*_* << تائه جداً وأحتاج مساعدة

[Ahmed Ibrahim]

السلام عليكم ورحمة الله
كيف الحال ؟! ان شاء الله بخير

صراحة كثرت الروابط اللي تنزل عن ملخصات المواد .. وصرت ماني عارف ايش اللي انزله وايش اللي اسيبه .. لهزا السبب عندي استفسارات وأتمنى تساعدوني فيها !

* في الكيمياء الدكتور عبد العزيز السباعي عاملنا ملخص من 14 صفحة .. هل أكتفي بدا الملخص ولا أحتاج ملخصات غيرهـ .. وايش رايكم في الدكتور عبد العزيز ؟!
* الأحياء .. من فين أجيب التست بانكـ .. في أكثر من رابط بس كلها قديمة .. والدكتور قلنا المنهج فيه تعديل .. أشتري الكتاب وأريح نفسي ولا بتنزل الملخصات الجديدة والتست بانك في المنتدى ؟!
* الإحصاء .. أتمنى احد يعطيني ملخص شامل للمنهج .. وهل في ملخص يعتمدو عليه كل الطلاب زي الأحياء .. ولا كل دكتور ينزل ملخص ؟!

وشكراً ^_^

[عموريAHLI]

وعليكم السلام

اهلين اخوي

السباعي ماعندي خلفية عنه , بالنسبة لملخصاته اهم شيئ تفهم الدرس أو المطلوب بعد كذا حاول تحل التمارين الموجودة في الكتاب الأرزق , اذا مافهمت ممن ملخصاته انصحك بشراء ملخصات خارجية

تيست بانك الأحياء : لابد من شراء الكتاب حتى تحصل على التيست بانك بس لاتسوي شيئ الين يقولك دكتورك

الإحصاء : في السليمانية في قرطاسية ناسي اسمها , المهم تبيع ملخصات للدكتور جمال السعدي صراحة اذا اشتريتها وفهمتها بإذن الله تضمن a+ , لكن اذا تبي تريّح نفسك في دكتور اسمه سعيد الغامدي اذا جاك فالإحصاء راح تكون اتفه مادة مرت عليك في التاريخ من كثر شرحه المميز ماشاء الله عليه

الله يوفقك

[Ahmed Ibrahim]

^^
للأسف مو الغامدي اللي يدرسني .. اللي يدرسني واحد اسمه محمد عبد الله .. في الكيمياء الدكتور يدينا ملخص فيه أهم تمارين الكتاب الكبير .. يعني يلمحلنا انو لا تشترو الكتاب .. الاحياء المشكلة الدكتور قلنا اشترو الكتاب .. بس الشباب في المنتدى يقولوا لا تشتروا .. يعني حتنزل الشباتر هنا ولا لأ ؟! الاحصاء الله يعيننا الين دحين ما جا الدكتور .. بس أتمنى يكون في ملخصات موحدة بدال اللخبطة اللي احنا فيها !!

[عموريAHLI]

ملخصات موّحدة ؟؟!!

انا في الكيمياء والفيزياء والإحصاء كان عندي ملخصات كثييييرة من عدة دكاترة , طبعا السبب في ذلك اختلاف الشرح من دكتور لآخر , عشان كدا كنت آخذ الدكتور المناسب لي اللي من خلاله اقدر افهم الدرس وبعد كذا اطبقها عالمسائل وتطلع 100% , فإنت حاول تنوّع ملخصاتك عشان تعرف الدكتور اللي راح يناسبك

يعني مثلاً لو دكتورك تبع الكيمياء ماعجبك ملخصه , مالك الا انك تروح تشتري ملخصات خارجية حتى تفهم المطلوب في الدرس وبعد كدا تحل المسائل

الله يوفق الجمييع

[سحر البيان]

شوف على أيامي قبل 20 سنه كانوا دكاترة الماده يعملو ملخص و كنا نأخذه و نذاكره

بعد كذا جات دماء جديده و قالوا الكلام هذا غلط .... و أختفت ملخصات الدكاترة للأبد


و الحين في ملخصات بس على ما أظن لمدرسين خصوصين ....

و لازم تأخذ في بالك أنهم مايعرفوا محتوى المنهج .... سياسة الماده ... الخ

أن أفضل أنك تأخذ ملخص واحد و تذاكري عشان لايضيع وقتك في مذاكرة كذا ملخص ...

و بما أنه دكتور الماده أعطاك ملخص ... أستفيد منه

و أنا درست ماده ماجستير ... كانوا يدرسوني دزتوفيق عميره و د. عبدالعزيز السباعي

الاثنين ممتازيين و الأثنين يعتمدوا على ملخصاتهم ... ان شاء الله مايكونوا تغيروا

و بالتوفيق

[محتاج لها]

اسمع

الاحصاء و الرياضيات والفيزياء

ملخصات أشرف بركات

والكيماء

يوسف زويل

هذا الكلام,,,

[دافئ الإحساس]

بالنسبة للتيست بنك

بتلاقيه هنا

الله يوفقكم يارب جاوبو على اسئلتي ‏

بس شوف لا تعتمد عليي مية بالمية

لانو ممكن يقولكم انو في تغيير حصل

او زادو مواضيع او اي شئ

وازا قالك الدكتور نفسو حق العام

فاتفضل عندك التيست بنك

بالتوفيق

[ωαнм]

شوف خيي بقولك نصيحه ,
مرا لازم تحط في بالك انو الجامعه مختلفه مرا عن المدرسه
يعني الحين كل شششي لازم انت تجري وراه وتدوره وطبيعي تحس انك تايه لانو شي جديد عليك
وحتى احنا حسينا بهذا الشي ’
بس تتعود والله وراح يصير ايزي .. عاد نعمه عندكم دفعتين قبلكم يعني حتستفيدو من خبراتهم ’

اممـ شوف اذا مثلا استاذك مو كويس حاول تشوف اي طريقه انت ترتاح فيها وتفهم
مثلا دور ملخصات وشوف مع اي ملخص انت حاس انك فاهم ومرتاح
او شوف استاذ كويس في وقت البريك تقدر تحضر معاه في شعبه ثانيه
ذاكر مع طلاب فاهمين [ شطار يعني ]
او مع طلاب يكون دكتورهم كويس ,
يعني هيك وصدقني بتمر اليسنه بسرعه بس واعمل كل ججههدك عشان ماتندم ويصر بعد كذا
قضاء وقدر ’
مرا لاتعتبر نفسك تايه ومدري ايش ’
والله ترا ماتفلسف عليك بس لاني جربت وابفيدكم ’

ربي يوفقكم وتدخلون الي تبغون ’