انزل اي مادة من هذه المواد ؟؟! ساعدونـــــــي ارجوكم ..

[zozza]

السلام عليكم ورحمة الله وبركاته

بناات طبعا دحين كلكم عارفين ان كل شعب الاستاذات الكويسين اتقفلت

وباقي عندي 3 اختيارات ايش رايكم انزل اي مادة

ادارة عمليات مع الاستاذة امل دمنهوري

مالية شركات مع الاستاذة خديجة حريري

نظم معلومات مع الاستاذة منى الرفاعي

انا خايفة من اخر مادة نظم معلومات بس الي يعرف كيف المادة يقلي ارجوووووكم

وباقي المواد في جدولي هي محاسبة 2 .. سلوك انساني .. مبادئ تسويق .. ادارة اعمال بالانجليزي .. ثقافة اسلامية 3

فاي مادة من الاختيارات الثلاثة تتناسب مع جدولي اكثر ؟؟؟؟

بانتظار مساعدتكم

[امـــ88اني]

نظم معلومات مع مني الرفاعي افضل خيار بينهم
لان اداره عمليات اشويا دسم
طيب عندك ماده اختياريه اخلاقيات عمل الشعب مفتوحه

[zozza]

شكرررا

بس اخلاقيات عمل مادة من ساعتين وانا في الخطة عندي كل المواد الاختيارية 3 ساعات

طيب كيف مادة نظم معلومت اسهل من ادارة عمليات ومالية شكرات ؟؟

[امـــ88اني]

ايوا اسهل من اداره عمليات
اداره عمليات الكلام كثير وبعضوا ماينفهم
اما نظم معلومات فيتكلم عن الحاسب الالي وملحقاته وعن البيانات والمعلومات وتعريفها
واشياء تخص الحاسب الالي بس كلها نظري

اما بالنسبه لمالية شركات مع خديجه مانصحك فيها

بالتوفيق اي سؤال ثاني لاتترددي

[امـــ88اني]

انا عرفت قريب انوا المواد الاخياريه نقصوها ساعه
يعني بدل ماناخذ اختياري 9 ساعات صارت 8 ساعات
يعني بكذا تاخذي مادتين اختياريه بثلاث ساعات وماده واحده بساعتين وبكذا كملتي 8 ساعات
بس مو متاكده اذا ذي الخطه تطبق علينا او علي اللي الطلاب الجدد اتاكدي من الكلام ذا

[بنت ابويا]

الاختيارية 9 ساعات للدفعات 08 واللي بعد

اللي قبل 08 هي اللي 8 ساعات

[zozza]

ايوا ان شاء الله اتاكد

بس انا خطتي دحين 3 مواد اختيارية وكلها من 3 ساعات يعني 9 ساعات

عشان كدة اخاف انزلها

وشكـــــــرا اختي على المساعدة

[امـــ88اني]

بنت ابويا انا فاهمه عليك
بس اللحين نزلوا خطه جديده لسنه 2010
شوفيها بموقع الجامعه حاطين الاخياري 8 ساعات وعدد ساعات التخرج صار 128
بس مو عارفه هل يطبق علينا او علي طلاب 2010 فقط
شوفي الرابط
http://business-administration.kau.e...g=AR&cid=37840

[بنت الخليج..]

المشاركة الأصلية كتبت بواسطة امـــ88اني بنت ابويا انا فاهمه عليك بس اللحين نزلوا خطه جديده لسنه 2010 شوفيها بموقع الجامعه حاطين الاخياري 8 ساعات وعدد ساعات التخرج صار 128 بس مو عارفه هل يطبق علينا او علي طلاب 2010 فقط

واناآا بعد دفعتي 2007 وقتهاآا كاآانـ عدد سااآاعاآاتـ التخرّج 128

وكل سنة تتغيّر وماآادري على أي خطّة أمشي ، وسألتـ الـ د/

إقباآال الصاآالح قاآالتـ لي احتماآال دفعة 2007 عدد ساآاعاآاتهمـ 128 .:

[بنت الخليج..]

على حسبـ الخطّة الدراآاسيّة المفروض تأخذينـ ماآاليّة شركاآاتـ، وفيهاآا تشاآابه مع محاآاسبة 2

لكنـ الأستاآاذة محد يمدحهاآا ..

وأفضل الأستاآاذاتـ منـ هالثلاثـ المواآاد هي أ/ منى الرفاآاعي "نظمـ معلوماآاتـ إداآاريّة" ..

بالتوفيق .: