وش ذا النكبة حقت الجامعة سؤال ومنتظر جواب

[Alnader]

الأخوة أعضاء هذا المنتدى الشامخ
أنا قاعد احاول اسدد عن طريق البنك الفرنسي ( أون لاين ) لكنه يرفض ويقول رقم الفاتورة غير صحيح.
رحت بسدد عن طريق البنك الأهلي ( صراف الأهلي ) يقول لا يوجد مبالغ مستحقة على هذه الفاتورة بعد ما يطلع لي رقمي الجامعي وتاريخ الاستحقاق في 27-09-2010 والمبلغ المستحق يطلع لي 0,00 ريال

يعني ما قدرت اسدد الرسوم ، البنك ما يبغى فلوس والا ايش
طيب يمكن الجامعة الغت الرسوم ( تبطي عظم ، ردد ياليل ما اطولك ... الخ )

طيب وش السواة يا جماعة ودي اسدد واخلص عشان أبدأ اضبط أمور الجدول

وينكم يا اصحاب الخبرة والقريبين من الجامعة وش الحل

[المهاتما تسونامي]

وش تسدد الله يصلحك ^_^
مابعد نزلوا التقويم الجامعي للمنتسبين عشان تسدد
راعين طويلة جامعة عزوووووووووز :p

[AL_HATTAN]

حبيبي اعطيك الرقم الجامعي حقي وسدد ونشوف يقبل ولا لا ... هههههههه

ارسل معامله اللكترونيه لهم بالمشكله .. وانتظر ردهم ياحبيبي ..

او انك تنتظر يومين كذا يمكن عندهم مشكله في النظام ..

تحياتي لك

[AL_HATTAN]

المشاركة الأصلية كتبت بواسطة المهاتما تسونامي وش تسدد الله يصلحك ^_^ مابعد نزلوا التقويم الجامعي للمنتسبين عشان تسدد راعين طويلة جامعة عزوووووووووز :p

النااس سددت من يوم السبت في الليل وانتي لسى تستني التقويم الجامعي ..

[..عـ أنثى ـذوبة..]

الله يعينكم

[المهاتما تسونامي]

المشاركة الأصلية كتبت بواسطة al_hattan النااس سددت من يوم السبت في الليل وانتي لسى تستني التقويم الجامعي ..

قل والله

الله يلحقنا خير على كذا نروح نسدد

[AL_HATTAN]

المشاركة الأصلية كتبت بواسطة المهاتما تسونامي قل والله الله يلحقنا خير على كذا نروح نسدد

والله بدأ من يوم السبت في الليل ..

http://www.skaau.com/vb/showthread.php?t=254792

وهذا الموضوع عشان يكون دليل قاااطع ..

بالتفويق

[bacaboza]

ايوا بدأ من يوم السبت
الله يوفق الجميع
واسمها بالتوفيق مو بالتفويق>>شكلك تدعي عليه مو له خخخخخخخ
امزح الله يوفقكم يارب

[aziz8008]

اذا ماطلعت لك الفاتوره فالوضع ممكن واحد من الاحتمالات التالية :

1- حصولك على انذار في الفصل الماضي

2- عدم دخولك الاختبارات الفصل الماضي ولم تقدم اعتذار ( سواء الفصل الثاني او الصيفي ) .

3-عدم تعريف الفاتوره الخاصه بك من طريق الجامعه في نظام سداد وخصوصا انك جربت تسدد في البنك الفرنسي والاهلي ونفس المشكله

الحل :

تتأكد ان ماعندك انذارات او حصولك على طي قيد بسبب عدم دخولك الاختبارات او لآي سبب اخر

وبعدها اذا ان شاء الله ماعندك احد المشكلتين السابقتين واتمنى لك انه مايكون عندك احداها

ترسل معامله الكترونيه بالمشكله بعد مايبدأ السداد وينزل تقويم الانتساب وان شاء الله تنحل


ونقطه اخيره لازم تتأكد من رقمك الجامعي وقت السداد والا راح تسدد لطالب ثاني وبعدين تدخل في دوامه مالها اول ولا اخر ومراجعه مع الجامعه عشان تثبت لهم انك سددت بالخطأ


بالتوفيق

[AL_HATTAN]

المشاركة الأصلية كتبت بواسطة bacaboza ايوا بدأ من يوم السبت الله يوفق الجميع واسمها بالتوفيق مو بالتفويق>>شكلك تدعي عليه مو له خخخخخخخ امزح الله يوفقكم يارب

هذي نتائج السرعه في الكتابه .. يبغالهم يشغلو ساهر في المنتدى .. خخخخ

شكرا على التصحيح