ايش رايكم في الدكتور محمد الفضلي مالية شركات ؟؟

[اسامة كردي]

السلام عليكم

وكل عام وانتو بخير

الحمدلله الترم دا الجدول مررررة مررررررة سيئ وبريكات بالساعات بين المواد
واغلب المواد مقفلة شعبها

بس حبيت اسألكم كيف الدكتور محمد الفضلي مالية شركات ؟"؟

تنصحوني بيه ولا لا

[اسامة كردي]

ياجماعة بليز اعطووني ارائكم

[ĂŵŖąĢ МāŇšİą]

هلا أخوي ,, انا سألت الطلاب و الطالبات الي ماخذين ترم صيفي بها الماده
وكانوا هنا منزلين موضوع نقاش وكذا ,, نزلوها عند طويرش و يمدحونه و ان شرحوا تمام و الدكتور اوك
انا نزلت الترم هذا عنده ,, اما الفضلي والله ما عندي فكره ان شاءالله يفيدونك

[هايم الشوق]

انا زيك عند الفضلي وماادري عنو :(

كنت ابغى الطويرش بس شعبتو حمرررا من اول مافتح الحذف والاضافة :s

وكمان محاسبة حكومية حمررررا برضو من اول الحذف والاضافة :s

[اسامة كردي]

لا اله الا الله

طيب ايش رايك نتبادل شعب هههههه

بصراحة الفضلي مرة محد مدحلي هوا

[ابو كاسر]

اخوي اسامه
مو شرط عند دكتور محدد انت شد حيلك وماراح احد يظلمك
انا منزل عند الفضلي الترم هذا وان شاء الله اشد حيلي واجيب درجه حلوه

[مداوي الجروح]

والله ياحبيب ألبي جلست ترمين أو تلاته مانزلت المادة بسبب الفضلي
هوا يوم واحد داومت عندو شفت اسلوبو وكلامو غير كلام اصحابي عنو قلت أتأكد بنفسي
خرجت من الكلاس ع الشؤون وحزفتها ع طول
السمستر اللي فات نزلتها عند الدكتور طويرش اتخيل الساعه 2 في الليل واحد طلع أخدت مكانو ههههههههههه

طبعا دكتور عسسسسسل وأسئلتو مررررره سهله والمادة بالنسبة لأي طالب محاسبة بيشوفها سهلة لأنو كتير منها أخدناه زي الموازنة النقدية وكدا

دوري أول وتاني وفاينل 30-30-40
كلها اختيارات والعملي اللي يجيبو مره سهل
يعني لو تقدر توسع شعبة طويرش أحسن إن شاء الله تأجلها لآخر ترم ويوسعولك الشعبة

اوما الفضلي وربي مرررررره لأ ما أنصحك فيه وانتا كمل سؤالك عنو محد بيمدحو
غير كدا الفضلي يطلب شهادة اكسل وهوم وورك عليها 15 درجة وأسئلتو عملي ومايدف << على كلامو من أول يوم

الله يوفقك وتراها ماتفتح شي يعني لاتستعجل فيها او اسأل لو أحد نزلها عندو السمستر اللي فات شوف اسلوبو كيف إن شاء الله يكون اتعدل والا شي ماتدري ايش ناوي في الطلاب ههههههههههه

[ĂŵŖąĢ МāŇšİą]

ههههه انا اول ردي كان باول الترم ,, بس الحين دامنا باخر الترم احب اقولك ان الدكتور عبدالله اسلوبه عسل بجد
و مرح و يضحك وخفيف دم , بس يكره شيء واحد لا تسال سؤال وفي واحد قبل ساله هههههههه ,, عموما
درجاتنا بالدوري الاول كانت زفت مدري ليه ! وقال الي يتحسن بالثاني بحسنه وفعلا جا الثاني اسهل ,,
بس الحين باقي الدرجه النهائيه لاننا ما اختبرنا النهائي الا الاحد الي راح و ان شاء الله ناخذ درجه حلوه
انصحك لا تنزلها الا عنده ومثل ما قال مداوي لا تستعجل عليها لانها ما راح تفتح لك شي .. بشعبتنا معانا
كثير طلاب خريجين محاسبة خلوها لين اخر ترم الي هو هذا .

[i2knight]

انصحك بالطويرش ...... انتبه تنزل عند الفضلي راح تآكل هوا لمن تقول أمين

بالنسبة للطويرش .. الدكتور الله يسعدوا مرة. شرحوا تمام واختباراته كلها اختيارات

وأقلك سر كمان .... نزل ملخص عطر العلا من المنتدى كفت ووفت في الاختبارات

وآسءلته طبق الاصل من اللي موجود في الملخص

الله يوفقك .......

[مداوي الجروح]

خيانه !!!

فيه ملخص وأنا مادري :(

هههههههههههههههههههههههه

والله أنا على السلايدات كنت أكتب معاه كل شي الحمدلله الدوري الأول 25 التاني 30 إن شاء الله متأكد من اجاباتي والفاينل كان حلو ^_*