الكلام دا مو من فراغ !!!

[ReEmOnTaa]

الـسلام عليكم

انا جايا اتنااقش في موضوع يخص الجامعه
بصراحه احنا لغاية متى في دا الجهل والتخلف
والله مايسير كدااا عيب
الاسبوع التاني في الدوامات ومافي ترتيب ولانظام
انا امس كونت في الجامعه روحت اسوي معامله
اول شي بالقوه دخلوني الجامعه ساعه عند الباب تحقيق
تاني شي اروح العمادة والقبول ايش الفوضا اللي احنا فيها
وفوووق دا كولو لامشرفات ولا مسؤلات يعطوو وجه للطالبات
تيب لو احنا جلسنا على داا الوضع رح يمشو الطلاب في دراستهم ؟؟؟
كتير من الطالبات عندهم ظروف وعندهم مشاكل وعندهم صعوبه في دفع الرسوم
ولا في اللي يقدرووووو
دا واسمها جـــامعــه حكووووميهـ
على اي اساس اسمها جامعه؟؟؟
لانظام ولا ترتيب وفوضاا بشكل غير طبيعي
ومافي رقااابهـ !!!
الوضع مرررررا مايسير
الاف الطالبات اتسحبوو من الجامعه
والسبب؟؟؟؟؟
طيب ليه كداا
كولنا نبغى ندرس كولنا بنحلم نوصل لاهدافنا بس لما نلاقي شي يوقف في طريقنا
بجد شي يحززززززن وضعنا اسوء وضع
كفايا اسلوب ادارة الجامعه لما بنجي نسألهم !!!
بجد تستغرب (((تقول دول متعلمين وماخدين شهادات )))

احنا لغاية متى رح نكوون في دا الوضع
؟؟؟؟

يعني اغلب الطلاب والطالبات جالسين في البيت
طيب ليه !!!
عشان ماجابو مجموع ؟
عشان ماعندهم امكانة دفع رسوم في جامعه حكوميه؟؟
عشان مو لاقين تعامل كويس ؟؟؟؟
!!!!

معليه طولت عليكم
بس والله ماكتبت داا الكلام من فرااااااغ

ابغى رايكم في الوضع داا بصراحه ووجهة نظركم خلونا نتناااقش مع بعض يمكن نوصل لاهدافنا

[عبدالاله الفقيه]

للأسف الوضع هذا في كل مكان ومو بس في جامعة الملك عبدالعزيز
أي جهة حكومية في المملكة يكون الوضع فيها ملخبط وماشي عكس ( الجامعات - الوزارات - البلديات - المرور وأقسام الشرطة - الخ الخ )
أنا سبق ودرست في جامعة الملك سعود كلية الهندسة وتعاملهم جداً سيء مع العلم انها أقوى جامعة في المملكة وأقوى جامعة على مستوى الشرق الأوسط
وفيها تفرقة عنصرية جداً ، أنا جربت هذا الشي بنفسي وعشاني من سكان جدة كانوا يعاملوني معاملة غير معاملتهم لطلاب الرياض
معاملة سيئة لأبعد درجة ابتداءاً من الدكاترة ورئيس القسم وعميد الكلية ولحد عميد الجامعة بنفسه (عبدالله العثمان) اللي ماعمري دخلت مكتبه ولقيته موجود
وقفوا في طريقي من كل جهة لحد ما لقيت نفسي مجبور إني أفصل من الهندسة وأسجل هنا في جامعة الملك عبدالعزيز

[ReEmOnTaa]

والله عييييييييييب اللي بيسير معانا
لغاية متى واحنا كداا ؟؟
بدي الطريقه عمرنا مارح نتطووور
غيرنا وصل القمر
واحنا مو لاقين معاملات كووويسه

يسلمووو خويا على ردك
وانشااله اشووف تفااعل اكبر في الموضوع
وبكل جديه

[هديل H]

للاسف والله شي محزن
اتركي سالفة التطور على جنب
وين التعامل بالحسنى واحنا مسلمين اهل الابتسامه الصدقة وينها الان وينها
كل وحدة كانها تدفع فلوس عشان تبتسم
ياساتر بس
لازم نخلي الدين الاسلام في كل تصرفاتنا امامنا
وقتها بنوصل للي ابعد من القمر كمان

[عالية ناصر]

من جد والله
امس صديقتي راحت الجامعة وهي انتظام نسيت بطاقتها في البيت
والله الامن مارضيو يدخلوها ابدا وبيتها بعيد
ودقت على اهلها يكلمو الامن مرة مافي
وجت حرمة كبيرة تاخذ بنتها وشافتها واقفة وكلمت الامن تدخلها
برضو مارضيت قالت لا ممنوع ماتدخل
اش هو يعني !!
يعني البنت صاحية من الفجر وجاية بدري عشان تلعب مثلا
ولا عادي المحاضرات تروح مو مهم
..
والعمادة شي ثاني .. مايعطو احد وجه
كأننا جايين بنطلب صدقة ما كأننا دافعين لهم فلوس
او داخلين في جامعة بلدنا بنسبتنا

[رمّاح]

شي غير مستغرب من جامعاتنا ودوائرنا الحكوميه

يعني متعودين حسبنا الله عليهم

ضايعين ومضيعينا معها

تقبلو مروري

[ReEmOnTaa]

لاحول ولا قوة الابالله
ايش الوضع اللي احنا فيه
شي غريب
لاكن مانقول غير حسبنا الله ونعم الوكيل لقلة الاهمال

[آحسآس]

من جد مهزلـــهـ .. انا جايبه معدل فوق الـ 4 و تخصصي اقتصاد وادارة .. وابغى احول انتظام وانسدت بوجهي يقولو ليا انو مافي تحويل من انتساب لانتظام بكليه الاقتصاد والادارة يعني ع حظي ..!

والمشكله اني مو عارفه وضعي .. وماسكة دور ليا يومين .. ومااحد راضي يتحنن علي ويكلمني مع اني ماخليتهم .. بس الشكوى لله .. وربي جلست اليوم ابكي وانا والله دمعتي عصيه ,, الله ياخذ لي حقي منهم ..

[S.S.STRAWBERRY]

ما كتبتي الكلام من فراغ بالعكس حدث واقعي لا بل احداث واقعية تحدث بشكل يومي معاك حق بكل شي تقوليه
فعلا شي يغضب القلوب ..بسبب المماطلة والتعامل السئ والمتهجم الله يكون بعون العباد

[حلوة باطباعي]

ووووووووووالله شي يقهررررررررررررررر
حسبي الله ونعم الوووووووووووووكيل