متى ينتهي الحذف والإضافة ؟ وكيف نحول من شعبة الى اخرى ؟

[دلع الروووح]

سؤالي متى ينتهي الحذف والاضافة من الجامعة مش من الاودس لآن النظام تعبان عندي ؟
والمرشدة الاكاديمية حقتي قالتلي الاحد اللي فات اخر شي في الارشاد بس اسمع انو بنات يداومو مدري كيف صراحة ؟؟
وكيف أحول من شعبة لأخرى لازم أحذف المادة وارجع اختار شعبة علما بأن المادة نازلة اساسا في جدولي وأخاف اذا حذفتها تروووح ؟؟
بصرااااحة منصدددددددددددددمة جداً دوبهم نزلو اسماء الدكاترة وفي دكتورة حدرسني مرررا صدمة بقوووة ماتفهـــم بشهادة جميع الطالبات اللي درسو عندها يااارب احس راح ابكي من القهر والصدمة صراحة قووووية
فالله يسعدكم كيف احول مع انو جميع الشعب في النت ممتلئة الا شعبة هادي الدكتورة لا حول ولا قوة إلا بالله

[نــورهـ]

شوفي حبيبتي انا مشرفتي قالت لي لاتحذفي الماده عشان تغيري الشعبة سمعت كلامها بس حسيت ان تغيير الشعب ماحايفتح قلت قوي قلبك و حذفت و اخترت شعبة والحمدالله انضافت الماده و ربي يوووفقك

[ندو جدة]

الله يعينك

انا مثلك متورطة باستاذتين صعبيين والكل يقول ابعدي عنهم

خاصة وحدة منهم بشهادة الجميع انها ترسب واسالتها صعبة

ومقدرت اغير لان الشعب فل حسبي الله عليهم

وهقونا بادولا الاساتذة لو نزلو الاسامي من اول مكان صار كذى

[دلع الروووح]

د.نـورة >> ماشاء الله اسم الله عليكي أنا ماعندي هادي الشجاعة خصوصاً إن الشعب التانية ماطمن بس باقي على بنتين وتقفل أخاف أتورط ..ويتأخر تخرجي عن هادي السنة !

نـدو جدة >> يا اختي والله شكلو ما لنا غير الدعاء إن ربي ينجحنا بأعلى الدرجات يااااااااارب والإعتماد عالنفس .. الله يعيننا ..

أنا نفسي أعرف دحين الجامعة متعبة نفسها وجايبة دكاترة من برا وبالاخير كل البناااااااات يبصمو بالعشرة انهم مايفهمون
وننظلم إحنا معاهم لييييش كدا حراااااااااام والله لمن توقف دكتورة وما تعرف تقول جملة مفيدة كيف راح نتعلم إحنا !
والدرجاات مافيه الا خســــف والدكتورة هادي في كل المنتدى مكتوب جنبها لا حول ولا قوة إلا بالله يعني يا راسبة في المادة ياناجحة ب60 فقط حتى لو قطعت نفسك من المذاكرة
حسبنــــــــــا الله ونعم الوكيل