اسـفـسـار مـهـم بــ خـصـوص الـمنـاهـج .|. طــلــبتكم يالـغالـيـن .. ~

[Qotaiba HBK]

السلام عليكم ورحمة الله وبركاته ~


::

مالكم بالطويلة بأدخل في صلب الموضوع


س1: هل المناهج بالفعل تغيرت ولا باقي نفس الطبعة ؟

س2: لو قلنا ان المناهج ما تغيرت تنصحوني بملخصات اشرف بركات ولا في احسن منو مع العلم اني خطة ب ؟

س3: بالنسبة للملخصات لو اشتريتها لازم اشتري كل الكتب ولا بعض الكتب تكفي ( أقصد اشتري الكتب المهمة ) ؟

ومعليش حاسس انو اسئلتي ثقيلة عليكم بس انا طلبتكم فلا تردوني خخ

[زبادي وتوت 0_o]

بالنسبة للمناهج اعتقد انو اجابتها من عند الدكاترة ,,وغالبا ترى الطبعة ماتفرق الا حاجة بسيطة ^^
اشرف بركات في الفيزيا والرياضيات انا كنت ازاكر منو وبصراحة اجزم انها افضل حاجة ,,
لكن لازم تنتبه سنة عن سنة تفرق !!
الكتب اذا تبا تشتري ولا لأ ^^" دا الشي تشوفو من عند دكاترتك بس الاحياء ضروري تشتريه عشان بنوك الاسئلة
وفي خطة أ كتاب الرياضيات برضو ضروري عشان الواجبات الاون لاين بس اسأل اساتذتك اول قبل ما تشتريه عشان هما يدّلوك ^^
بس ازا تبا تستفيد وتقرا في المواد حقتك اشتري الكتب ,, لكن في الاخير ارجع لدكتور او استاذ المادة
موفق ياعسل

[Qotaiba HBK]

المشاركة الأصلية كتبت بواسطة زبادي وتوت 0_o بالنسبة للمناهج اعتقد انو اجابتها من عند الدكاترة ,,وغالبا ترى الطبعة ماتفرق الا حاجة بسيطة ^^ اشرف بركات في الفيزيا والرياضيات انا كنت ازاكر منو وبصراحة اجزم انها افضل حاجة ,, لكن لازم تنتبه سنة عن سنة تفرق !! الكتب اذا تبا تشتري ولا لأ ^^" دا الشي تشوفو من عند دكاترتك بس الاحياء ضروري تشتريه عشان بنوك الاسئلة وفي خطة أ كتاب الرياضيات برضو ضروري عشان الواجبات الاون لاين بس اسأل اساتذتك اول قبل ما تشتريه عشان هما يدّلوك ^^ بس ازا تبا تستفيد وتقرا في المواد حقتك اشتري الكتب ,, لكن في الاخير ارجع لدكتور او استاذ المادة موفق ياعسل

اللي فهمتو من كلامك اني لازم اشوف استاذ كل مادة واستفسر منه عن الكتب اللازمة اللي هو يعتمد عليها في الشرح ~

بس ما قلتلي انا خطة ب وعندي كيمياء واحصاء ( الاحياء طبعا يقولوا من التست بنك ) يعني هل في ملخصات كويسة لهاذي المادتين ولا برضو اسأل الدكتور

ويسلمو يا بطل على الرد ~

[زبادي وتوت 0_o]

لا لا لا انتبه تسال الدكتور عن ملخصات خخخخ
الاحصاء في برضو اشرف بركات ومررررررررررة كويسة ,, وتريحك ان شاء الله
بس الكيميا في عندك يوسف زويل مفيد بس لازم ترى ترجع للكتاب وبالذااااااااااااااات في الكيمياء !!!!
بس نصيحتي ياعسل ركز في الكيميا ودايما حاول انك تحل فيها مسائل باستمرار وتسال على اللي منتا فاهمو
لانو ترى الاختبارات ورا بعض ولازم تجهز نفسك كويييس
وموفق ان شاء الله ^^

[The Mysterious]

عزيزي الاحياء إذا لقيت أحد يعطيك السلايدات والتست بانك >> هو ذا المطلوب
أما الإحصاء >> ملخصات الدكتور سعيد الغامدي
والكيمياء >> كان عندنا دكتور هو سوى الملخصات بنفسه وكان مختصره وشاملة كاملة ..
ونصيحتي لا تكثر مراجع لانو هذي كافية
بالتوفيق

[Qotaiba HBK]

زبادي وتوت 0_o

مشكور والله ما قصرت وإن شاء الله بآخذ للكيمياء ملخصات يوسف زويل لأني سمعت عنها كثير بالمنتدى ^_^

The Mysterious

أنا ما فهمت قصدك يعني السلايدات والتست بنك مش موجودة بالكتاب نفسه ؟؟ وإذا مو موجودة أقدر أحصلها بالمكتبات اللي عند الجامعة ~

ومعاك حق بالنسبة للاحصاء ولاحظت اكثر الشباب ينصحون بملخصات د. سعيد الغامدي ~

ومشكور حبيبي نورت الموضوع

[روووعة انسآن]

شباب من وين اشتري الكتب ؟؟

[Qotaiba HBK]

^^

مكتبة الخوارزم < ترى ماني متأكد

أو عندك جرير بس حتكون أغلى شوي ~

[مَـزٍآج ..}..]

اشتري الكتب من مكتبه الشقري ..

تقريباً افضل الاسعآر .. جرير مبآالغين في الأسعآر كتير !!

[m0o0na]

خوآرزم او الشقري..^^