استفسار بخصوص الانتساب لهذا العام؟؟!!؟؟

[بررب ادور حلمي]

بسم الله الرحمن الرحيم.
السلام عليكم ورحمه الله وبركاته.


انا طالبه سجلت انتساب لهذا العام عام 1431/1432هــ لكن حابه استفسر عن بعض الاشياء
خصوصا اني مااني عارفه كيف نظام المنتسبين بالجامعه ماعرف احد سجل انتساب..
اول شي/
الان اقدر اداوم زي الانتظام ؟؟ اومااقدر؟؟ او اذا في اذن اخذه من الجامعه اني اداوم زي الانتظام واحظر المحاظرات؟؟

الكتب انا اختي درست انتظام سنه تحضيري قبل سنتين اتوقع وكتبها عندي الكتب نفسها اللي يدروسوها (مسار ادبي اداري).؟؟

سمعت ان في اختبار مستويات الانجليزي كيف اعرف موعده؟؟

بخصوص المحاظرات اللي نحظرها لطالبات الانتساب هم يعطونا موعدها؟؟
وكييف الانتساب ياترى سهل والاختبارات سهله؟؟
والملازم واوراق المراجعات للاختبار كيف احصل عليها من الجامعه ؟؟

تكفوون بليز قولوا لي اي شي تعرفونه عن الانتساب وزيااده كمان اي شي قولوه لي لاني بجد ماني عارفه شي؟؟

[عـ,,,ـل]

انا حقلك كل شي

اول شي بالنسبه للحضور انا كنت احضر مع الانتظام بس اهم شي تستازني من الدكتوره قبل ماتحضري

ودوام الانتساب ينزل وقتو في التوقويم حق الجامعه

بس التقويم يلين دحين مااتحدث

الكتب اتوقع نفسها ماتغيرت

اختبار المستوى حق الانجليزي بس للانتظام مافي للانتساب

واي سؤال حجاوبك ان شالله

[عـ,,,ـل]

انصحك لا تعتمدي على الملازم والملخصات زاكري اول شي من الكتاب

وبعدي الملازم خليها مراجعهل لكي بس

[تعبت انتظر:)]

كلام الاخت عـ,,,ل تمااااااااااااااااااااااااااااااااام

[بررب ادور حلمي]

تسلمين ياعسل

بس اللحين انا سمعت ان في بنات يقولوا ان لو حظرتي مارح يدخلوك الجامعه لانك انتساب وراح يسوا لك مشكله .؟؟

وسمعت زي كلامك ؟؟

مدري ايش اسوي بس دامك حظرتي وماصار شي راح احظر

[عـ,,,ـل]

لالا ازا عملولك كدا ولا كدا قوليلهم ابغا اشتري كتاب او جيا اسال عن حاجات

بس الاغلبيه مارح يستعبطو ومايدخلوكي

[بررب ادور حلمي]

تيب الحين الاختبارات ماقلتي لي سهله وكييف كان المعدلات حق طالبات الانتساب؟

والدكتورات معاكم متعاونين يعني يعطوكوا اسئله سهله؟؟

[احتمال]

الله يوفق الجميع

استفسارات مهمه

[عـ,,,ـل]

معليش اتاخرت عليكي

الاختبارات تعتبر سهله

بس الحاسب كان مره صعب

والدكتورات كانو يحزفو حاجات بسيطه بس الرياضيات حزفو منو كتير

ويارب يكون معدلك عالي

[إن غدا لنظيره قادم...]

كأني سمعت انو في هرجه يسولي كيني ميني عند الباب
والله انا مرره ماتحمل ممكن اعصب عليهم
طييب ماينفع اقلهم الحقيقه اني داخله احضر محاضارات ...
ليش الكدب يعني والله انا داخله بفلوسي ومستاذنه من الدكتورة >>وااه الكلام ده حيسمعوه كتير