" الابتســـامة والعرب ! "

[banoota mnkoosha]

" الابتسامة في وجه أخيك صدقة "

هذا اقتباس من أقوال الرسول صلى الله عليه و سلم,

لقد حرص عليه أفضل الصلوات و أتم التسليم , على ملء كل ثغر من الثغور التي قد

تنخر بعظم الأمة ,, حتى أقلها شأناً ,, كالابتسامة ,,


أهي حقاً أقل الوصايا شأناً ؟

لا أرى ذلك ,,, " المسلمون كالبنيان الواحد " و لن نكون كـالبنيان المرصوص ,, إلا

بوجود المحبة بيننا ,,, و الابتسامة ,, هي أول رسالة ترسلها إلى الطـرف الآخر تخبره

فيها أنك تحبه ....


حالياً ,, الابتسامة و السـلام ,, لا يُرسلان إلا لمن نعرفهم !

و إليكم مقارنة ,, بين الابتسامة في وجه انسان غربي ,,

و الابتسامة في وجه انسان عربي ,,


!!!



::: أن تبتسم لانسان غربي :::


سـواء كان رجلاً و امرأة .. تُرد لك الابتسامة بمثلها .. و إن لم يكن هذا الانسان خجولاً ..

لتقدم طالباً التعرف عليك .. !


في مرة من المرات و أنا في الراشد .. كنت أتحدث مع صديقتي .. و وقع ناظري

على رجل أجنبي .. كنت متبسمة .. فــرد لي ابتسامتي .. بابتسامة ودودة


و تحكي لي قريبتي .. عن موقف حصل لها .. عندما ابتسمت لامرأة أميريكية .. فما

كان من المرأة إلا أن جاءت عندها .. و صارت تتحدث معها .. بالرغم من أن بنت خالتي

كانت وقتها صغيرة في السن و تلك المرأة كانت كبيرة ..




::: أن تبتسم لانسان عربي :::


هنا تنقسم الحالة إلى أربعة حالات :


الأولـى : إن كنت شاباً و ابتسمت لشاب آخر ... لا أعرف كيف يتبدل مفهوم الابتسامة

عند ذاك الشاب ليترجمها إلى [ انت جالس تضحك علي؟ ] أو [ ناوي على هوشة

(مضاربة)؟ ] !!



الثانية : إن كنت شاباً و ابتسمت لفتاة ... تُترجم الابتسامة إلى [ قلة أدب و مغازلة ] !!


الثالثة : إن كنتِ فتاة و ابتسمتِ لـشاب ... تُترجم الابتسامة إلى [ تبغى تخاويني ] !!


الرابعة : إن كنتِ فتاة و ابتسمتِ لـفتاة ... تُترجم الابتسامة إلى [ هذي شكلها

تعرفني؟ ] أو [ إيش تبغى هذي ؟ ] و لا تُرد الابتسامة حتى !!


نحن ديننا ,, دين النظافة ,, و دين النظام ,, و دين المحبة ,,

لكن سبحان مقلب الأحوال ,,

صار ديننا هو عباداتنا في حق الله ,,

أما عباداتنا في حق العباد ,, أهديناها إلى الغرب الذي تخلى عن ديانته !!


مرحباً بوصايا رسولنا الكريم ,,



ملاحظة ::


ما يزال هناك من هم يحتفظون بـمبـدأ الابتسامة


لكنهم في تناقص !!


ربما هم كذلك لانتشار ظـن السوء في مجتمعاتنا


(( منـــــــــقول ))

[ساكنه في بيتنا]

من جد والله دايم استغرب من الناس اللي تضحك في وجهها وتطالع فيك وتقلب وجهها ولااااا كأنو سار شي !!

مدري ايش حينقص منها لو ابتسمتلي زي ما ابتسملها .. يعني ايش احسن من انها تتصدق وهي جالسه في مكانها !!


في النهايه ما اقول غير هي حره بس حيجي يوم وتقول ياريتني ابتسمت كان اخدت حسنات رفعت مكانتي في الجنه ..


يسلمو نكش :) ..

[جداوي غير]

الحكاية جات على الأبتسامة بس الواحد دحين تسلم عليه بالقوة يرد هذا اذا قال خير ايش تبغى

موضوع رائع وان شاء الله ينصلح حالنا ونرجع لديننا

[مجووووووووود]

بهذا الزمن محد يعترف بالإبتسامه ...ولها معاني كثيرة عندهم مثلا في المدارس أي وحدة تبتسمين بوجهها تقول :ها الأخت معجبة!!!!أو تطلع إشاعة مالها اخر <<ماصدقت...
أو تقعد تسوي حركات مصدقة نفسها على غفلة!!! وبعضهم يقولون خير وش فيه !! كأنه فيه جريمة...

بس بالنسبة لي الإبتسامه هي مفتاح القلوب ..بالإضافة الى أنها صدقة ماتكلفنا إلا ثواني...وش أحسن من كذا .

يعطيك العافية بنووته..

[ترسي المحبوبة]

\

,

مع الأسف هذا هوا المجتمع الشرقي ظن السوء لدينا يسبق كـل شيء ,,,


لا يوجد اروع من الإبتسامه في وجه اخيك فهي فعلا مفتاح القلوب ومفتاح الأبواب المغلقه ,,,


سلمت انامك غاليتي على النقل الجميل ,,


كــل الــود ,,,

’

\










ايش رائيك دحين في لون الخط واضح صح

[LuJe]

ههههههههههـ

ياناس الموضوع مرة لزيز ..

والله من جد أحيانن أبغا أبتسمـ لأي أحد بس أخاف ما يبتسمولي ..



عجيبة صايرة الدنيا ..

يللا أنا أهديكمـ ابتسامات ::

[مجبور اوادعها]

حلو ان يكون الانسان مبتسم

وتكفى انها صدقة

الثانية : إن كنت شاباً و ابتسمت لفتاة ... تُترجم الابتسامة إلى [ قلة أدب و مغازلة ] !!

اجل شاب يبتسم لفتاة، بالله وش يبغى (الأجر وانها تحسب صدقة) !!!

ما حبيتها منكـ بنوب بنوب

في مرة من المرات و أنا في الراشد .. كنت أتحدث مع صديقتي .. و وقع ناظري على رجل أجنبي .. كنت متبسمة .. فــرد لي ابتسامتي .. بابتسامة ودودة

هيا لو انا الي مبتسم لكـ بدال الأجنبي << يكتب الرد وضروسهـ برا هع

كان صفرتي لأخوكـِ وفين يوجعك يا مجبور، وانواع التدعيس

:::::::::::::::::::

يعطيكـ العافية ايتها (المنكوشة)

[!!توصي شيء!!]

أنا مع الموضوع مع وجود بعض التحفظات ..

على تبادل الإبتسامة مع غير المحارم من الرجال ..

المهم ..

الإبتسامة شيء مهم وهي أقصر الطرق للقلوب ..

لكن من شدة تجاهل الناس لها ..

صاروا يشوفوها شيء غريب ..

دمتِ مبدعة نكش :)
\
/
\

[banoota mnkoosha]

المشاركة الأصلية كتبت بواسطة ساكنه في بيتنا من جد والله دايم استغرب من الناس اللي تضحك في وجهها وتطالع فيك وتقلب وجهها ولااااا كأنو سار شي !! مدري ايش حينقص منها لو ابتسمتلي زي ما ابتسملها .. يعني ايش احسن من انها تتصدق وهي جالسه في مكانها !! في النهايه ما اقول غير هي حره بس حيجي يوم وتقول ياريتني ابتسمت كان اخدت حسنات رفعت مكانتي في الجنه .. يسلمو نكش :) ..

على قولتك سكونة ... يجيهم يوم ويعرفو قيمة دي الابتسامة ....

الله يسلمك .... نورتي ياسكر ...

المشاركة الأصلية كتبت بواسطة جداوي غير الحكاية جات على الأبتسامة بس الواحد دحين تسلم عليه بالقوة يرد هذا اذا قال خير ايش تبغى موضوع رائع وان شاء الله ينصلح حالنا ونرجع لديننا

صدقت ....

ومرة يقهر لمن تجي تسلم يطالعوا فيك ويرجعو يكملو شغلهم ولا كانه احد

سلم ... دايما تصير لي دي الحركة في الجامعة ...

جداوي ... مرورك هو الاروع ؛؛ و الله يسمع منك ....

المشاركة الأصلية كتبت بواسطة مجووووووووود بهذا الزمن محد يعترف بالإبتسامه ...ولها معاني كثيرة عندهم مثلا في المدارس أي وحدة تبتسمين بوجهها تقول :ها الأخت معجبة!!!!أو تطلع إشاعة مالها اخر <<ماصدقت... أو تقعد تسوي حركات مصدقة نفسها على غفلة!!! وبعضهم يقولون خير وش فيه !! كأنه فيه جريمة... بس بالنسبة لي الإبتسامه هي مفتاح القلوب ..بالإضافة الى أنها صدقة ماتكلفنا إلا ثواني...وش أحسن من كذا . يعطيك العافية بنووته..

امكن دا الحال في دي الايام ... زمان ما كان الوضع كدة ... كانت ابتساماتهم من الاذن

للاذن ...

انا مازلت ابتسم لهم وماتفرق معايا ردة فعلهم لانها شي راجغلهم انا عملت اللي

عليا

مجوووووووووود ... ويعافيكي يارب ... نورتي ...

المشاركة الأصلية كتبت بواسطة ترسي المحبوبة \ , مع الأسف هذا هوا المجتمع الشرقي ظن السوء لدينا يسبق كـل شيء ,,, لا يوجد اروع من الإبتسامه في وجه اخيك فهي فعلا مفتاح القلوب ومفتاح الأبواب المغلقه ,,, سلمت انامك غاليتي على النقل الجميل ,, كــل الــود ,,, ’ \ ايش رائيك دحين في لون الخط واضح صح

والله ظن السوء دا هلكنا ... في كل شي يظنو دا الظن .. ايش دي القلوب والنيات !!

الله يسلمك ياسكرة ...

برايفت ::: اللون احسن من اول ... شكرا جزيلا

المشاركة الأصلية كتبت بواسطة LuJe ههههههههههـ ياناس الموضوع مرة لزيز .. والله من جد أحيانن أبغا أبتسمـ لأي أحد بس أخاف ما يبتسمولي .. عجيبة صايرة الدنيا .. يللا أنا أهديكمـ ابتسامات ::

يابنتي مالك بيهم !!!

ابتسمي لاي احد وانتهى الموضوع ... انتي عملتي الي عليكي وهم بكيفهم على

ردة الفعل ...

يسلمووووووووو عالابتسامات الحلوة ....

المشاركة الأصلية كتبت بواسطة مجبور اوادعها حلو ان يكون الانسان مبتسم وتكفى انها صدقة اجل شاب يبتسم لفتاة، بالله وش يبغى (الأجر وانها تحسب صدقة) !!! ما حبيتها منكـ بنوب بنوب هيا لو انا الي مبتسم لكـ بدال الأجنبي << يكتب الرد وضروسهـ برا هع كان صفرتي لأخوكـِ وفين يوجعك يا مجبور، وانواع التدعيس ::::::::::::::::::: يعطيكـ العافية ايتها (المنكوشة)

يامجبور ....

سوء الظن هلكنا في كللللللللل حياتنا ...

وممكن ولد يبتسم لبنت .. بنية حلوة وانها صدقة تتفسر بشكل تاني !!

وزي ما قالت تروسة دي طبيعة مجتمعنا !!!

ويعافيك يارب ... نورت ...

[banoota mnkoosha]

المشاركة الأصلية كتبت بواسطة !!توصي شيء!! أنا مع الموضوع مع وجود بعض التحفظات .. على تبادل الإبتسامة مع غير المحارم من الرجال .. المهم .. الإبتسامة شيء مهم وهي أقصر الطرق للقلوب .. لكن من شدة تجاهل الناس لها .. صاروا يشوفوها شيء غريب .. دمتِ مبدعة نكش :) \ / \

حتى الابتسامة تجاهلوها

نورتي توصي ....