ليش ما يكون في جامعتنا بازار للكتب المستخدمه

[Eng:da7moon]

سلام عليكم جميعا
شباب ليش ما يكون عندنا بازار للكتب المستخدمة يعني اذا طالب خلص من الكتب حقتو يكون في مكان مخصص توضع فيها الكتب او الملخصات او يعني يكون في مكان في وقت معين يعني زي مثلا في بداية السنه توضع فيها الكتب وتعرض على جميع الطلبه وتباع بنصف القيمه مثلا . يعني ليش ما يكون عندنا في جامعة الملك عبدالعزيز حاجه زي كده بدل ما ترمى الكتب ولا تخرن في البيت بدون فايده ليش ما تعم الفايده على الجميع . ترى الحركه فيها بركه . حبيت اطرح دي الفكره لا اكثر ولا اقل . شكرااااااااااا
ا

[ezgerti]

فكره حلوه ومشروع تجاي ناجح ( do it)


تحيتـــــــــي ,

[Eng:da7moon]

بس يد لوحدها ما تصفق ولا ايش لازم المكان يتوفر واذن من مدير الجامعه بس يا ريت صوتي يوصل للمدير بس

[eih]

احنا في كليتنا يعملوا زي كذا بداية الترم

[Eng:da7moon]

والله مرره حلو يا ريت نحنا يسوو كمان

[* تركي *]

أَغلبْ الطُلآب يَحتَفظون بـِ كُتُبهمـ.. كَـ مَرجع لَهُم لآحِقــاً ... / وَ خاصة الِي يشتروهآ بَدل المُذكرآتْ ... ،

يَعنِي أَنـآ مَثلاً ، أَحب أَشتري الكتآب وَ ادرس مِنه ، بَدل المُذكرآت وَ المُلخصـآت ، لأنهآ رآح تفيدني بَعدين ..

..،

،..

حَقيقة فِكرة مُمــتآزة

[talia]

والله فكرة مررررة حلوة
بس أنا اقترح انه ماتكون الكتب بس كتب الدراسة
يعني قصدي اللي عندو كتب مفيدة وحلوة وخلاص مايبغاها
يجي يبيع واحنا نشتري لان كلنا عندنا كتب حلوة بس خلاص طفشنا منها
اتمنى انه الفكرة تتنفذ عند البنات والاولاد لانها مرة حلوة بالنسبة لهواة الكتب
اللي زيي

[Eng:da7moon]

ان شاء الله بس المشكله كيف نقدر نطبقها

[sosooo2]

ياليت بالذات الملخصات والله مره مفيده

انا اتمنى ذلك

وقد سمعت انه بعض المكاتب تشتري الكتب من الأولاد وتبيعها بثمن ارخص بشرط انه ما يكون عابث فيها مره
ومن زمان انا اسال وابغى اعرف هذه المكاتب

وعندي اقتراح :لو انه احد يبدا بالمشروع ويتبناه !!
يالله يالله الجامعة على ما تنفذه

[منتهى]

من جد انا عندي كتب وابغى افيد الاخرين فيها
لكن لاحياة لمن تنادي
سمعت انو في الامارات شي زي كذا مرة مفيد