مفارش النفاس + أسرة المواليد...فين أحصلها؟؟

[little Angel]

مرحبأ,,,
كل عام وأنتم بخير..
حبايب قلبي أنا حاليأ أجهز للمولود الجديد وحبيت أسألكم عن مفارش النفاس المطرزة تطريز خيوط ناعم مايضايق عند الجلوس علية ..يعنى مافيها كلف وشغلات ووو....أن شاء الله فهمتوا قصدى...
وكمان أسرة الأطفال اللي شكلها مثل السلة وهذة صور شبيهة باللي أدور عليها







مشكورين حبايبي..

[وفاء جدة]

هلا اختي...الله يقومك بالسلامة ويفرحك بشوفه طفلك...
بسأل لك ان شاء الله بالضبط فين وارد لك...

[Fatema Alshareef]

حبيبتي زي هذي المفارش محا تلاقيها بسرعه بالسوق ,, او ممكن ماتلاقيها من الاساس ,,,

لانو كلها شغلات يدويه يسووها حريم متخصصات ويبيعوها ,, ممكن تلاقي بالاسواق الالكترونيه

مع البنات اللي يبعوا شغلاتهم عن طريق النت ,,,,

[همسة غلا..]

اللـه يقومك بالسلامه ياقلبي..
والف مبروووووووك مقدما..
انا راح اسأل لك وارد عليكي ان شاءالله..

[loss]

الله يقومك بالسلامه يا رب وعقبالي ربنا يرزقني الدريه الصالحه اذا افتكرتيني وانت تولدي ادعيلي

[ترانيم الحزن]

شفتهم بالبوادي

[little Angel]

مشكورين حبايب قلبي..
أن شاء الله أدعيلكم كلكم الله يسعدكم..
آمين..

[Suzi]

ماشاءالله يانآثو عليكي الله يقومكـ بالسلآمهـ

صرآحه الكندرة فيها محل ورآح اسالكـ وش هو بالضبط ولي بآكـ ياقمر

[ساكنه في بيتنا]

اعرف وحده تعمل زي كدا ,, بس حاجاتها غاليه بس مرره شغلها حلو ومرتب ..

انتي تختاري الي بدك و هيا تفصلك

الزباله الله يكرمك و المفرش حق السرير و علبه المناديل و تبسي التقديم و لو بدك دله القهوه للمستشفى و صحن التوزيعاات ايييي شي بدك تعمله ..

ان شاء الله آخد الرقم من بنت خالي و ارسلك هو .. }} يارب ما انسى ..

[REEM-AJ]

الله يقومك بالسلامه يارب ....


ومبرووك على البيبي مقدما ...



وبالنسبه للسرير كاني لمحتو في ستي بلازا ...


وللمفارش ممكن تلقيها في محلات الالحفه << جمع لحاف ..

[حنين الذكريات11]

اعرف وحده تسوي كل اللي تبغي من مفارش وملابس للبيبي وتزين غرفه المولود وتزين كل الكماليات اللي تخص المولود والنفاس بس ما ادري عن اسعارها بس شغلها مرررررره حلوووو وهي بجده
ساكنه بالصفا
عندي ايميلها لو تبغيه شوفي طريقه اعطيكي هو لأنه ممنوع اسدحه هنا

[a7la_lolo]

أهلين حبيبتي

الله يقومك بالسلامه يارب ويفرحك بالمولود

بس اهم شي تقوليلنا ايش جبتي

ويتربي بعزك

<<كأنك طولتيها

المهم

شوفي روحي مفتي وصدقيني ماراح تندمي

بس انتبهي تروحي الفرع الكبير اللي في شارع الاندلس لأنو غالي

روحي الفرع اللي جوا في شارع فلسطين كأنك رايحه على مستشفى سليمان فقيه تلاقيه على يدك اليمين وانتي جايه من جهة البحر

يعني على نفس الشارع اللي فيه سليمان فقيه ونفس اشياء المحل الكبير وارخص

وصدقيني حتلاقي كل اللي تبغيه هناك ولو مالقيتي يصمملك اللي تبغه

الله يوفقك يااارب ويسهلك ولادتك وتجيبي احلى بيبي

[اموون3009]

في البلد

[little Angel]

هلا وغلا..
صراحة في حريم يعملوا هالشغلات لكن أسعارهم ولععععععة وجربت فبل اتعامل معهم وبعدها هونت...أنا أشوف الأفضل اتعامل مع محلات وتشوفي اللي يعجبك وتختاري..
مشكورين حبايب قلبي...

[^سما^]

حبيبتي سوق محمود سعيد القديم
ملابس المواليد وملابس النفاس جنااااااااان مطرزه وقماشه حلو
زبده على قطن رووعه اختي شرت منهم اسم المحل دنبا المواليد
وفيهه محلات حقت المفارش واسره المواليد
والله يقومك بالسلامه

[feeling angle]

بصراحة نا اخذتة من محمود سعيد مرررررررررررررة حلوة عندهم

وكمان تلقيها طفلي الاول او ااطفل الاول و المواسم

الله يتمملك على خير يارب