طلاب شمال جده الرجاء الدخول للاهميه

[DR.MOHAMMED ALJUNAID]

السلام عليكم ورحمة الله وبركاته

شباب اكيد سمعتو بكلام الدكتور عجب نور انو حيكون الكلاسات في عسفان والابات في الجامعه يعني معقوله ياجماعة الخير كدا؟

تقريبا اكتر من 150 كيلو يوميا غير رجعتك للبيت والبريك بكدا يكون راح علينا ووقت الصلاه
يعني نخرج من عسفان 12 نوصل 1 لجامعه الملك عبد العزيز مع الزحمه وبكدا يكون راح وقت الصلاه وكمان احتمال تتأخر عن الاب وغير كدا تكون غير مستوعب شي مع التعب والارهاق
يعني مدري كيف ياشباب عندكم حل نقدر نطلع نكلم احد من المسؤولين لانو احنا مالنا ذنب ان كانت المباني ماكتملت ولازم نكون في محل واحد مو التنقل دا يعني يالجامعه ياعسفان
شاركوني ارائكم الله يخليكم عشان ندور على حل للمشكله دي
يعطيكم العافيه

[S A L M A N]

وعليكم السلام ورحمة الله وبركاته،،،

والله كلامك صح ووضعكم كدا جدا صعب ومرهق وحيأثر على دراستكم؛ الإدارة عندنا في الكلية جدا مهتمة بالطالب وراحته

فأنصحك تكتب خطاب رسمي لإدارة الكلية وتحاول تجمع تواقيع زملاءك إنهم يخلوا محاضراتكم في الجامعة إلى أن تجهز اللابات في عسفان

عددكم 32 طالب يعني مو كتير فإن شاء الله تتيسر لكم


بالتوفيق

s a l m a n

[DR.MOHAMMED ALJUNAID]

هلا اخوي سلمان
فعلا ودا الي ناوي اسويه ان شاء الله لكن مستني التفاعل من الشباب ويكون عندهم خبر وبأذن الله نحاول نحل الموضوع
يعطيك العافيه على اهتمامك :)

[彡yS❤Ry彡]

هلا أخوي محمد

اليوم راحوا مجموعة من الشباب
وحاولوا بكل الطرق انهم يشوفون حل للمشكلة مع وكيل كلية الطب في عسفان
بس الإجابة وحدة المحاضرات عسفان اللابات الفرع الرئيسي
المعامل في عسفان ماراح تخلص قبل شهر
وحتى لو خلصت المشرحة ماراح تنتهي الا ع الترم الثاني
يعني لو خلصنا من شغلة اللابات يبقى المشرحة الي هي اعتقد 3 ايام في الاسبوع
ع مدى هذا الترم كآمل
وزي ماقلتلك الشباب ماقصروا حاولوا بشتى الطرق مع وكيل الكلية
بس لآيوجد آي آمل !
> طبعا معامل عسفان ع كلامهم تنتهي بعد 3 او 4 اسابيع + المشرحة الترم الثآني

[DR.MOHAMMED ALJUNAID]

يعطيك العافيه اخوي

طيب لو خلصو الابات والمشرحه وغيرو متى حيكون في عسفان كليه منفصله عن باقي الكليات
يعني اضن انو حندرس في كلاسات مع تبع السنه التحضيريه في الوقت الحالي في المباني الجديده
لكن متى حيكون في كليه كامله لنا احنا هناك ؟؟

[فخر النماص]

اخوي محمد طلعنا لشخص اسمه عجب وحاولنا فيه بكل طريقة في بالك

وقالنا الدوام في عسفان ما يقدر يلغيه لان سياسة الجامعه الحاليه هي نقل الطلاب الى عسفان وليس العكس وهذي سياسة ادارة الجامعه يعني يقول ما بيده شي من الناحية ذي

بس وعدنا انه يحاول ينظم في جدولنا بحيث يصير ناخذ البايو العملي في عسفان

واعطانا بريك نص ساعه زيادة

وبيوفر باص خاص لنا

وهو متعاطف بقووة معنا وباذن الله انه ما يقصر

وطبعا دوامنا يوم الاحد بيكون في الجامعه ونبدا في عسفان الاثنين

[Dr.Hussain]

والله هذا مو كلام يعني اصلا الفرع مو جاهز للدراسة طيب ليه فتحوه ؟؟؟
___________

انا من طلاب الفرع العقيم ذا وامس رحنا على عمانا ولا ندري لا عن قاعات ولا عن مسؤولين

انا مشيت الساعة 9 وريحت دماغي

واليوم مني رايح اجل اصك 50 كيلو على لا شئ ليه يا حبيبي

ويا شباب اذا في اي خبر جديد لا تبخلوا علينا

اخوكم د.حسين ^^

[DR.MOHAMMED ALJUNAID]

خليها على الله ونبدأ ونشوف ان شاء الله على الاقل يعوضونا عن التعب دا بشي يفيدنا سواء في دراستنا او درجاتنا او غيرو

[彡yS❤Ry彡]

المشاركة الأصلية كتبت بواسطة dr.hussain انا من طلاب الفرع العقيم ذا وامس رحنا على عمانا ولا ندري لا عن قاعات ولا عن مسؤولين

خخخخخخخخخخخ والله انت فآصل بقوة

إذا تبغى الصراحة أنا احس الفرع مريحني بس ماني مرتاح لقصة نص دوام هنا والنص الثاني في الجنوب

محمد
بالنسبة لكلامك عن كلية لحآلنا ممكن في المستقبل مع اني ماعتقد حنا كلنا ع بعض حوالي 30 طالب اذا ماكان اقل مع اللي سحبوا واللي جابوا واسطة وحولوا جنوب يعني قاعة وحدة وكثيرة علينا
> بينضرب
عشان كذا ماتوقع قبل سنة ولا سنتين يكون فيه كلية امكن مع الدفعات الجاية إن شاء الله يسوون لنا كلية

احسكم معقدين الدراسة شوي في عسفان مادري ليه
ياخي ايش تبغون احلى من ^ خط فاضي + عدد طلاب قليل + راح يكون معاانا تساهل كبير من الدكاترة + في الشتاء بتشوف طبيعة خلابة في عسفان >

خاصة ترى ان عددنا قليل بيكون التناسق فيما بيننا اسهل بكثير وبنتفاهم مع بعض إن شاء الله

عموما هذا مجرد رأي وكل واحد حر بطريقة تفكيره لاكن أنصحكم ماتعقدونها لان ماحد راح يسمعلكم
بتعقدون نفسكم ع الفاضي

هو الشي الوحيد اللي المفروض نركز عليه ذحين قصة دوام هنا ودوام هناك

>ّ~ ما بغى يخلص حبيت انقلكم وجهة نظري لا آكثر ولا آقل وآسف ع الاطالة

[فخر النماص]

المشاركة الأصلية كتبت بواسطة 彡yS❤Ry彡 خخخخخخخخخخخ والله انت فآصل بقوة إذا تبغى الصراحة أنا احس الفرع مريحني بس ماني مرتاح لقصة نص دوام هنا والنص الثاني في الجنوب محمد بالنسبة لكلامك عن كلية لحآلنا ممكن في المستقبل مع اني ماعتقد حنا كلنا ع بعض حوالي 30 طالب اذا ماكان اقل مع اللي سحبوا واللي جابوا واسطة وحولوا جنوب يعني قاعة وحدة وكثيرة علينا > بينضرب عشان كذا ماتوقع قبل سنة ولا سنتين يكون فيه كلية امكن مع الدفعات الجاية إن شاء الله يسوون لنا كلية احسكم معقدين الدراسة شوي في عسفان مادري ليه ياخي ايش تبغون احلى من ^ خط فاضي + عدد طلاب قليل + راح يكون معاانا تساهل كبير من الدكاترة + في الشتاء بتشوف طبيعة خلابة في عسفان > خاصة ترى ان عددنا قليل بيكون التناسق فيما بيننا اسهل بكثير وبنتفاهم مع بعض إن شاء الله عموما هذا مجرد رأي وكل واحد حر بطريقة تفكيره لاكن أنصحكم ماتعقدونها لان ماحد راح يسمعلكم بتعقدون نفسكم ع الفاضي هو الشي الوحيد اللي المفروض نركز عليه ذحين قصة دوام هنا ودوام هناك >ّ~ ما بغى يخلص حبيت انقلكم وجهة نظري لا آكثر ولا آقل وآسف ع الاطالة

تسجيل اعجاب like ^_^