وثائق خريجي الفصل الصيفي ؟؟؟

[frng47]

السلام عليكم - تحية طيبه
جميع الاخوان اللي اتخرجوا في الفصل الصيفي طمنونا وش صار على وضعكم بالاودوس؟
انا لازال يفتح معاي وكاتبين لي طالب غير مسدد .... لا وبعد كاتبين الفصل 1 السنه 11 ؟؟
طيب انا خلصت كل المواد المطلوبه واتخرجت ؟
سمعت من اهل الخبره انه في حال تخرجك ماعاد تقدر تدخل على الاودوس وراح يكتبون لك عبارة (حاصل على بكالوريوس العلوم ) مدري وش صحة هالخبر ؟
والله مشغول اليوم صرنا 16/10 وموعد تسليم الوثائق 1/11 .... ؟ يعني مابقي وقت ..
لايكون بس يقولون لنا باقي عليكم مواد ولا غيرنا الخطه الدراسيه ؟
ههههههههههههههههههه الله يستر ..
الاخوان اللي عندهم خبر لا يبخلون علينا ويطمنونا ..
تحياتي للجميع وتمنياتي بالتوفيق والسداد ..

[النوايف]

مساء الخير اخوي

انا بعد نفس الطريقه متخرج ومازال يفتح معي...

سؤال ؟؟
هل فيه نموذج نعبيه ؟؟

ياليت اللي تخرج الترم اللي راح يفيدنا وله كل الشكر

[frng47]

لا جديد ؟؟؟؟
وين الاخوان اللي اتخرجوا؟
الوضع لازال على ماهو عليه حتى اليوم ..
وين المشرفين اهل الخبره .

[ضيدان]

الشباب اللي تخرجوا الترم الماضي اللي قبل الصيفي طبعا

فيه استمارة عبوها ببداية الترم وتغيرت حالتهم الدراسية الى طالب متوقع تخرجه

وفتحوا لهم عدد الساعات وواحد منهم نزلوا له 24 ساعة في ترم واحد

وخلصت الاختبارات وطلعت النتايج وجلسوا فترة والاوديوس يشتغل معهم بس بالاخير

ما يدخلهم بس الفترة كم .. نسيت الحين .. لكن الاكيد فيه نموذج عبوه اول الترم اللي تخرجوا فيه

بالتوفيق ان شاء الله ومبروك مقدما

هذا اللي اعرفه واذا فيه نموذج ثاني بعد نهاية الترم الاخير ما ادري

وبانتظار احد يفيدكم ويفيدنا بعد ... باقي الترم الجاي واللي عقبه ان شاء الله ونسأل نفس السؤال .. دعواتكم

ولا تنسون تعزمونا على حفل التخرج بعد استلام الوثايق ان شاء الله

[كارهه دنيتي]

اللي اعرفه تراجع مشرفين الانتساب يسون لك دراسه حاله يشفون كم ماده باقي لك واذا مابقي شي تروح العماده يعطونك نموذج طلب تخرج لدرجه البكالوريس تعبيها اذا كانت حالتك الدراسيه متوقع تخرجه واذا جيت تاخذ الوثيقه ان شاءالله تاخذ من عندهم نموذج انسحاب واخلا طرف من الجامعه تعبيه وتسلمه لهم وبس

[frng47]

المشاركة الأصلية كتبت بواسطة كارهه دنيتي اللي اعرفه تراجع مشرفين الانتساب يسون لك دراسه حاله يشفون كم ماده باقي لك واذا مابقي شي تروح العماده يعطونك نموذج طلب تخرج لدرجه البكالوريس تعبيها اذا كانت حالتك الدراسيه متوقع تخرجه واذا جيت تاخذ الوثيقه ان شاءالله تاخذ من عندهم نموذج انسحاب واخلا طرف من الجامعه تعبيه وتسلمه لهم وبس

الاخت كارهه دنيتي -- اولا الله يوفقك ويفرج همومك وتحبين الدنيا ثم اشكر لك مرورك على الموضوع وطرحك محل تقدير عندنا بس اللي ابي افيدك فيه انه احنا خلصنا من موضوع كم متبقي من المواد وتعبئة نموذج التخرج وتسليمه للعماده لتغيير الحاله الى متوقع تخرجه ... هذا كله تم قبل نهاية الترم الماضي .
استفسارنا هو ؟ اننا انهينا جميع المواد الدراسية المقرره بالخطه واتخرجنا وحسب افادة من سبقونا بالتخرج انه عند ماتنهي كل المواد وتتخرج ماعاد بيفتح معك الاودوس وبيكتبون لك ( حاصل على بكالوريوس العلوم) .
احنا متخرجين من 22 رمضان والى اليوم والاودس بيفتح معانا وكاتبين لنا بعد عبارة (طالب غير مسدد) ؟؟ طيب وش اسدد اذا كان ماعاد بقي مواد ادرسها ؟ هههههههههه
الله المستعان بس .. بننتظر الى الموعد المحدد لاستلام الوثائق وبعدها بنروح الجامعه ونشوف السالفه
اخيرا اكرر شكري لك ولكل من تكرم بالمرور على الموضوع ..
دمتم سالمين وبخير ..

[لمعة الألماسة]

عذرا ع المداخله
انت ليه ماتريح نفسك وتراجع الجامعة
بقلك شي اخو صحبتي كان مفروض يتخرج الصيف الي فات ولا عبا اي استمارة في اخر ترم
والحين طلعت باقي له ماده
انا ما اخوفك بس اقلك تراجع احسن

[كارهه دنيتي]

الله يوفقك ان شاءالله واكيد البلا من الجامعه بس راجعهم والا اتصل عليهم
انا باقي البحث بس ونزلي ip ومكتوب طالب غير مسدد اذا عندك خلفيه عن هالموضوع تفيدني جزاك الله خير يعني ابغى اعرف الاي بي هذي تستمر من غير سداد والا لا
وعسى ربي يسهل امورك ويفرجها ان شاءالله

[frng47]

لمعة الالماسه + كارهه دنيتي ... الله يوفقكم يارب اشكر مروركم واعتز بأرائكم
اختي كارهه دنيتي بالنسبة لسؤالك ؟ والله مااقدر افيدك لان ماعندي علم عن الرموز بالجامعه الا من d الى a اما باقي رموزهم الحمد والشكر لله مااتعاملت معاها لكن كل اللي اقدر اقوله انك تسوي معامله الكترونيه وارسليها وبيفيدونك ان شاء الله .
ع العموم كل يوم يثبت ان القائمين على اعمال الجامعه يفتقدوا للاحترافيه في العمل ..
دمتم بخير ....

[سنوووبي]

في حالت التخرج تقدر تدخل ويطلع لك طالب متخرج بكالوريس وتخصصك والرقم الجامعي والسنه