الحذف والاضافة وحوسة الجداول

[شمس العيان]

سلآآآآآآآآآم بنات ......

................... أخباركم ..................

رمضان كريم عليكم يارب والله يبارك لكم في اللي بقى منه

ومن العايدين مقدماً ....

انا اذا فاكرة صح ومو غلطانة ...

السنة اللي راحت كان الحذف والاضافة فترة العيد

عشان كذا انا قلت ايش رايكم من الحين نفكر نسوي جداولنا مع الاستاذات الكويسات

واي وحدة عندها خبرة تقول

عشان بعدين مايصير زحمة وقت الجداول والكل حااااااااااااااايس

انا حابدأ وحابة أسألكم عن استاذات هذي المواد :

إدارة العمليات

إدارة الموارد البشرية

استثمار >>> أكيد مع سحر مهران

نظم معلومات ادارية

تسويق دولي >>> انا جربت جيهان في مبادئ تسويق وكانت كويسة انتوا ايش رايكم ؟

مبادئ الاقتصاد الكلي

واتمنى لكم كل التووووووووفيق

[.,.نيــــــــــــــــــــران.,.]

وعليكم السلاااام

مدري والله اتوقع في اي لحظة يفتحون الحذف والاضافة

في سنة فتحوها في اخر رمضان ^^

ادارة عمليات >> خديجة ضباب
موارد بشرية >> حياة صوفي
نظم معلومات >> منى الرفاعي
اقتصاد كلي >> لبنى ابو العلا

هذول اللي جربتهم وكانوا كويسين بالنسبة لي


انا ابغه اسأل آخذ بحث وتدررريب مع مين ؟؟
وايش اخذ اختيارية غير علوم سياسية واقتصاد دولي

[شمس العيان]

يسلمووووووووووا نيران

بس حياة صوفي البنات اللي اعرفهم مامدحوها

[*ثابتة على قيمي*]

أفتكر السنة إللي فاتت كان بعد العيد الأسبوع إللي قبل الدراسة (( كنت وقتها إنتظامْ وَ داومت نص ترمْ بعدين حولت ))

شيكي أول بأول بعد العيد الحمدلله كنت ألحق أسوي أحلى جدول ^^ ((ياليت تناعد الأيام الحلوه :) ))

إدارة العمليات >> خدييييييييييييجه ضباب وَ إنتي مغمضه :)

إدارة الموارد البشرية >>> ممم أي احد مايكون بُثينه جمجومْ ><

استثمار >>> أكيد مع سحر مهران

نظم معلومات ادارية >> مُنى الرفاعي

تسويق دولي >>> الله أعلم بس جيهان فكهاني أدتني تسويق وَ كانت كويسه
رُغم أنها في مبادئ إدار ة أعمال كانت مش وَﻻبُد ><
يمكن لأنه التسويق تخصُصها !!

مبادئ الاقتصاد الكلي ---> هُدى خيري مرهـ ممتازهـ أخذت معاها أو عبله بُخاري

[ǁ غــلأآإ ، رٍوٍحــي ǁ]

من العايدين مقدمآآ ..
واتمنى من جمع الطلبه اللي عندهم صيفي بالتوفيق والسداد ..~
وبحكم إني توني حولت لهالقسم .. ومآعندي اي فكره عن الاستازات < يآرب يطلعوآ عسل
الموهـيم ..
بنزل هالموآد ، وابي تقولوآ رايكم في الاستازات الكويسات :)

( مبأدي إدارهـ - إقتصاد جزئي - محاسبة 1 )

[شمس العيان]

غلا

محاسبة ... رغدا الرملي

اقتصاد جزئي ... عفاف عايد

مبادئ ادارة ... ابعدي عن الدمنهوري

[أحلآ سوسو]

إدارة العمليات.. خديجة ضباب

إدارة الموارد البشرية .. انا اخذتها مع حياة صوفي بس ماعجبتني لانها تخطأ كثير في التصحيح

استثمار >>> أكيد مع سحر مهران

نظم معلومات ادارية .. سحر أمين تعطي درجات .. واسألتها تتعامل بـ الأنصاص وذا كويس لنا

تسويق دولي >>> ما اعرف والله بس جيهان مشكلتها في البرزنتيشن ماتعطي درجات

مبادئ الاقتصاد الكلي .. عندك هدى خيري مرة كويسة وكمان ايمان علي

.

ادارة قواعد بيانات .. د/ شيماء مرة ممتازة

ادارة استراتيجية ... د/ نبيل جدا راائع واسألته جناان

.

انا ابغى اخذ تطوير تنظيمي كمادة اختيارية وابغى مادة ثانية نصحوني بــ اقتصاد دولي

ايش رايكم في ذي المواد وابغى لهم اساتذة كويسة ..

[روتانا احمد]

الله يعينكم يارب

[شمس العيان]

يسلمووووا كل اللي ردوا

[ام البنوته]

وعليكم السلام..وانتي بصحه وسلاااااااااامه..
شموسه حدخل في الموضوع على طول (1) نظم معلومات اداريه انا كنت مع منى الرفاعي كويسه بس الاسئله تحتاج لتفكير وكانت دقيقه جدا..
(2)اقتصاد عفــــــــــاف عايد..
(3)وبدون تردد سحر مهران استثمار
(4)هههههه خليك بعيده عن (دمنهوري)
تقبلي تحياتي