لن انساك طالما حييت...

[Romantic Extreme]

يبـه وينك ؟؟
ولهت لنظره من عينك ....
يبه وينك ؟؟
اشوفه طوّل غيابك !!
و من ودّاك .... ما جابك !!
قالوا ما يدوم الزين !!
و انا عندي امل للحين ..
و لا كني اعرفك وين !!

يبه وينك ؟؟
عسى الداعي يبه بس خير ؟!!
عساك بخير ....!!
مداين تكرم لعينك ...
بس ارجوك علمني ...
علمني .. يبه وينك ؟؟

سألت امي عن رجوعك ...
ولا كني اعرفك وين !!
و قالت ..
ما يدوم الزين !!
و انا .. عندي امل للحين ..
في رجوعك !!
يبه بس تكفى علمني ....
متى رجوعك ؟؟
يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك

يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت ..
حسافه ...
ما يدوم الزين ...
مع كل هذا صدقني ..
انا عندي امل للحين !!

سؤالي عنك يالوالد ..
صبح موال
و اشوفه طال ...
والله طال ..
حزين .. بلحنه و حروفه ...
يخاف .. يموت من خوفه ...
و قلب ٍ كان اقوى قلب ...
ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي ..
و تدعي الرب ييسر لي ..
يبه ..
ما عاد بي من حيل ..
وين الحيل ؟؟
و انا اشوفك نهار و ليل ..
مع اني ادري ما ترجع !!
غريبه .. بعدها تدمع ..
عيوني من هموم البين !!
و ادريبه مكانك وين !!
مع َ هذا .. ارد و اسأل !!
يبه ....
ووووينك ؟؟
و لا كني اعرفك وين !!

شبكت العشر في غيابك ...

على راس ٍ كساه الشيب ..
و من وداك ... ما جابك ..
و لا ادري وش يخبي الغيب !!
و جرح ٍ عذ ّب احبابك ....
يبه ..عيّا يخف و يطيب !!

يبه.. كل جرح في الدنيا ..
مصيره بالدوا يلتم ...
و لكن البلا من جرح ..
نزف فرقاك ... بليّا دم !!
و هذا الفرق في جرحي ...
عجز يلقا الدوا دكتور ..
انا جرحي غريب الطور !!
ينزف ... بس بليّا دم ..
و زاد الهم فوق الهم ...
و دام انك يبه غايب ...
جروح الغيبه ما تـلتم ..
بس عندي امل للحين !!
و لا كنّي اعرفك وين !!

يبه .. ذكراك تفرحني ....
في نفس الوقت تجرحني !!
لا من جبت في طاريك ...
دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف وكرم قلبك مع هالناس
كل ٍ كان في بيتك ضيف ..
الا يا حيف .... الا يا حيف ..
زمن قاسي ..
زمن قاسي ...
اخذ مني بلا رحمه
اخذ مني اعز ناسي !!
و خلاّ لي سهر هالليل ..
في عيني ضيف ..
الا يا حيف !!

يبه وينك ؟؟

تعال و شوف ...
كبرنا مثل ما تمنيت .
درسنا كل ما حبيت ..
نصلي مثل ما وصيت ..
و ندعيلك في كل ظروف ..
يبه وينك ؟؟
تعال و شوف ..
صحيح الدنيا ما ترحم ..
تجرعنا التعب انواع ...
و لكن الأمل ما ضاع ..
و انا عندي امل للحين !!
و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ...
معانا عيال حارتنا ..
نلعب في زوايا البيت ..
يبه ... والله انا حنيت ..
لذاك الوقت في وجودك ...
الا يا ريت ... الا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ...
خذتك بعيد .. و خلتنا !!!

يبه امي تذّكرنا ...
بأيامك قبل ما تروح ...
تناديها.. يا روح الروح ..
تغازلها و تنظر لك ..
مثل طفله ...
ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار

نحبك يا يبه ... ارجع
مثل شمس الفجر .. اطلع
حزينه الشمس في غيابك
و نفس الحزن في احبابك ..
واخاف الشمس من حزني ..
تغيب و ما بعد تطلع !!
يبه ارجع !!

اذا لي خاطر فـ قلبك ..

تعال و زورنا بس يوم ...
مع انه ما يكفينا .. نشوفك يوم ..
نبي حضنك يدفينا .. و نشوفك دوم ..
لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ...
قبل ينشف حبر الأقلام ..
كلامي بعده ما خلّص ..
و لكن موعد الأحلام ..
حان ..
ولازم اوفي له..
بعد ما ضاعت الحيله ..
اشوفك والوعد باكر !!
اذا فكّر يجي باكر ..!!
و برجع اسألك وينك !!
بس لازم تجاوبني ..
ترى عندي امل للحين !!
و لا كني اعرفك وين ..!!............................. اااااه يادنيااا

[little_star_]

كلامات حزينه جدا ...

لكن عش الذكريات ودع ذكراها حيه في مخيلتك ...

واجعله دوما فخورا بك ...

اسفه لم استطع التعبير وكيف اعبر بعد هذه الكلمات التي تنبض الما وحزنا وشوقا اجتمعت هذه الكلمات جميعها لتجسد حاجتنا للحضن الذي نحلم ان نغرق فيه لكي نحس بالقوة والامان في هذا العالم ...

تحياتي لك وتمنياتي لك بالسعاده

[رغد محمد]

ياللـــــــــــــــــــــــــــــــــه ...

كلمات حزينة جدًا ..أخرجت دموع عينيّ وأبكتني ..وأحزنت قلبي ...

شعور صعب إنك تفارق والديك ....

فعلاً كلمات محزنة ...

الله يحفظ أمي وأبوي ويحفظ جميع أمهات وآباء المسلمين يااااااااااااارب العالمين ...

شكرًا لك على هذه الكلمات الحزينة ..التي يملؤها شوق وحزن.. لااااااا ..بل يتشربها أحزان طفل يتيم ...

تقبل مروري ..

رغد محمد..

[Romantic Extreme]

ياجعلكم ماتفقدون غالي ... اهداء لكم جميعـــــــــــا

[حطموووك ياقلبي]

ع ــــسى يوم ـــــــــــــــــــي قبل يوم ــــــــــــــــــــــك >>>>يبـــــــــــــه



...............



كلم ــــــــــــــــــــــات صاادقه قوويه المشاع ــــر مبكيه


يع ــطيك الع ــافيه وطول الع ـــمر في طاع ــته يااااااااااااااارب


ويجعــل ايامك كلها كيك وح ــلاوه ^_^


لكـ ودي وتح ــيتي ...

[fefe]

اعتذر لم استطع اكمالها فقد لامست جرح كبير بداخلي ..
و انا .. عندي امل للحين ..
في رجوعك !!
يبه بس تكفى علمني ....
متى رجوعك ؟؟

اشتقت لك يبه ,,
يسلموووووو

[Hamsa }~]

كلمــآآت صــآآدقة المشآآع’ـــر..

أبدعت ..

[Romantic Extreme]

^^... شكراا لكل اللي رد .. يعطيكم العافية

[joudy Abbout]

رفرف حرفك

في سما المنتدى

ف رسم لنا اجمل الاحاسيس والمشاعر

سلمت اناملك

[حــــور]

فقط..عندما يفارقونا نحس بهم ..’

نأنس بوحدتنا عندما نتخيلهم..’

افكار تموج بنا هنا وهناك..’

هل غلطنا بحق من فارقونا..؟

هل اذقناهم الحزن ولو مره بحياتنا..؟

اتمنى ان ترجع لحظاتهم الى هنا..

فقط..لناخذهم الى ذلك الاحساس بالفرح..!

وملئها بالسعادة..’

لانعلم..!

دوماً نحن كذلك..!

لانراجع دفاترنا الا برحيلهم..’

تخوننا ذاكرتنا وهم معنا..’

وبمجرد فنائهم تنهال علينا الاهات والكثير من صنوف الندم..’

ذلك الندم اراه بـكل تصرف تصرفناه..’

كيف لا..؟

و هو العزيز والغالي..’

هو من له الفضل بوجودنا بعد الله سبحانه وتعالى..’

ننكر كل ذلك عليه..’

وننغلق بقوقعتنا المعهودة..’

تلك القوقعة السقيمة..’

التى لاتفكر الا بذاتها المغرورة..’

تخونني كلماتي هنا..’

وتخونني احاسيسي ايضاً..’

احس ببعثرتها ..احس بـ تلاطم عبارتي وافكاري..’

ولكن لابد ان اقف هنا..’

واسترجع تلك الاحرف وارتبها ..’

علها تليق بروعة مانزفه قلمكم ..’

فعلا ..هو احساس مرير..’

لايأتينا الا بفراقهم..!



؛


..:: Romantic Extreme ::..

طغت احاسيسكم ومشاعركم ..’

ارتنا ذلك الجانب الحزين..’

الذي يسكن بـ كل فردٍ منا..’

معاناة عشناها هنا..’

اهات زفرناها معكم..’

دمتمـ بمنائ عن اليومـ الاخير ..’

؛


حـــــــــور