متى راح تنزل مادة ie203 وهل لازم اخذ meng102 ؟

[>أنا<]

السلام عليكم ورحمة الله وبركاتة،
أنا طالب مستجد، وابغى انزل مادة ie203 بس ما لقيتها ضمن قائمة الشعب، هل هذا يعني انها ما راح تنزل ؟ او لازم انتظر كم يوم ؟

برضه مادة meng102، هل لازم اخذها هذا الترم خصوصاً انه في الخطة الدراسية عندي مادة meng130 وهذي متطلب لها، واخاف تعطلني عن اختيار التخصص ؟

هل يجب علي انهاء جميع المواد في الخطة الدراسية حتى اتخرج ؟ ولا ممكن اتخرج من غير ما اخذ بعض المواد زي meng102 ..

وشكراً لكم

[Eng.3zoz]

حبيبي ie 203 و ie 204 لغوها وحطو بدالهم ie 200 وبالنسبه للمنج 102 يمديك تاخدها وقت ما تبغي بس انا راي يا دا الترم يا الي بعدو وكل الي في الخطه عندك لازم تاخدو للتخرج بالتوفيق وترى الموضوع سهاله لا تشيل هم كلنا مرينا بدي المواد ومشينا الحمد لله

[>أنا<]

الله يعطيك العافية يا باش مهندس، المشكلة انه حتى ie200 ما نزلت في قائمة الشعب، افكر انزل ie255 لكن عندي احساس انها اكثر من ٣ ساعات !! هل احساسي صادق ؟

[rــــــy]

ie 255
3 سـآعآت ويمـديك تآخـذهأ بأي وقــت ,,
آنتـظر علشآن تنـزل ie 200 لأنك ما رآح تتخـصص الا اذا عديـتهآ ,,"

[>أنا<]

هل تتوقع انه راح تنزل شعب ومواد جديدة خلال هذا الاسبوع ؟ في مواد زي معمل الفيزياء لسه ما نزلت اي مواعيد واخاف انه بعدين يصير تعارض في الجدول !! ، انا قريت في المنتدى انه ممكن بعد كم يوم راح تنزل خاصية تغيير الشعب بعد ما تحذف مادة تغير الشعبة على طول فهل هذا صحيح ؟

بالنسبة لمادة IE255 فلما اشيك عليها من قائمة الشعب تطلع لي باربع ساعات، شوف الصورة التالية :



وفقكم الله لما يحبه ويرضاه .. آمين

[rــــــy]

أكيـد رآح تنـزل وتفتـح شعـب جديـده ,, آحنآ بأول يـوم ,,
اذا كان معمل الفيزياء مقفل عنـدك شوف متى توقيته ولا تضيـف بوقتـه شئ علشان أول ما تنزل تضيـفهآ ,,
واذا ما نـزل لك روح السبت الشؤون التعليميه وضيـف من عنــدهم آفضـل لكـ ,,
صحيـح في خآصيـه تغيـير الشعـب الى الآن ما نـزلـت ,, بـس على طـول ما اعتـقـد ,,
ie 255 ساعاتها المعتمده بالجـدول 3 ,, آما بالدآوم 5 ساعات مو 4 بعـد ,,
آنت عليـك بالساعآت اللى بالجـدول ,,"

[>أنا<]

صادق توني انتبه انها 5 ساعات موب اربع، طيب المادة سهلة ولا فيها كرف ؟ لانه احتمال اخذ المواد بالشكل التالي ان شاء الله الترم الاول والترم الثاني :



اللون الاصفر : لا يوجد شعب نهائياً وربما يتم دمج المادتين
اللون الاخضر : مواد سوف اعتمدها ان شاء الله ( الي في الترم الاول باخذها الان - ان شاء الله - والي في الترم الثاني باخذها في الترم الثاني - ان شاء الله - )
اللون الازرق : مادة متعارضة مع الجدول وجميع الشعب مقفولة لحد الان، احتمال اني اجلها للترم الثاني
اللون البرتقالي : احتمال اطنشها خلال هذه الترمين أو اخذها صيفي
اللون الاحمر : مادة لها متطلب، الا وهو اللون البرتقالي MENG102


يا ليت تفيدوني اذا ممكن هذا الجدول يسبب لي ضغط أو تأخير في المستقبل - لا سمح الله - ؟

[rــــــy]

جـدولـك تمآم ,,
لو بتضيـف ,, ie 200 ,, خـلي الثقآفـه الترم اللي بعـدهـ يكـون أفضـل ,,
لأن دوآم الانجـليـش شــوي كـرف ,,
يصيـر بالصيـف عندك الرسم ,ie 255 اذا نـزلت بالصيـف ,,"

[>أنا<]

مشكور على متابعتك للموضوع، ليه ie200 كم ساعة ؟ مو ساعتين ؟ وكيف راح يكون نوعية الكرف فيها ؟

[rــــــy]

يـب سـآعتـين ,,
آحنآ اخذنا ie 203 و ie 204 وكانت بساعه بالجـدول ,,
ودآومهآ كآن يوميآ ,, آما ie 200 بساعتـين فأكيـد رآح يكـون دوآمهآ آكـثر من اللى قبـل ,,
بـس ممكن يكـونوآ غيـروآ ساعات الدوآم أو حاجـه زي كـذآ ,,
آنتـظر ورآح تشـوف جـديدهـم ,, ربي يوفقـك ,,"