للتحويل من إدارة عامه لـ إدارة الاعمال !

[ليــلآك العُمري]

مسآء الخيرآت

انا طالبه بإداره عامه و حابه اسأل لو افكر احول لـ إدارة اعمال ,
هذا راح يكون بعد مآ اخلص من الترم الي عندي الحين مو !

وغير كذآ ,,
غششوني ايش المسآرات تبع ادارة الاعمال !
و ايش الي لازم اسوييه عشآن احول لـ إدارة الاعمال !


ادري أسألتي كثيره ’ بس آفيديوني
و يعطيكم العافيه مقدما

[.,.نيــــــــــــــــــــران.,.]

آخر الترم الجاي ان شاء الله اطلبي تغيير من تخصص إلى تخصص عن طريق الشئون التعليمية في الكلية
حتنزل اعلانات للراغبات في التحويل

المسارات الموجودة في ادارة اعمال هي:
موارد بشرية
أعمال دولية
تسويق
نظم معلومات ادارية
وفي كمان تخصصات جديدة تلاقينها في موقع الجامعة > موقع الكلية > حتلاقين هناك كل الاقسام العلمية في الكلية

بالتوفيق

[ليــلآك العُمري]

نيرو , مررره شكراً يآ قلبي و يسعدكْ ربي !

طيب يآجماعه ,/ بالنسبه لـ إدارة اعمال دوليه ,, ممكن تحكو لي ايش موادها وعن ايش تتكلم
للي دارسينهآ طبع ـآ :$

[m!ss dana]

دووليه بشكل عام عن المعاملات بين الشركات خارج السعوديه واللي يكوون لها فرووع عندنا


تخصص حلو وله مستقبل


بالنسبه للمواد شوفيها ع موقع الكليه


موفقه


وضروري يكوون معدلك فوق 4 عشان تحولي

[ليــلآك العُمري]

يسلموو يا سكر , يعطيك العافيه ع المعلومات
وبالتوفيق لك يارب ^.^

[aziz8008]

اختي الكريمه

ايه نعم زي ماذكروا الاخوات بامكانك متابعه اخبار التحويل ومتى راح يفتح وتحولي الى ادارة اعمال اذا طبعا شروط التحويل تنطبق عليك والمعدل ايضا

وفي حال تحويلك ان شاء الله فلا تخافين بالنسبه لمواد المستوى الثالث اللي درستيها في قسم الادارة العامه بامكانك معادلتها في قسم ادارة الاعمال كمواد حره او اختيارية يعني ماراح تضيع عليك

وانتي واضح من معلوماتك انك دفعه 10 وطالبه انتساب ودفعه 10 تم تحويلهم الى كلية رابغ ( طبعا الدورات التأهيليه والاختبارات راح تكون في مدينة جده )

اذا تم تحويلك الى كليه ادارة الاعمال في رابغ تخصص ادارة اعمال فان المسارات الموجوده في كلية رابغ هي التسويق وادرة الموارد البشرية


بالتوفيق