ريبورتـــاج عن ثاني يوم بالجامعه ( قصة طريفة لعيون اللي طلبوا ) ^_*

[شــــــوزن]

اهلا وسهلا بكم من جديد ..


طبعا زي منتو عارفين << منتو ولاّ يُغْمُش ؟! << بدينا ؟!!!



كح كحح ..

اقصد زي منتو عارفين اليوم ثاني يوم ليا في الجامعه ..


في البداية احب اشكر كل من رد علي وتابعني ..


واذا قدرت احقق غايتي في وحدة من مية فهذا هو المراد ..


اهم شي نقدر نشجع بعض ونأثر في الغير تأثير حلو ..


ماتتخيلوا قد ايش فرحت لمن حسيت اني قدرت أأثر فيكم وأوجه تفكيركم بطريقة ايجابية

ماعلينا .. ندخل في الهرجة

وخلينا ندّيكم ريبورتاج لثاني يوم ..


يلا اربطوا الاحزمة << حشا .. ملاهي عطلّة .!! @_@

الا ع طاري عطلّة يقولو صارت حلوة بس تصدقـ .... << شوزن بيييييييييب .. انْعَن ام الانبرااااااااش الالييييم ÷_÷


جد جد يلا نتابع سوا اش صار مع شوزن في ثاني يوم ..



طبعا امس رجعت من الجامعه ونمت وصحيت ورحت الدوام ..

اش اللي صار معاياااا ؟؟

ضرسي اه من ضرسي

صار يوجعني وصرت اتألم ..

بعدها ماقدرت اتحمّل ..
استاذنت من العمل واخذت تاكسي ورحت ع المستوصف


دخلت ع الدكتور

- ايس في مشكله شوزن ؟
- انا في ضرس مرة عوّر << اهم شي صرت هندية فجأة خخخخ
- أيفاااه << يعني ايوا بس بالهندي خخخخخ
-ها يادكتور اش الحل ؟؟؟
- هازا عصب لازم شيل
- ايه ؟ بتئول ايه ؟ مش مُنكن ؟ لأ لأ لأ
- بس انتا لازم ياخد دوا طلاطة يوم بئدين يجي شيل عصب
- واقعد بدون عصب ؟ بعدين كيف اعصّب ؟ << فاهمة الدنيا غلط ..

المهم قرقر شوية بعدين كتب لي ادوية
رحت ع الصيدلية واخذت ادوية
ورجعت الدوام .. وجات وحدة شافت وضعي واعطتني مضاد
وجات وحدة واعطتني بروفين
ورجعت البيت اخذت مضاد
وبروفينال
ودوا مدري حق ايش
المهم بطني صارت صيدلية ..
والمضاد طلع منتهي من الفين وتسعه هههههه

المهم شويتين كذا قبل لاانام حسيت اني بديت اتعب مرررررة

نمت .. قمت للجامعه الا تعبت زيااااده

مكتومة وعيوني تدمع من نفسها ..
وخشمي مسدووود

وحالة امي حالة

رحت الجامعه

تترراااااااا << هنا تبدأ الاحداث المهمة ...



دخلت من فييييين ؟

البوابة الشمالية .. شطووووورييين بناتي ..


طبعا وصلت متأخر شوية

ورحت للكلاس حسب الجدول اللي معايا ..

الا لقيت البنات طالعين وشوية وحدة تناديني .. شوووزن

فاكرينها ؟؟؟؟

البنت حق امس اللي اعطتني الجدول اللي وصلتني الكلاس اللي لابسة بلـ << سبحان الله نفس الهرجة ههههه شفتوا كيف الدنيا صغيرة ؟؟ << شوزن اش دخّل ؟!!! @_@


المهم مسكتني من يدي قالت يلا يلا مبنى مدري كم

عشان نلحق الرياضيات ..


وندعس ..


الطريق طويل .. وشمس


الحمدلله جبت معايا نظارة شمسية حق اخويا خخخخخ

وقفنا بنفس الطريق .. قالتلي شووو ؟

قلت دقيقة بطلع النظارة .. تحسبي ماعندي نظارة ولا كيف يعني

قلت لها : شوفي ياقلبي من دحين اقول لك النظارة كبيرة شوية لأنها حق اخويا .. وربي لو اشوفك تضحكي عليا مايحصل لك طيب وانتي من طريق وانا من طريق واللي اولو نور أخرو نور وزي مادخلنا بالمعروف نطلع بالمعروف تبغوا بنتكم رجعولنا مهرنا .. وصارت تبكي وجات اغنية كذا خلفية للمشهد : جرحني وانا محتاااجه وقلبي انطفى سراجه
وصرنا نجري بالحركة البطيئة <<< معليه شوزن اندمجت مع المشهد خخخخخ
لاجد جد

طلعت النظارة ولبستها .. قالتلي : الله .. تشبهي اخوكي .. << انعن أُم الخرْش هههههه اشبو شافت اخويا بوجهها ذا

المهم وصلنا لكلاس الرياضيات ..
دخلت راسي شوية < نفس الحركة حق ذاك اليوم خخخخ
الا اشوف استاذة شديدة

تنحنحت كذا ورفعت راسي وقلت يلا توكلنا ع الله
دخلت .. ابتسمت ^____^ << حشا ابتسامة صينية
المهم قلت ابغى احضر وهيك .. قالت تفضلي

كان درس جدا مهم
لأنو مااتوقع لو اني مااحضرت اني افهم شي واحد

وماشاء الله شرحها حلو والدرس ممتع مررررررررة ..

خلّصنا الكلاس

ويلا نروح مبني ثاني


مشينا ..

دخلنا قاعه مدرجة عشان عندنا ثقافة اسلامية ..

كانت القاعه كبيييييييرة مررررررة كذا عبارة عن مدرجات ترتفع للاعلى ..


البنت اللي معايا راحت ورا

قالت شوزن شوزن تعالي هنا ورا

وقفت قدامها :
قلت هييي انتي .. ع بالك بتحضري مسرحية ..
هيا بس امشي قدّمي هنا شوية


قعدنا ننتظر استاذة الثقافة ..طوّلَت حبتين
قامت صحبتي طلعت قلم رسم حواجب قالت بما انك تشتغلي ميك اب يلا ارسميلي حواجبي
طالعت فيها بنص عين -_*
قلت : صدقيني حنخسر بعض .. متأكدة انو وقتو دحين ؟!

المهم جات الاستاذة حقهم ..

جات وقعدت تشرح ومدري ايش .. كان درس عادي

طبعا ماعندنا كتب انا وياها
وفي بنت قدامنا عندها كتاب
قامت صديقتي تسألها بكم اشتريتي الكتاب ؟
قامت التفتت علينا وقالت لنا السعر
قمت انا قلتلها بكم اشتريتي الشنطة ..؟
طالعت البنت فيني تضحك مستغربة
قلت ههههه امزح ههههههههههههه انعن ام المزحة اللي ع الصباح ..



خلص

وجا وقت الانجلش


كنت بحضر مع صديقتي لكن طلعت استاذتهم غايبة برضوو زي امس

قلت مالي غير اللي رحت لها امس


ودخلت

وحضرت الانجلش


حتى شاركت وكان درس مرررة حلو وممتع



خلص الانجلشش

رحت ع الكفتيريا


وقفت عند الباب تأملت الطبيعه << اشكال البنات


بعدين لقيت كرسي .. قلت اقعد ع بال مايجي السواق


قعدت وتكّيت ... وشلت نظارة اخويا من عيوني وحطيتها بالشنطة << وربي لو تشوفو النظارة كيف مفَرْشخة من عند اذاني من كبرها هههههههههههههههههههه ام الحالة بسسسس

بس ولايهمكم بشتري نظارة قريب واصورها وانزل الصورة ..

المهم

شوية وانا قاعده وحدة تقول هااااي

طالعت فيها .. تأملتها .. الوجه مو غريب

آهاااا افتكرتك انتي اللي وصلتيني امس المكتبة مو ؟
قالت يسس ^_^

قلت لاتقولي تبغي تعزميني على شي مرة لاتقوووولي ههههههههههه امزح وربي .. اش هوّا مرة مافي حيا ولاحشيمة ؟!! هههههههه


المهم سلمنا عليها وطلعت

ورجعت البيت ..

ونمت ....






الزُبَدْ ... << يعني الخلاصة احم احم ^_^




شوفوا ياحلوين

اول شي واللي احب انبه عليه واللي بجد ماحبيتو


انو اشوف اكثر من وحدة تقول ماني عارفة اروح اش اسوي

مااقدر لحالي

خايفة


يابنات احنا كبار

لازم كل وحدة تعتمد على نفسها


وصدقوني كل وحدة فيكم على مستوى من الثقة .. لكن المشكلة مافي اعتماد ع النفس

اصحوا الصباح وشدوا حيلكم وانطلقوا ..........


ثاني شي ..

اسألوا اسعوا .. اهتموا اجتهدوا .. شدوا حيلكم .. اي شي فيه مصلحة لكم لاتخلوه ..

ابدأوا مذاكرة من دحيييييين

وحطوا ببالكم انكم انتساااااب
مافي احد راح يدور عليكي ولاراح يهتم لحضورك من عدمه

احضروا ادرسوا اهتموا وربكم مايضيع تعب احد ..




ونجي دحين للجدول

بالنسبة للبنات اللي حابين يحضروا ..


انا راح انزل اكثر من جدول وانتوا واختياركم ..

انا بصراحة احضر لجدولين

الانجلش احضره بجدول

وبافي المواد بجدول ثاني




نشوف سوا الجداول :



هذا جدول خطة ( ب ) اخذت منه بس مادة الانجلش مستوى اول

السبت : 11 - 3
الاحد : 8- 12
الاثنين : 11- 3
الثلاثا : 8- 12
الاربعا : 11- 3

مبنى : 12 غرفة : 17 ..

============


الجدول الثاني .. مواد خطة أ ..
السبت والاثنين والربوع : عربي : 8- 9 .. مبنى 12 غ : 1219
رياضيات : 9- 10 .. م : 32 غ : 3202
ثقافة اسلامية : 10- 11 م : 8 غ: 8015
انجليزي : 11 -2 ..... م : 12 غ : ( نسيت والله بس هو اول كلاس لمن تدخلو ا لمبني يجي ع اليسار وعلى شكل مدرج ) ^_* بتأكدلكم بكرة واديكم الخبر الاكيد ..

الاحد والثلوث : انجليزي : 8- 12 ...
حاسب : 1- 2 م : 8 الدور الثاني ..




بنات انا دايما احط ببالي شي واحد
الحديث اللي مامعناه .. ان الله في عون العبد مادام العبد في عون اخيه
عشان كذا شي حلو الواحد لمن يوقف مع اخوانه ويشد من همتهم ..
انا كمان انبسط لمن الاقي احد يساعدني


في الاخير مااتمنى الا دعاء صاااااادق

في سجدة

وفي جوف الليل وفي اي وقت ..


ادعولي ربي ييسر اموري ويقضي حاجتي ويحقق امنيتي

ويوفقني بدراستي ... ويساعدني بحياتي

ولامشكلة من زيادة الدعاوي الحلوة ^_^



اخيرا ..

لاتشيلوا هم

مو معناتو اننا سنترا اننا خلاص انتهينا
لا

لاتخلوا شي يحبطكم
صحيح اني استأت

لكن في قدامنا الف طريقة وطريقة


باذن واحد احد راح نسوي اللي علينا والباقي على ربنا
والله مايخذل احد

اتمنى اكون افدتكم ..


والسلام ختاااااااااااااااام ..

[جودي الحربي]

ياقلبي عليك يالسسسنعه واخيرا احد نزلنا جدول انتظام ..


مششششششششششششششكوووره ياقلبي ودي اتعرف عليك خاص ..


ومبروك وصلت مشاركاتك 100 ههههههههههههههههه < اللهم لاحسد

بس ابيك تفيديني لاني مقدر اروح المحاظرات احسسسها مرا طويله اجل من 11 الين 3

قصم مششششوار

[ana woow]

طبعا ماعندنا كتب انا وياها وفي بنت قدامنا عندها كتاب قامت صديقتي تسألها بكم اشتريتي الكتاب ؟ قامت التفتت علينا وقالت لنا السعر قمت انا قلتلها بكم اشتريتي الشنطة ..؟ طالعت البنت فيني تضحك مستغربة قلت ههههه امزح ههههههههههههه انعن ام المزحة اللي ع الصباح ..

هههههههههههههههههههههههههههههههههههههههههه
ههههههههههههههههههههههههههههههههههههههههههه
ههههههههههههههههههههههههههههههههههههههه

آنتي كذآآآ <رآفعه اصبعهااللي بالركن لحآله خخخ لايروح بالك بعيد:d

[Ŝtōяў sёήse..]

هههههههههههههههههههه اما اسلوبك خطييييير يابت وربي مرره ضحكتيني
الله يسعدكي يارب وربي حمستيني اكثر وربنا يحققلك انتي وكل البنات كل خير يتمنوه
انشاءالله بكره حداوم زي اليوم ...

[Miss crazy]

هااي يااعسل

وربي خطييييييييره عجبتيني ,وعجبني موززعك *_^

ترى ماادري اش دخلني فيه بس اسلوبك جوونان وشدني

ودمك خييف لاززم كدا نكون قروب انا وانتي ,,,ههههههههه

بالتوفيق يااعسوله

[شــــــوزن]

المشاركة الأصلية كتبت بواسطة جودي الحربي ياقلبي عليك يالسسسنعه واخيرا احد نزلنا جدول انتظام .. مششششششششششششششكوووره ياقلبي ودي اتعرف عليك خاص .. ومبروك وصلت مشاركاتك 100 ههههههههههههههههه < اللهم لاحسد بس ابيك تفيديني لاني مقدر اروح المحاظرات احسسسها مرا طويله اجل من 11 الين 3 قصم مششششوار

حاضرين للطيبين ياقلبي ^_^

الله يبارك فيييك ..


مشي حالك .. هو من ناحية وقت طويل .. بصراحة طويل
لكن اللي يبغى يوصل لشي يتعبْـلووو ..

المشاركة الأصلية كتبت بواسطة ana woow هههههههههههههههههههههههههههههههههههههههههه ههههههههههههههههههههههههههههههههههههههههههه ههههههههههههههههههههههههههههههههههههههه آنتي كذآآآ <رآفعه اصبعهااللي بالركن لحآله خخخ لايروح بالك بعيد:d

وانتي كذاااا

يعني اوووكي << صفّي النية ههههههه



هلا بك ياقلبي

[رقي الأحاسيس]

والله اني زي المجنونة قاعدة اضحك لوحدي في نص الليل

اسلوبك جوناااااااان

الله يوفقك حبيبتي وينولك اللي في بالك

[شــــــوزن]

المشاركة الأصلية كتبت بواسطة Ŝtōяў sёήse.. هههههههههههههههههههه اما اسلوبك خطييييير يابت وربي مرره ضحكتيني الله يسعدكي يارب وربي حمستيني اكثر وربنا يحققلك انتي وكل البنات كل خير يتمنوه انشاءالله بكره حداوم زي اليوم ...

دووم الضحكة ياااارب ..

اللهم امييين ..

ويسعدك ربي ويسهل امورك ..

^_^ شرفتيني ياقمر

المشاركة الأصلية كتبت بواسطة miss crazy هااي يااعسل وربي خطييييييييره عجبتيني ,وعجبني موززعك *_^ ترى ماادري اش دخلني فيه بس اسلوبك جوونان وشدني ودمك خييف لاززم كدا نكون قروب انا وانتي ,,,ههههههههه بالتوفيق يااعسوله

الدار دارك ياقلبي ..


يسعدني حضور المستويات الاخرى


وعلى راسي ياقلبي
نكون قروب ومالو
^_^


هلابك ياعسل

[amjad25]

ههههههههههههه الله يرجك ياشوزن صراااااااااااااحه مصرقعه حييييييييييييل

وبصرااااااحه ياشوزن انا من البنات الي ياخافون اذا دخلو مكان مافيه احد اعرفه بجد احراااااااااااااج وانتي انتساب وتحظرين محاضرات والله حلو شكلي بسوي زيك بس ياليت اتعرف عليك علشان نستفيد من بعض

[الروح العنيدة]

ههههههههههههههههههههههههه
خطيييييييييره ودمك خفيف
الله يسعدك يارب ويوفقك