التحويل من دكتور إلى دكتور آخر (طلاب الدفعة 10)

[Eng.SouL]

السلام عليكم ورحمة الله وبركاته

أنا أبغى أحول من دكتور إلى دكتور آخر في مادة الكيمياء، راسلت الدكتور ياسر العنقري بالإيميل وأخبرته إني أريد التحويل عنده، فكان رده كالتالي:

مافي مشكلة.... يمكنك الحضور عندي في الشعبة .. ولكن لابد من التنسيق مع دكتور شعبتك الأصلية أي تعلمه أنك تريد الحضور عندي حتى لايسجلك غياب وبالتالي تكون محروم من دخول الإختبار النهائي... حيث أنه لايمكنك الإنتقال من شعبة الى أخرى حسب قوانين الجامعة لطلاب السنة التحضيرية... علماً أنه في أوقات الإختبارات لابد من التواجد في نفس قاعة شعبتك الأصلية مع تمنياتي لك بالتوفيق والنجاح

تم الموافقة ولله الحمد، لكن أرجووو من الطلاب اللي حولوا أو أي طالب يعرف
ما هي الإجراءات التي يجب أن أفعلها؟
وهل يمكن أن يضرني هذا أو احتمال أن يضعني في مشكلة؟ سواء في الغياب أو أي شيء آخر
وما هي ردة فعل دكتوري الحالي عندما أخبره بأي سأحول؟ مع العلم لا أملك سوا عذر (هو أفضل في الشرح) فهل أكذب؟ وماذا تنصحوني أن تكون كذبتي؟

أرجوكم سريعاً فأنا سأذهب للتحويل غداً ولا أعلم ماذا أفعل :(
مع العلم أن المحاضرتين في نفس الوقت تماماً ..

[عموريAHLI]

عادي ابو الوليد

دام انه الموافقة جات من الدكتور العنقري , مابقى الا انك تاخذ اذن دكتورك الحالي كلمه قوله ابغى احوّل من عندك طبعاً بأسلوب , واذا مو عارف شيئ خلاص اعطيها بوجهه قوله انت شرحك مرة خطير

والتحويل من دكتور لدكتور مافيها مشاكل ولاشيئ , الأمور سلسة ان شاء الله

الله ييسر أمرك

[Purity]

السلام عليكم


خلاص خيوو انحلت

لازم يكون عندك جرأت وتكلم دكتورك و تقلو انك راح تنقل


اخوك المحب

[الخلوق]

وعليكم السلام ورحمة الله وبركاته
بالنسبة لتغيير الدكاتره: الجداول إجبارية يعني ما يمديك تغيرهم بالجدول..لكن..فيه طريقة وهي اللي كنا نسويها العام وأنا بنفسي سويتها في مادة الفيزياء ومهارات الاتصال ..والطريقة تسمى(تحويل ودي):- يعني تروح عند الدكتور اللي تبي تحول عنده وتقول له أبي أحول عندك وإذا وافق بيقول لك:أبي ورقة موافقة إنك تحول شعبتي .......والهدف من هذه الورقة الموافقة: إن دكتورك الأصلي ما يغيبك علشان ما تنحرم في المادة......وإذا كلمت دكتورك الاصلي ووافق على تحويلك..قول له:-أبي ورقة موافقة إني أحول عند الدكتور الفلاني -ولا تنسى خليه يلغيك من كشف التحضير .. ثم خلاص تروح عند الشعبة اللي حولت لها(الدكتور اللي حولت له)وتعطي الدكتور ورقة الموافقة ثم يضيفك الدكتوراللي حولت عنده في الكشف........واذا جاء إختبار المادة اللي حولت فيها:-تختبر في شعبتك الأصلية ..لأن اختبارات التحضيري موحدة.. ،ممكن تسأل:كيف أعرف الشعب وأوقاتها والدكاتره الزينين؟.....أنا أقول لك:إدخل ملفك في الأودس تلقى قائمة الشعب في الشريط الطويل على اليمين إختارها..ثم..تجيك ثلاث إختيارات:الأولى اللي هي رمز المادة -وتلقاه موجود في الجدول-.والثانية العام تختار 2011 .والثالثة الفصل تختار الفصل الأول.......تطلع لك شعب كثيرة للمادة اللي اخترتها أنت شوف بس الشعب لرقم المادة اللي تبيها -لأن المادة لها ارقام كثيرة-..........ثم اكتب أسماء الدكاتره الخاصين بالمادة اللي تبيها واوقاتهم مناسبه لك ..مثلا:الكيمياء(chem110)..اكتب أسامي الدكاتره اللي تبيهم وروح منتدى كلية العلوم على النت واسئلهم لأن دكاترة الكيمياءفي كلية العلوم .وطلاب كلية العلوم يعرفون الدكاتره الزينين وهم أخبر مننا.

لكن أنت الحين الحمد لله كلمت الدكتور ووافق......فباقي عليك تكلمك دكتورك الأصلي و تأخذ ورقة الموافقة وتعطيها دكتورك اللي بتحول عنده .....شوف التعليمات فوق إتبعها وإن شاء الله تتسهل.

-ولا تخاف......أنا العام كان عندي دكتور شديد في الفيزياء.....وحولت من عنده إلى الدكتور سعود يغمور........وكانو زملائي خايفين من ردة فعله.......لكن الحمد لله يوم تجرئت وكلمته وافق بسرعة ......فراحو زملائي كلهم وحولو معاي ..... فأنا أنصحك كما فعلت أنا:-إدع الله واستخيره قبل كل شي .ثم.إذا ارتاح قلبك للتحويل -أو الله يوجهك مو شرط يرتاح قلبك- اتبع التعليمات اللي قلت لك.....واعلم أن الله بيكتب لك الخير سواء حولت أو لا.

أتمنى إني أفدتك.............. وسامحني على الاطالة ............بس حبيت أفيدك الإفادة الكاملة

[Mr.apple]

انتا في جامعه ..

ما ينفع تكدب .. الادمي اللي ح يكون قدامك دكتور و مثقف وفاهم

قلو شرحك ما ناسبني ممكن طريقتك ما تناسبني بس تناسب غيري

عاادي جدا

[آحم p:]

يآآآآحظك وآفق دكتورك لكن شوف آنآ =(

لا اسفه ممنوع عشان لا يصير لخبطه الافضل كل طالبه تحضر في شعبتها

="(

[الخلوق]

المشاركة الأصلية كتبت بواسطة mr.apple انتا في جامعه .. ما ينفع تكدب .. الادمي اللي ح يكون قدامك دكتور و مثقف وفاهم قلو شرحك ما ناسبني ممكن طريقتك ما تناسبني بس تناسب غيري عاادي جدا

صحيح ما قاله الأخ........................ترا الدكتور مو يغار من الدكتور الفلاني علشانك تبيه.......الدكتور يبي مصلحة الطالب

[Eng.SouL]

رحت كلمت الدكتور ياسر العنقري وجهاً لوجه للتأكد،، والحمدلله وافقلي للمرة الثانية إني أحول عنده ^^"
لكن للأسف يوم رحت كلمت دكتوري الحالي ما وافق إني أحول !!!!

حسبي الله عليه......... سيئ من كل النواحي سواء في الشرح أو الأخلاق أو أي شيء آخر
وعن طريق الصدفه إكتشفت إن كل طلاب الشعبه ما يطيقون الدكتور ويقولون عليه نفس الكلام !!

صحيح ما قاله الأخ........................ترا الدكتور مو يغار من الدكتور الفلاني علشانك تبيه.......الدكتور يبي مصلحة الطالب

اللي موضح لي إنه يغار وما يبيني أروح لواحد ثاني :) ،، وما اعتقد فيه أي مصلحة لي إني إجلس عنده !!

شكراً لكم جميعاً،، بالأخص أخوي الخلوق ^^"
والله يجزاكم خير،،

عندي سؤال ثاني: مافيه أي طريقه ثانية إني أحول؟؟

[BoOoDi =D]

و انتهى الترم الحمد لله ^^"

بس قلي قدرت تحول ولا لا ؟

[Eng.SouL]

المشاركة الأصلية كتبت بواسطة booodi =d و انتهى الترم الحمد لله ^^" بس قلي قدرت تحول ولا لا ؟

مدري وش اللي خلاك ترفع الموضوع لكن عموماً قدرت أغيره ولله الحمد
بما إن دكتوري القديم ما وافق إني أحول، عند وكيل عمادة القبول والتسجيل وكلمته وقلتله إني بحول الشعبة وزي كذا
حاولت معه في اليوم الأول ما نفع،، في اليوم الثاني وافق ولله الحمد وتغيرت شعبتي بالجدول كامل حتى إختباراتي وغيابي تحول للشعبة الجديدة (وهذا افضل من الطريقة اللي تكلم دكتورك والدكتور اللي تبي تحول عنده)

ملاحظة: اللي دكتوره القديم ما وافق له يحول + ما يبغى يروح عند الوكيل عشان يحول الشعبة = يروح يكلم رئيس قسم المادة اللي يبي يحول شعبته فيها ويتفاهم معه (هذي كانت خطوتي الثالثة إذا ما وافق الوكيل)

عموماً الله يجزاه خير وكيل العمادة ^^" كان طيب جداً وأخلاقه حلوة

وبالتوفيببق للجميييع ~