ساكنه وكل البنات بليز ادخلو

[Nano0osh]

السلام عليكم

حبايبي دحين انا كنت ابى اتخصص دراسات طفولة ودخلوني تربوي

فاإن شاء الله ناويه احول الترم التانيه وابى اخد رايكم بجدولي والاستادات

والمواد يعني كويسه ترفع المعدل وكيف طريقة كل استاذه بلييييييييييز<< احس كلامي ملخبط

ثقافه اسلاميه مع نهاد شرقاوي

اسس تغذيه مع منى حلبي

صحة فرد مع نداء جمبي

علم نفس عام مع هيفاء هزازي

عربي مع حنين الدعجاني

بلــــــــــــيــــــــــــــــــــز ساعدوني

[سووما.مي]

اسس تغذية وعلم نفس استاذاتهم اتمدحو كثييير (يعني كويسات ) بس انتي تبغي ترفعي المعدل واسس تغذية وعلم النفس العام يبغالو حفظ وتركيز ومذاكرة اول باول يعني احذفيهم واضيفي شي اسهل بدالهم<مو عن تجربة بس زي ما سمعت
وان شاء الله غيري يفيدك في الباقي ويعدلو في ردي اذا كان في شي مو صح

[إشرآقة روح..}]

اسس تغذية انا اخذتها مع وحدة ثانية مااعرف عن دي بس المادة دسمة ويحتاج تذاكري اول بأول
علم النفس مع هيفاء حلو
صحة فرد حلو مع نداء اهم شئ ركزي في المحاضرات معاها واكتبي كل شئ تقوله لانو اختباراتها تجيبها من المحاضرات حتى تقولك الاسئلة في نفس المحاضرة يعني اكتبي معاها

[جوف وردة]

اسس تغذيه مع منى حلبي
كويسه انا اخذت معها هالمادة بس مشكلتها انها كذا مره تجيب في الاختبار اسئلة مو في المنهج او في جزئيه مو داخلة في الاختبار بس عموما كويسه موبطاله
اما المادة يبغالها حفظ كثير ومذاكره اول باول وشويه تلخبط لانها تتكلم عن العناصر الغذائيه وايش وظائفها الترم الي فات اخذوها البنات وكانو مرررره متضايقين منها لانها تحولت انجلش
صحة فرد مع نداء جمبي
ما اعرف حتى انا دا السمستر منزلتها فيه بنات يقولو كويسه وبنات يسبوها بس المادة يقولوا كويسه بس تكاليفها كثيره
علم نفس عام مع هيفاء هزازي
الاستاذه عسوله ومحاضراتها حلوه واسالتها اختاري وصح وخطاء بس الماده دسمه شوي يبغالها مذاكره كويس
عربي مع حنين الدعجاني
الاستاذه مررررررره كويسه وتراجعلك قبل الاختبار ونفس مراجعتها تاجي في الاختبار شرحها حلو محاضراتها حلوه اسلوبها مررره حلو والمادة اذا كانت عربي 2 مررره حلوه اسهل من عربي 1 <<--حتى عربي 1 مو صعب مره
اتمنى اني افدتك

[Nano0osh]

شكرا لي كل اللي ردو بنات دحين اسس التغذية بالانقلش ولا العربي

[ريمو..]

انا درست اسس تغذية مع حنان جمبي كله انجليزي...
عربي مع حنان الدعجاني جدا راااااااااائع تراجع وكله يجي بالاختبار وتاخذي درجة كاملة...

[روح الربيع]

نصيحتي لا تغيري شي خليك على هذي المواد حتى لو تحتاج مذاكرة عادي شدي حيلك وان شاءالله تجيبي درجات حلوة وترفعي معدلك لأنه هذي المواد أساسية في قسم الطفولة يسير بعدين اذا حولتي يعادلوها لك ولا يروح عليك الترم هذا على الفاضي وانتي استخيري والله يووووفقك ~

[Twix~}..]

ردي رآآح تلقي في التجمع .. :)