مكافاة بنات الانتساب اللي حولوا انتظام

[فوفو الحلوة]

متى راح تنزل ؟
وكم المكافاة؟ قسم تاريخ
وبطاقه الصراف من فين ناخذها؟ومتى ؟
ادري سألت كثير يلا عاد جاوبوني

[Back Back]

انتي خلآص حولتي ؟

ألف مبروك قلبوو xd

وانضمي للجمع <<تتكلم على نفسها خخخخخخ

شوفي، وربي إنهم طلعو عيوني لمن عملولي ياها، كرهتهم بشكل وكنت ناوية عليهم وربي ب_ب

إجراءات التحويل كلها تسير في العمادة، وبعد كدا تتوزع، زي حيطلبو منك كشف طبي من المركز الطبي
الموجود بجمب العلوم، تغيري بطآقتك الجامعية عندهم في العمادة، تنزلي جدولك الجديد، شهادة الثنوية <<حياخدو الأصل
منك ترى لمممن تخلصي من الجامعة

فأحسلك أعملي منها 20 نسخة خليها عندك

وكمان حيطلبو شهادة حسن السيرة والسلوك

آخر شي بطآقة الصرآف : (

أنا أرسلولي للشؤوون في غرفة موجودة في آخر السيب إللي موجودة فيه غرفة الاحتياجات الخاصة

ومن هناك أدوني ورقة، ورحت على سامبا، وبعدين مدري سامبا إيش قالولي، ورجعت على الشؤون على غرفة
الشؤون المالية، لمن خلآص اكتملت اجراءاتهم السخيفة والطويلة وحجزتلي دور في سامبا وعملت البطاقة : )

احتجت في سامبا
1/ بطاقة الأحوآل أصل وصورتين،

2/ بطاقة الجامعة أصل وصورتين

3/ بطآقة العيلة أصل وصورتين

4/ الجدول

5/ والأورآق إللي عن طريقها جيتي للبنك <<حيدوكي ياها الشؤون، لاتخافي

...

للإجابة على أسألتك:-

جـ1ـ/ لمن تبدأي دراسة فعلية فعلية، حتعملي البطاقة وقتها، بس مو على طول
بعد حوالي شهر، أنا عن نفسي، والله الترم الماضي بعد شهرمن الدراسة عملولي البطاقة ونزلولي المكافأة

جـ2ـ/ إللي اعرفو 840 ريال كل شهر

جـ3ـ/ جاوبت عليكي فوق، من العمادة للشؤون لسامبا [ إجراءات فيما بينهم ]

جـ4ـ/ متى ما رحتي لسامبا وكانت أمورك كاملة زي ماطلبو منك،
حيعملولك البطاقة وتاخديها يا في وقتها أو بعدها بيوم، والله ناسية...^^"

...

طولت عليكي قلبو بس حبيت أفيدك بإللي سار معايا....

سلآم

[فوفو الحلوة]

شكرااااااااااا
حلو هاذي الردود الشافيه الوافيه