للبنااات الي شهادتهم قديمه ضروري يدخلوا ...

[just girl]

السلام عليكم ورحمة الله
اولا ابارك للي انقبلوا واقول الله في عون اللي ماانقبلوا
وحبيت اسأل البنات الي شهاداتهم قديمه اذا في احد منهم
انقبل ولا لا ضروري الله يسعدكم نبغى نعرف سبب
رفضهم الحقيقي وخاصة انو اغلبنا معدالاتنا فوق 4.90
عشان لو احد انقبل يحمسنا ويخلينا نروح ونرجهم ونقعد
على روسهم ونعرف ليش ماقبلونا
ربي يخليكم ويريح قلوبكم

[just girl]

معقول ولا وحده شهادتها قديمه تكفون يابنات

[!m!Ss 3sal!]

انا مو من جده

لاكن ازا رحتو ابغاكم تشوفو الورقه اللي ف العماده ="(

[fatona.sweet]

والله انا نفس مشكلتك ومعدلي كمان 4.97 وما انقبلت بس معقولة يرشحو البنات الاجانب ونحنا عشان شهداتنا قديمة رفضو ما اعرف كيف بس انا يوم السبت اروح يمكن اطلع بنتيجة ولا حول ولا قوة الاب الله العلي العظيم

[امل]

وأنا نفس حالتكم وجاني اعتذار
ماأدري صراحة إش الحل ؟

[انثى لامثيل لها]

بنات كم تاريخ شهايدكم؟؟

[just girl]

المشاركة الأصلية كتبت بواسطة fatona.sweet والله انا نفس مشكلتك ومعدلي كمان 4.97 وما انقبلت بس معقولة يرشحو البنات الاجانب ونحنا عشان شهداتنا قديمة رفضو ما اعرف كيف بس انا يوم السبت اروح يمكن اطلع بنتيجة ولا حول ولا قوة الاب الله العلي العظيم

الله يسعدك فتونا انا بستناك من اول لانو معدلي قريب من معدلك
ومرا مو منطقي يقبلوا الاجانب واحنا لا عشان شهاداتنا والقهر
انو العميد كم مره قال في استثناءات للشهادات القديمه فإذا مااستثنوكي على معدلك ماشالله تبارك الله مين بيستثنوا ؟؟

[fatona.sweet]

والله انا حاسة انو في نار في قلبي بس ما اقول غير الحمد لله على كل حال ويوم السبت ان شالله اخلي زوجي يروح لقسم الرجال لعل وعسى تفرج من رب العالمين

[just girl]

بالنسبه لي تاريخها 1423 يعني مراا قديمه

[انثى لامثيل لها]

انا تاريخي 1425_1426 والحمدلله قبلوني مع اني كنت مرعوووبه