بنات السنة التحضيرية اداري انساني السليمانية

خلود السلمي · #1 27-09-2010, 04:02 PM

بنوتات
مساء الخير صباح الخير الي بدكم اياه
صبايا انا روحت اول يوم بس والياقي قالوا مابناخد شي فبدي اسال
الي راحو اخدو شي ولالاء وبكرة ادوام ولالاء
بليز ردو علي
انا خطة الف

Angelitta · 27-09-2010, 04:06 PM

يب يب الحمد لله ..

خلود يا فلة اسمك بالزبط زي بنت خالتي وباللقب كمان :)

المهم انا رحت واخدنا ..

وكتير بنات اخدو انجلش الكل تقريبا ..

وناس حاسب وناس عربي ..

روحي من بكرة وإلا حــ تفوتي على نفسك ..

وأنا دخلت دكتورة الثقافة وعرفت بنفسها واسلوبها والمنهج .... الخ ..

وبث ..

نصيحة روحي وبطلي لعب وشدي حيلك ..

وبالتوفيق للكل ..

خلود السلمي · 27-09-2010, 04:11 PM

يسعدك ويسعد بنت خالتك يارب
ههههههههه
طيب كيف اخدتو وماعندكم كتب
غريبة مو
وبعدين بعد اذنك ياليت تشرحيلي شو قالت انسة الثقافة
ربي يخليك ويسعدك ويوفقك

الحــــربيهـ · 27-09-2010, 04:56 PM

روحي لا تضيعي على نفسك المحاضرات وربي يوفقك أن شاء الله
ويسهل عليكم هالسنـــه

Angelitta · 27-09-2010, 04:58 PM

يا قلبي الانجلش نفهم ونــ ( براكتيس ) قصدي آآ نتدرب ونتكلم ومدري إيش ..

وأصلا قالتلي لو عندك فلوس >> اف يو هاف مني قو تو ذا بوك ستور آند باي ذا بووك >> دا كلامها بالنص :)

ولكن للأسف نسيت محفظتي اليوم :)

وما اشتريتو ..

لكن أدتنا واجب وقالت لو ما خلصنا الكتاب التاني حق الهوم وورك في الكلاس دايكرت يكون واجب نحلو في البيت بدون كلام >> لسى نظام سكوول :)

وبث دا الإنجلش ..

أما بالنسبة للثقافة يا قلبي ..

قالتلنا اسمها ( رحاب بدوي ) باين إنها صارمة ونظامية بس طيوبة ..

وقالت المادة سهلة والأسئلة مو صعبة ..

وقالت نشتري كتاب الثقافة المستوى الأول الجديد طبعة السنة دي 31/32 عشان اتغير المنهج ..

طبعا لــ الأمانة لــ الدكتور علي عمر با دحدح والدكتور محمد با جابر ..

وقالت إنو كل تأخيرين عندها تحسبو غياب ..

واللي يرن موبايلها في الكلاس تحسبها برضو غياب >> ما قلتلك صارمة :)

وقالت تقسيم الدرجات 30 و30 دوري أول وتاني و40 نهائي = 100 ..

واللي تغيب ما يتعاد لها أبدا حتى الدوري وإذا مرا عذر طبي ما يكون عذر مخروش بالعربي ..

وطولت في دي النقطة وكيف بنات يجوهم باين العذر بواسطة ومدري إيه ..

وقالت لو خلاص اللجنة حقت الأعذار >> لجنة خاصة تتأكد من العذر ..

لو أتأكدت خلاص ما يعيدو للبنت الاختبار لا يعادلو بطريقة معينة على حسب درجاتها الدوري والنهائي ..

وقالت النهائي اللي تغيب العذر لازم مو من الدكتور لا يكون رسمي مكتوب بالكمبيوتر ومختوم من الدكتور والمستشفى وبرضو اللجنة تتأكد منو ..

وقالت تقدري تراجعي ورقة اختبارك لو إنك مستغربة من درجتك مثلا ..

بس يكون بعد الاختبار بــ أسبوع غيرو لأ ..

وقالت المنهج عبارة عن 3 وحدات الأولى تعريف للثقافة ودا جديد علينا ..

والتانية العقيدة وأركان الإيمان و8 مسائل عقدية في نهاية الوحدة ..

وقالت إنها ضرورية وهيا أطول وحدة تقريبا 75% من الكتاب على كلامها ..

وتالت وحدة عن العبادة وتقول دي الوحدة مررا سهلة ..

وتقول ذاكرو أول بــ أول عشان يسهل عليكم ..

وبس ما شاء الله ترى قلت كل شي قالتو :)

بس عشان الأمانة صراحة ..

ونصيحة تعالي بكرا إن شاء الله ..

وبالتوفيق ..