كل الا اتخرجو من خدمات صحيه يدخلو

[حلا سمير]

سلاااااااام عليكم

كيفكم

الله يوفقكم كل الاتخرجو او ليهم خبره يساعدوني

انا باقيلي دي السنه وترم بأذن الله

ودي المواد الاباقيتلي ابغاكم تختارولي 4 منها للتخرج وتكون جربتوها انها سهله وترفع المعدل

اللغه العربيه 2
اداره محليه
نظم معلومات اداريه
بحوث العمليات
اقتصاديات الصحه
مقرر حر
مقرر اختياري
اداره المستشفيات
مقرر حر
قراءات اداريه بالانجليزي
التمويل الصحي
سياسات الرعايه الصحيه
تقييم البرامج الحكوميه
بحث وتدريب

انا قسمتها 5 الترم الاول و5 الترم التاني و4 ترم صيفي واتخرج
وكمان اش تنصحوني بالنسبه للبحث والتدريب اخليه اخر ترم ولا اخدوو

الله يوفقكم ساعدوني مررررررره محتاره وابغا اتخرج بمعدل عالي

[طالب ولكن]

مرحب

[محسن الوهبي]

بحوث وتقيم وقراءات مواد دسمة لا تنزليه سو والله يوفقك

[alabraq]

نصيحتي اخذ المواد الصعبه في الفصلين الاول و الثاني و ترك اسهل المواد للصيفي لان الوقت جدا ضيق في الصيف و رمضان المذاكره شوي متعبه بعدين لازم يكون فيه تخطيط للاسوأ لا قدر في حالة حمل بعض المواد الصعبه يكون فيه خط رجعه في الصيفي مثل مادة بحوث العمليات جدا صعبه و انصح باخذ مدرس خصوصي لفك طلاسمها فيه استاذ علي بجده درسته عنده و مع شوية اهمال من عندي حصلت في الاختبار 72 جواله 0507893547
بالتوفيق

[حلا سمير]

طب انا مني عارفه اش المواد الصعبه عشان اخذها الترمين هادي عشان كدا سألتكم

[محسن الوهبي]

المواد الصعبه بحوث عمليات وصعبوتها تكمان بانه مسائل تحتاج تطبيق يعنى 1+1=2
تقيم برامج حكومية مادة دسمة شوى
قراءات ادرية مادة انجليزى بدرجه الاول يعنى حسب لغتك
نظم معلومات ادرية وادراة محليه يعنى بمذكره تسهل مو صعبه
بحث وتدريب حسب دكتور المادة وما يطلب منك لغة سهله والباقى ما عرفش عنه حاجه

[حلا سمير]

شكرا اخويا محسن ماقصرت بالتووفيق :)

[حلا سمير]

ماافي احد يفيدناا تاني

[frng47]

تحية طيبه اخت حلا وكل هام وانتي بخير ...
انا خريج هذا الترم نفس تخصصك وراح انزل لك اقتراح هو من وجهة نظري البحته وحسب تعاملي مع المواد اللي ذكرتيها ولك مطلق الحرية في اتباع الخطه اللي راح انزلها لك او التعديل عليها او عدم الاخذ بها ... في الاخير انا حابب اخدم بس وربنا يوفقك وينجحك ... وانا في الخطه حاولت اجزء لك اصعب ثلاث مواد مرت بي ومؤرقه كل اللي درسوها وهي : 1- اقتصاديات الصحه .... 2- بحوث العمليات ....... 3- التمويل الصحي ... لان مكمن الصعوبه في هذه المواد انها تتضمن مسائل رياضيه وتحتاج تركيز وفهم ومداومه على حل التمارين وعدم الاستهانه بها ..

الخطه كالآتي : -
الترم الاول
1بحوث عمليات
2-اللغه العربيه (2)
3-ادارة محليه
4-نظم معلومات اداريه
5- مقرر حر
الترم الثاني
1- اقتصاديات الصحة
2- ادارة مستشفيات
3- تقييم برامج حكوميه
4- سياسات الرعاية الصحية
5- مقرر اختياري (عشان ماتضغطي نفسك بالمواد كثير )
الترم الصيفي
1- التمويل الصحي
2- قراءات ادراية باللغة الانجليزية
3- بحث وتدريب 494
4- مقرر حر
وبالنسبة للمواد الحرة والاختياريه اوصيك بالمواد التاليه لسهولتها واللي ممكن تنفعك في رفع المعدل
1- ادارة العلاقات العامه
2- ادارة الجودة في الاجهزة الحكومية
3- ادارة المشروعات العامة
4- ادارة التنمية
وانا مرتب لك المواد حسب سهولتها
نصيحة اخيره المواد الصعبة حاولي تقسميها ع الاترام وما تنزليها سوا عشان ماتضغطي نفسك ويتشتت تفكيرك
تمنياتي القلبيه لك بالتوفيق والنجاح يارب وكل عام وانتي بخير ...

[المهتدي]

اللغة العربية 2 سهلة مرررررررررررررررررررة
اسهل من 1 بمليون مررررررة
يعني ال a+مضمون باذن الله