تفضلوا بنات الله يريح بالكم

[رفيف الروح]

السلام عليكم والرحمه

يسعد صباحكم
كيفكم ؟؟ ان شاء الله تكونوا عال العال

حبايبي انا اليوم رحت الجامعه عشان ابى ارجع ماده حذفتها من عندي وما رضيت ترجع عندي
بس الحمد الله لمن راجعتهم رجعولي هيا بس بعد تهزئ

يعني لاحد يغامر ويحذف اي ماده من جدولو لانها ما حترجع وخصوصا اذا كانت مومن مواد ( الاداره العامه) ولو راجعتيهم حيقولولك انو يا تقفلت الشعب (اذا كانت تقفلت) يا انو حتستني الين السبت على بال ما يخلصوا تربيب جداول باقي البنات وان بقيلك مكان في الشعب حيضيفولك


يعني كل وحده ترضى باللي نزلها وان شاء الله يكون خير لها وتدعي ربها يرضيها فيه
اذا مره منتي مقتنعه فيه راجعيهم بس السبت اذا لقيتي مكان حيعدلولك الماده

والله يكتب الخير لك وحده ويرضيها فين ويين ما مكان

ودمتم بود

[رفيف الروح]

وبالنسبه اللي تبى تحول من كمياء لفيزياء او العكس انا ما سالتها
بس سمعتها تقول لوحده انو دحين تقفلت الشعبه ( اتوقع كانت تبى تحول لفيزياء ) وقالتها البنت انو انا ما اخترت وانتو حطيتوني من عندكم قالتها حاليا ما نقدر نحولك تعالي السبت يا تنفتح شعب جديده يا يكون متوفر مكان

[غـزل]

وعليكم السلام يالغلا وشكرا عالمعلومه مع انو باقي مانزلي الجدول
هذاااا بس بسبب تاخيرهم وبطاهم في تنزلين التخصصات احنا مو تحظيري هما ينزلو الجدول
بكيفهم يمكن انا ما ابي ادرس مواد التخصص دحين ابي اعرفع معدلي هما وش دخلهم فيناااا
نحذف مواد ننزل مواد بكيييييييييفنااا حسبي الله عليهم يااارب ياااارب لاتوفق وحده تاخرت في عملها
وماخلونا احنا الي ننزل الجدول يااارب يارب يارب تورينا فيهم عجاايب قدرتك امين <<<وربي ودهاا تروح وتفجر فيهم
مشكوووره حبيبتي علي المعلومه

[رفيف الروح]

هلا غزل
حبيبتي شوفي اتوقع لو حذفتي عادي بس انو ما حيمديكي ترجعي الماده او تضيفي ماده غيرها اذا ما كانت من( المواد العامه) لانو بنت جاتها وحذفت ماده عندها ولمن راجعتهم ما قدرت ترجعلها الماده لان الشعب قفلت فخلاص الماده اتحذفت يعني عادي بس انو حتقل موادك لو قعدتي تحذفي

وفيه بنت كمان سالتها هل فيه مواد معينه لازم ندرسها دا الترم ردت عليها انو ( في رايي اهم شيء الانجيزي)
فاللي فهمتو من كلامها انو لو حذفتي المواد كلها ما فرقت عندهم اهم شيء لا تقوليهم رجعولي ماده او ابى اضيف

هذا اللي فهمتو وبس ماني متاكده من شيء فاذا بتسوي شيء استفسري اكثر
ويعطيكي العافيه..

[غـزل]

اهااا
الله يعاافيك يالغلا
مشكووره حبيبتي عالتوضيح