استفسار مهم عن دراسة الماجستير

[محمد المحمد 1]

السلام عليكم ورحمة الله وبركاته
الاخوان والاخوات عندي بعض الاسئله عن دراسة الماجستير اتمنى من الله ثم منكم التكرم بالرد عليها .
انا في اخر سنه تخصص لغه انجليزيه ومعدلي ممتاز ولله الحمد والمنه ويمكن في اسوأ الاحوال بأتخرج بتقدير جيد جدا فوق 4 باذن الله .
والمشكله اني اعمل عسكري في المنطقه الجنوبيه وعندي امكانية النقل للطائف اذا لزم الامر وامكانية النقل لمدينة جده صعبه الا اذا شاء الله , ولا ادري كيف اقدر ادرس ماجستير . بأي طريقه اقدر ادرس وفي اي جامعه ؟
ولو الله وفقني وتسهلت امور الدراسه ....
اقدر ادرس نفس تخصصي ماجستير ؟
او ادرس تخصص غيره ؟
اتمنى من الجميع افادتي بما لديكم من معلومات او خبرات ممكن تفيدني . وشكرا لكم واسف على الاطاله .
اخوكم محمد المحمد 1

[unlucky]

حياك الله اخوي محمد
اولا :هل دراستك انتظام ام انتساب ؟

في جميع الاحوال في حال تقديرك جيدجدا او ممتاز انصحك انك تقدم على الماجستير العام اللي بجامعة الطائف وتحاول تنسق بينها وبين العمل اذا قدرت واذا العمل رفض خذلك قرض يمشيك سنتين وقدم استقالتك وكمل ماجستير في نفس تخصصك انتظام ولو مانقبلت بجامعة الطائف ام القرى اقرب لك قدم والله يوفقك . بس المهم ان لاتكون دخلت سن التقاعد المبكر اي 18 سنه لانك ماتقدر تستقيل وقتها لو حصلت فرصة عمل بالماجستير
احسب حساباتك زين ولاتتسرع , هذا مااستطيع ان افيدك من وجهة نظري والله اعلم .

[فندام]

أول شي احب ارحب بيك ياأخ محمد واهنئك على تقدريرك الرائع وإلى الامام دوما بإذن الله
الشي الثاني والمهم جدا هو انو الحل الي اقترحو عليك الاخ unlucky حل صعب جدا ويفتقد للمرونة المطلوبة لأنو حسب مااعتقد حيكون صعب جدا عليك انك تقدم استقالتك من عملك لانو اكيد انو عندك اسرة وعليك التزامات كثيرة وتقديمك لإستقالتك في الحالة هذي حيخلقلك مشكلة اكبر من مشكلة اكمال الماجستير وعشان كدا مانصحك ابدا تاخذ بالحل ذا الا في حالة وحدة وهي انو يكون عندك مصدر دخل اخر غير الوظيفة وبشرط يكون الدخل الي بيجيك منو معقول وتقدر تمشي بي امورك طوال فتترة الدراسة .
الشي الثالث انت ممكن تكمل دراستك وانت على راس العمل وبكل سهوله وحقلك كيف جامعة أم القرى فيها برامج ماجستير مسائبة الدراسة فيها بتكون أخر الأسبوع ( أربعاء وخميس وجمعة) والمحاضرات بتكون كل اسبوعين والدراسة فيها بفلوس وتوصل تكاليف الدراسه الى 56 الف ريال بصراحة ماعرف ايش برامج الماجستير الي عندهم وهل فيه برنامج خاص باللغة الانجليزية أو لا ممكن ترجع لموقعهم بالنت وتشوف تفاصيل البرامج هذي وتشوف البرنامج الي يناسبك
وعندي لك اقتراح افضل من الدراسة بجامعة ام القرى وهو الدراسة بجامعة الملك عبدالغزيز بجدة جامعة الملك عبدالعزيز عندها برامج ماجستير خاصة وبرضو الدراسة بهذي البرامج بيكون بنهاية الأسبوع ( أربعاء وخميس وجمعة) والدراسة كل اسبوعين ومن ضمن هذي البرامج برنامج ماجستير الترجمه المهنية وهو برنامج مرتبط ارتباط وثيق بتخصص اللغة الانجليزية ومن شروط القبول فيه هو ان يكون المتقدم حاصل على بكالريوس باللغة الانجليزية بتقدير جيد كحد ادنى ولا حظ معايا اني قلت في بداية كلامي انو الدراسة ببرامج الماجستير الخاصة بجامعة الملك عبدالعزيز افضل من دراسة الماجستير المسائية بجامعة ام القرى والحين حقلك ليش لأنو برامج الماجستير الخاصة بجامعة الملك عبدالعزيز شملتها المنحة الملكيه بفضل الله واتحمل الديوان الملكي كل مصاريف الدراسة فيها يعني الي حينقل فيها ماجيدفع أي رسوم دراسية أما بالنسبة لبرامج الماجستير المسائية بجامعة ام القرى فصراحة ماعندي أي علم يتعلق بالرسوم الدراسية تبعها وكيف وضعها وهل هي على الطالب أو انو فيها اعفاء زي جامعة الملك عبدالعزيز وانت ممكن ترجع للمواقع الالكترونية للجامعتين وتطلع على كل التفاصيل الي تحتاجها وبالتوفيق ان شاء الله

[محمد المحمد 1]

ما شاء الله تجاوب سريع الله يوفقكم بأعلى الدرجات في الدنيا والاخره .
شكرا لكم جميعا وجزاكم الله كل خير .
اما انت يا اخ فندام اسأل الله العلي العظيم ان يبارك لك في علمك وفي اهلك ومالك .
باقي بس سؤال واحد . الماجستير المدفوع في جامعة الملك عبدالعزيز دراسته تكون بس اخر الاسبوع واذا كانت وسط الاسبوع تكون كم يوم في الاسبوع ؟
لأني ممكن انقل الطائف واحظر من هناك .

[فندام]

الماجستير المدفوع بجامعة الملك عبدالعزيز ياأخ محمد الدراسة فيه تكون بس في اخر الأسبوع ( أربعاء وخميس وجمعة) مافيه دراسة بوسط الاسبوع وكمان المحاضرات كل اسبوعين واعتقد انو مناسب لك والله يوفقك

[moooj]

المشاركة الأصلية كتبت بواسطة فندام الماجستير المدفوع بجامعة الملك عبدالعزيز ياأخ محمد الدراسة فيه تكون بس في اخر الأسبوع ( أربعاء وخميس وجمعة) مافيه دراسة بوسط الاسبوع وكمان المحاضرات كل اسبوعين واعتقد انو مناسب لك والله يوفقك

برامج الماجستير في جامعة الملك عبدالعزيز منها ما يتم دراسته نهاية الأسبوع

كماجستير إدارة الأعمال التنفيذي الأربعاء والخميس والجمعة

ومنها ما يتم دراسته وسط الأسبوع أحد واثنين

كالبرامج التربوية تقنيات تعليم/إدارة تربوية/إرشاد وتوجيه

[محمد المحمد 1]

شكرا لكم جميعا , وبيض الله وجيهكم
الظاهر مالها الا اني انقل للطائف وادرس من هناك
ولكن يبقى اخر سؤال لو كانت الدراسه في وسط الاسبوع تكون من متى بالضبط يعني اي ساعه تبدأ ومتى تنتهي يوميا
واسف على الاطاله

[محمد المحمد 1]

up
.
.
؟

[حرمان]

الله يوفقك وييسر امورك
ومشاء الله تخصصك روعه واتوقع والله اعلم ان اللي تخصصه انجليزي مايدخل اختبار اللغه هاذا باالنسبه للماجستير الخاص بجامعه الملك عبدالعزيز
والمنحه الملكيه في جامعه الملك عبدالعزيز مستمره 3 سنين باذن الله

وجامعه مكه برسوم معينه على الطالب وليست منحه ...

الافضل تتوكل ع الله وتنقل الطائف

لانه هوه الاقرب لجامعه مكه وجده

مره ثانيه الله يوفقك

[عماد الحسن]

حياكم الله أخي محمد ونرحب بكم وبكل المشاركين وأحيي فيكم رغبة العلم رغم انشغالكم بالوظيفة
مبروك مقدماً تخرجكم والمطلوب منك الأن تجهز كل الأوراق المطلوبة وتنتظر التخرج بامتياز بحول الله ثم تدخل اختبارات القدرات والكفايات وبعدها تختار المجال المناسب لكم في مكة أو جدة أو الطائف والأمر راجع لكم في الاختيار، والإخوة ماشاء الله ما قصروا معاكم في الرد وربنا يوفقكم.
أما دوام الماجستير الخاص بجدة فهو التنفيذي في يوم الربوع لحد الجمعة، والماجستير التربوي يوم الاحد والاثنين من 5-10 مساء .