ينفع تاخذي اقتصاادي ونضريات في ترم وااحد تلخبط مرررررره وكلها علمااء

noonaiii · 11-10-2010, 09:08 AM

جزاكم الله خيرر طيب ايش رايكم اختار الاسهل نظريات او اقتصادي؟؟؟ وايش رايكم ايش اضيف موااد والله مني عارفه جاني صدااع

شوكلا · 11-10-2010, 09:31 AM

احصاء في العلوم الانساينه غير عن الاحصاء كلها سهله ..

الترم اللى فات اخذت الاحصاء مع مصريه نسيت اسمها اتقد زينات شعبه 2 تشرح كويس جبت 93 وبنت عمي 95 وصديقتي 100 والاسئله سهله جدا
اسري الماده حلوه اخذتها مع ناديه حجازي

اقتصادي اخذته مع عبيد صعب شوي بس الاسئله 50 فقره صح وخطا وخيارات خذيه مع رهى فضل احسن

التغير مع هاله صقر روعه مره الاسئله موضوعيه

مبادئ الاداره ما حبيت الماده نجحت فيها 70 غصبه مع بدريه الجهني شرحها حلو بس الاسئله صعبه يمدحون اكثر خديجه الحربي

اخدت النظريات مه سهام العزب الاسئله حلوه واحسن من غيرهاا

noonaiii · 11-10-2010, 09:40 AM

جزاكي الله خيرر والله يوفقكم ياااارب طيب ايش رايكم اضيف تغير اجتماعي و ايت اسهل نظريات او اقتصادي؟؟ سارو مادتين يبقى تلات موااد قولولييي

لحن الوفا · 11-10-2010, 09:43 AM

تغير اجتماعي حلو .. وخذي معاه اقتصادي
انا اخدتهم الترم اللي فات

noonaiii · 11-10-2010, 09:57 AM

معليه راح اتعبك معايا يا قلبي بس الاقتصادي اسهل من نظريات؟؟ وايش في ماده حره سهله وايش رمزها واحسن استاذه

الصراحة · 11-10-2010, 10:23 AM

الاقتصادي اسهل مع رها فضل وفي ملزمه لها وداكري منها بس
والنظريات علمائها اكثر وخديه مع سهام العزب غيرها لااااا
ومن جد ما ينفع تاخدي المادتين في نفس الترم

لحن الوفا · 11-10-2010, 11:36 AM

مادة حرة أخذتها مرة سهلة وحلوة مررررة علم نفس النمو ـــ مع شذا خصيفان
الاقتصادي أسهل كتير .. النظريات

حلوة بس علمائها مررررة كتير

مساعده بخصووص الجدول

قسم علم الاجتماع والخدمة الاجتماعية