ياجماعه الله يخليكم جاوبوا على سؤالي

[فطوم وأسوم]

بسم اللله الرحمن الرحيم

بدخل على الموضوع على طول

مين الشهاده الاصليه مو معاه

انا رح انجن اذا مالقيتها دورت عليها في كل البيت
ايش اسوي ياجماعه مالقيتها

كيف رح اقدر احصل عليها

والله انو اكتب هالكلام وانا جالسه ابكي اخاف تضيع عليا ويضيع مستقبلي معاها

[Super Linux]

صلي على النبي يابنت الحلال واستهدي بالله

الموضوع جدا سهل تروحي للثانويه الي تخرجت منها عشان يطلعو لك بدل فاقد

واذا ماتبين تروحين للثانويه تروحين مركز رصد الدرجات في جده نسيت امه بس الافضل عشان تريحي بالك للمدرسة الي نخرجتي منها

وان شاء الله مافيه اي مشاكل الموضوع جدا سهل

والله يوفقك ان شاء الله

[فطوم وأسوم]

عليه الصلاه والسلام

طيب بعد اذنك بدل الفاقد كم المده علشان يطلعونها

وجزاك الله الف خير

[غـزولـﮧ آلـسبيـξــﮯ]

صحيح زي ماقال الاخ Super Linux
بدل فـآقد وخلآص
واعتقد انها ماتتـآخر

[فطوم وأسوم]

اوك
جزاكم الله الف خيرر

[فطوم وأسوم]

ممكن اعرف اذا احد يعرف فين مكان رصصد الدرجات لانو المدارس هادي الايام مقفله


ومتى الدوام حق رصد الردجات ابغى اعرف كل شي عنه

علشان رح اخلي بابا يجيب ليا الشهاده
معليش طفشتكم بالاسئله بس والله مرة متوترة

[بنكي..بنك الرياض]

بدل فاقد في نفس اليوم فطوووم

[Abu Osama]

بدل فاقد أخذت شهر وأستلمتها
لإنها راح تروح الوزارة في الرياض وتدور وتدور في البيروقراطية والروتين لين توصل
بس قالولي وديها بنفسك الرياض ويطلعونها من يومها
قلت لا صدقولي على الصور اللي معاي عشان الجامعة وصدقولي عليها وتيسرت الأمور
والشهاده استلمتها بعد شهر بدل فاقد
يعني إذا معاكي صوره راح يصدقوها على طول
والجامعة للإنتساب تحتاج صوره مصدقه فقط

طبعا الشهاده أقصد فيها إستمارة الدرجات

هذا للي ساكنين جده بعيد عن مجرى السيل
والله يوفقك

[فطوم وأسوم]

من جد مرا شكرا لكم كلكم الحمد لله ياااااااارب

لقيت اللشهاده مرة مبسوطه الحمد لله الحمد لله الحمد لله

وانصحكم نصيحه اللي يضيع عليه شي يدعي ويقول

ياجامع الناس ليوم لاريب فيه اجمع بيني ووبين ضالتي وباذن الله رح تلاقونها

وشكرا