قــصــة شـــوزن مع اول يوم جامعه ^_^(اهداء لطالبات الانتساب خطة أ ) احم احم

شــــــوزن · #1 04-10-2010, 01:46 AM

بسم الله الرحمن الرحيم ..

طبعا انا حابة اديكم قصتي من اول ماحضرت ليييين ماطلعت ..

ومن دحين اقول لكم تراني مااوقّع لأحد .. لاعلى ورق ولا على كورة .. هيّا اهجدوا << شوزن لاتتهيأي ..!

في البداية احب اقول لكم اني كنت حاطة ببالي اشياء سلبية كثير ..

بالذات بعد ماقرأت مشاركة الاخت (والله حالة ) .. تكونت عندي فكرة سلبية مرة ..

عموما مالنا بالطويلة .. خليكم في القصيرة لأنها دايما تجي ست بيت وطيوبة << لأ شوزن كذا مرة انبرااش ..احم

نجي للمهم ..

طبعا تهيأت نفسيا للجامعه من الليل ..

سويت تمرين اليوقا << شوزن حبيبي مو كويس الكذب ^_*

لا جد جد ..

نمت بدري

وماصحيت الا ع اتصال السواق وهو يقول : انا انتظرك تحت

قمت مفجووعه ..

وانا اللي اقوم بسررررعه .. واضبط عمري وآخذ السيف حقي وانطلق << مشكلة اللي يندمج وهو يكتب قصة خخخخخ

المهم ..

رحت الجامعه .. واش اللي صااااااااااار ؟!

هذا ماسنعرفه في العدد القادم

<< شوزن ماما بني آدم مايحب التحميس ^_*

طااايب طيب .. لاتعصبوا

يلا ركزوا معايا

واجلسوا جلسة صحية
واقلبوا الأواني << مدري اش دخلها .. بس حسيت اني ابغى اقولها هههههههه

شوفوا ياشطورات ..

دخلت طبعا من البوابة الشمالية ..

طبعا اهم شي تسووه انكم تطلعوا من بيوتكم بثقة

يعني يكون عندكم ثقة بنفسكم كبيرة

يعني بلاش شغل بزورة .. انا فين حروح ؟ ومااعرف اسوي شي لحالي ؟ وراح اضيع ؟
وحتعب .. واستحي اسأل .. ومدري اش شكلو

الكلام المسخرة بلاش منو ..

<< وحدة عصبية معليه ..

فآآ قبل اي شي ثاني خليكم واثقين من نفسكم .. والثقة بالله قبل اي شي ثاني

ادعوا الله انو يبارك لكم يومكم عشان تتسهل اموركم ولاتنسوا اذكار الصباح ..

نكمل الهرجة ..

فين وصلنا ؟

عند البوابة الشمالية ..

شطورين حبايبي ..

المهم
طبعا انا اتصلت في الليل وسألت بنت جارتنا قلت لها ابروح مبنى 12 وابغاكي توصفيلي عشان ع طول اروح له .. وصفت لي وكلو تمام ..

بس لمن رحت الجامعه حسيت اني توّهت .. شفت بنت قلت لها ممكن توصفيلي تمام فين مبنى 12
قعدت توصف ..
بس الوصف مارضي يدخل مزاجي ..
قلت لها حبة حبة واوصفي تمام عشان لااضيّع بعدين ادعي عليكي << بني ادم ماعندو وقت مرررة خخخخخخ

المهم البنت حست انو نفسها تسوي خير بحياتها وقالت تعالي انا حوديكي << فديتها

ووصلتني لين المبنى .. لا وكمان لييين الكلاس اللي ابغاه

شكرتها .. ثم شكرتني .. ثم شكرتني << وراح الوقت كلو واحنا نشكر بعض هههههه

لا جد شكرتها وسلمت على يدها وراسها وبكيت وودعتني وطلعت حصانها وجريت
<< اهم شي انكم مستمرين معايا ههههههه

لا جد وربي جد
شكرتها ..

ودخلت الكلاس اللي انا مخططه له من قبلها بيوم .. ع اساس اني ماخذه جدول الانتظام

المهم دخلت.. وكان كلاس انجلش..اللي انا جاية عشانو ..
طالعت في الاستاذة اعطيتها ذيك الابتسامة اللي تخليها ماتسألني ليه داخله

دخلت وقعدت بكل ثقة .. يعننّي ليا عشرة سنين بالجامعه ..خخخخخخ

بعد نص ساعه ..من الانتباه ..

اكتشفت انو الانجليزي مستوى ثاني .. انْعَن أُمّ الشغلة ..@_@

هيا دحين اش اسوي ؟!!!!

قلت خليني اسأل الاستاذة ..

طلعت ماتتكلم عربي

قالولي البنات انها اتولدت ببريطانيا

طالعت في الاستاذة بحقد وانا اقول بنفسي : حبَكَت يعني اهلك يجيبوكي في بريطانيا ؟!! ليتهم رقدوا بس خخخخخ << امزح طبعا .. لم اقل شيئا من هذا القبيل << اهم شي الفصحى اللي جات فجأة .

ماعلينا نكمل ..

طلعت وانا اجرّ ذيل الخيبة .. حتى من طولو البنات جو ساعدوني وشالوه معايا << ع اساس زفّة ههههههههههههه ..

المهم وانا ماشية في الممر لقيت بنتين قاعدين ..
قلت لهم : عفواً انتوا سنة تحضيرية انتظام ؟
قالولي يسس ..

قلت الانجليزي حقكم مستوى اول ؟
قالت وحدة فيهم انا مستوى اول ..

قلتلها مرة تمام ..

المهم قعدت معاها اخذت جدولها كلللو .. ع اساس اني ابحضر معاها

المهم طلعت استاذتها حق الانجلش غايبة << والليييييييييل ..

قلت لها طب ياعسل وريني كلاس انجليزي خليني احضر بدال مايروح يومي ع الفاضي

قالت انا اوديكي بنفسي << فديتها ^_*

....

يتبع الجزء الثاني ..

شــــــوزن · 04-10-2010, 01:49 AM

تابع ....

ودتني عند كلاس وقالتلي يلا ادخلي ..

طالعت من القزاز .. قلت لها نص الكلاس فاضي .. قالتلي اكيد بريك انتي ادخلي وبس

المهم فكيت الباب بشوييش ..

قمت دخلت راسي شوية كذا .. وقلت للبنت فين استاذتكم مدري دكتورتكم .. قامت البنت اشرتلي بعينها كذا .. انو انتبهي .. اتاري الاستاذه كانت جوة مو باينة

وانا اللي اقفل الباب واطلع ..

بعد شوية رجعت ثاني ع اساس مو انا اللي جات اول خخخخخ

فكيت الباب واستاذنت من الاستاذة ودخلت ..

قعدت لحالي .. لاكتاب ولايحزنون

قالت لي اقعدي جنب وحدة عندها كتاب ..

قمت وقعدت جنب وحدة ماهي دارية ربي وين حاطها ..

وانا بس اغششها الاجابات .. وشوية اخذ القلم اكتبلها ..

حصة الانجليزي مرررة ممتعه وبنفس الوقت الدروس تافهه مرررة ..

المهم استاذنت من الاستاذه قلت اروح اشتري الكتاب احسن من مكتبة خوارزم اللي بالجامعه

طلعت من الكلاس ( ياربي دحين من فين امشي ؟)

لقيت بنات كذا ع مسافة من يميني .. سالتهم .. قامت وحدة توصفلي وصف مدري من فين جابتو ..

قلت لها عيدي .. قامت تشرح ثاني

الا شوية بنت جالسة ع مسافة من يساري قالت لالا في مكان اقرب انا اجي اوصلك
<< اُم الخدمات المجانية حق اليوم .. يابختي بس

المهم جات وصلتني
وشكرتها وشكرتني وشكـ .... << لاشوزن مو كل مرة حبيبي خخخخخ

المهم اشتريت لي الكتاب ورجعت الكلاس واللي عليا بالخير ..

خلص الدرس ..

قبل لااطلع استفسرت من الاستاذة

ع اساس اني سمعت انو يدرسوا في السيمستر الواحد مستويين
قالتلي انتوا بنات الانتساب لا بس مستوى واحد ..

المهم طلعت
لقيت البنت هذيك فاكرينها؟
اللي اخذت جدولها ووصلتني الكلاس ^_^ ..
اللي كانت لابسة ... << شوزن كيفك ؟؟ خخخخخ

المهم طلعنا سوا

قلت لها عطشانة خلينا نروح الكافتيريا ابشتري مويا ..

رحنا .. الا الاقيهم مسويين طابور وبأرقام ودنيا

قلت لها دحين ع اساس ابوقف طابور عشان مويا مثلا ؟
قالت طبعا ^_^

قلت .. انابتصرف .. قال طابور قال
لقيت وحدة في اول الطابور

اديتها الريال قلت اذا سمحتي اطلبيلي مويا ..

اخذَت البنت الريال وشوية رجعَتو

قالت ماعليه انا اجيبلك ع حسابي << ياهووو اش اليوم الحلو هذا ^_* !!!

بعدين قلت للي معايا : ياريتني طلبت شي كذا ع مستوى خخخخ

المهم طلعنا

وقعدت العسولة اللي معايا توريني بعض المباني اللي حنحضرها بكرة باذن الله ..

ماشاء الله طلعت البنت شطورة ودافورة ^_^

واتفقنا نذاكر بجدية ونجتهد وهيك يعني ..

المهم قبل لااطلع من الجامعه

رحت الشؤون التعليمية .. سالتهم بخصوص اذا كانت دراستنا سنترا او لا

وللأسف طلعت سنترا للخطتين

وقالت خطة أ اتوقع يبدأو في 5 القعده

هذا كلامها ..

المهم ابتسمت لصديقتي وودعتها على امل اللقاء بها في الغد ..

مايستفاد من القصة :

- التهيؤ نفسيا للجامعه من الليييييييل .. << البسوا بجايم حلوة قبل لاتنامو << فاهمة التهيؤ غلط خخخخخخ

- الثقة بالنفس والاعتماد ع الله ..

- الحضور مع الانتظام والاجتهاد بكل ماتملكي من قوة ..

- لاتدعو الفرصة تفوتكم <<< شوزن اشفي ؟! @_@

- هذي بس كذا للتمويه ^_*

واخيراً سامحوني طولت عليكم

بس عاد تدروا الكل متلخبط ومكتئب فحبيت اغير جوكم واحكيكم قصتي واضفي عليها شيء من الوناسة
والمرح ..

شدوا حيلكم بنات والله الجامعه ممتعه

بس يبغالها اجتهاااااااااااااد ...واقولها بالفم الملياااان ..

ذاكروا اول بأول .. وربكم كرييييييم ..

وفتّكو بعافية ومازولا كمان ...

( وردة ) ..!!

*همسةAغلا* · 04-10-2010, 01:58 AM

ههههههههههههههههههههههههههههاي وربي انكـ توحفه ليتني بس حضرت وشفتكـ>>خخخخخخخخ
يعطيكـ العافيه عالروايه الممتعه >>أكتبي وحده ثانيه هههههههه
بالتوفيق يابطلة الروايه >>والله لايق اللقب

روح متفائله · 04-10-2010, 01:59 AM

الله الله على القصه من جد استمتعت وانا اقرا فيها عليك اسلوب يخلي الواحد ينسى هم الجامعه<<بس لاتكبري راسك علينا

وبالنسبه للسنترا ماقصرت الجامعه معانا الله لايعطيها عافيه قصدي الله يعطيها العافيه وكيف راح نبدا في 5 ذو القعده وبعضهم قالوا راح نبدا ذو الحجه على العموم كلو راح يبان بالتقويم الجامعي بس والله حمستيني اروح الجامعه يعطيك العافيه ماقصرتي دمتي بخير

ماجد الفايز · 04-10-2010, 02:00 AM

انا احب القصص

تنفعين تكتبين روايات

منتسبة عام 1432هـ · 04-10-2010, 02:09 AM

شوزن يصير اكون صديقة لك ؟؟ << لو مشاركتي 100 ارسلتلك رقمي يا قمر

الله يكتب الي فيه خير ,, ويسهل لنا

<<<< ما عمري دخلت هالجامعه ولا عارفة وين اودي راسي << فيس يبكي