سؤآل بخصوص آستآذات الفرنسي !

[tota~]

السلآم عليكم ..
طبعآ انا حايسه رتبت الجدول ع الماشي وماانتبهت للآستآذات !
ف اذا احد عنده علم ب آستآذات القسم آفيدوني =(

[ملامح خجوله]

كل استاذات القسم ماشاء الله عليهم بتنبسطي منهم بس انتبهي من مدام قدريه ونيفين وخصوصا قدريه

[tota~]

طيب حقت ايش قدريه ؟!

[sweeeet]

ياحبيبتي انا تخصصي انجليزي مو فرنسي بس اخدنا فرنسي 1 و 2 وانصحك تبعدي عن قدريه لاني رسبت معاها في فرنسي 2 وعدتو مع نيفين وما شاء الله جبت بالتسعينات معاها ماشاء الله شرحها روووووووعه وماتسيب فتفوته الا وتشرحها.........وبالتوفيق

[HHM]

ليه يابنات تخوفوها
بالعكس كل استاذات الفرنسي ذوق واخلاق من ضمنهم دكتوره نيفين ودكتوره قدريه
مايرسبو الطالبه الا لانها كانت مهمله ماتشارك ماتحضر ماتحل واجبات تذاكر وقت الاختبار
ماتعمل ريسيرش عالنت وتحضرو
انا كنت اخاف منهم مره بسبب كلام البنات وكنت اخاف انزل معاهم اي مادة
بس لما اضطريت اخذت معاهم وبعدها سرت انزل المواد معاهم بدون خوف
والحمدالله ماشاءالله كل درجاتي عندهم a+
طبعا المواد كانت صعبه من المستويات الاخيرهـ ادب وبراكتكم وترجمه
خوصا مدام قدريه تكتبيلها على فهمك تديكي الدرجه الكامله

لا تخافي نزلي المواد وتوكلي على الله
اهم حاجه الاجتهاد والحضور اليومي والباقي على الله

[tota~]

مره شكرا ي قلبي انتِ ويآهآ
الله يوفقنآ آجمعيين

[berry blossom]

انا درست مع ميرفت ونيفين وكلهم كويسات

[ملامح خجوله]

hmm انا درست مع قدريه ومع نيفين قدريه الله يهديها يعني طول ال3 سنين يشرحولنا عربي ولما تدرسنا تبغانا بلبل فرنسي ولو وحده بس غلطت تسويلها حفله رغم اني شاده حيلي معاها وعمري ماقصرت بشي ابد يعني مو شرط البنت تكون مهمله وكسلانه
مدام نيفين كانت قبل سنتين زي الفل قريب مدري وش صارلها تزعل وتعصب بسرعه وتقول كلام بجد ماله داعي وياما حصلتلي مواقف معاها حتى البنات اخذو منها موقف قوي جدا لما شافو بعيونهم .. بس يعني اكثر قسم الفرنسي يعرفو قدريه ونيفين الله يصلحهم والباقين كلهم قمه في الذووووووووووق ربنا يوفقك

[HHM]

نعم مدام نيفين عصبيه ومزاجيه بس ماقد شفتها تعصب على بنت الا عشان البنت دي رفعت صوتها عليها
يعني مااحترمتها وكمان هيا تدي فرص فالبدايه بعدين تهزء

+

مدام قدريه معروفه ماتحب احد يتكلم عربي لان اصلا هذا قرار والمفروض يتطبق فالقسم
هيا الوحيده اللي طبقتو باقي الدكتورات يتساهلو مع البنات
دكتوره سلوى كمان ماتحب احد يتكلم بالعربي

[orgwan]

ثريا قزاز ما تفهم