ليله زفافك

[طالبة محاسبة]

هذي الابيات لو اعيش عمري كله مانساها من جد لها ذكرى بقلبي واااه من ذكرى

حبيت انقلها لكم واتمنى تعجبكم
.................................................. ..............
.................................................. ..............

آسف لأني انخنقت بعبرتي ليلة البارح..
آسف لأني ما تداركت غلطتي ليلة البارح..
آسف لأني أحرجت قلبك .. وما قدر يسامح..
آسف لأني أخطيت ..وآسف لأني ما رديت..
واللي خلق هالكون انا كثر حب الرمال آسف..
واللي حطك أحلى حنون اني عليك خايف..
يا بنت .. أنا مالي في دنيا منتي فيها..
تسأليني عن زواجك !!..
وتسأليني عن رجل جديد جا يطبلك!!..
تسأليني وش رايي ؟؟..
ارحميني وارحمي قهري ..
تطاولت همومي على صبري..
وانفجر آخر عروقي بصدري..
وماقويت الا اني أخنق العبره..
أدري اننا اتفقنا نكون بس أصحاب..
لكن عيونك فتحت للحب ألف باب وباب..
وش حيلتي في قلبي..؟؟
وش أسوي في غدر الليالي..؟؟
عاهدتني ما عاد نحب .. وغدرت بي وحبيت..
تسأليني بأحضر العرس وأهنيك؟؟..
ايه بأحضره..
وأكتب بدمعي على الأبواب مأساتي..
وأكتم بقلبي آهاتي وعبراتي..
و أرسم بدم قهري صورة وفاتي..
وأبتسم للناس و الجلاس..
و أقتل لعيونك.. آخر الاحساس..
و أخنق بصدري آخر الانفاس..
يا بنت .. اعذريني..مل صبري وأنيني..
والتعب والدرب الطويل يحتريني..
حنا ضحايا مفاهيم قديمه..
مالمشاعرنا عندها أي قيمه..
أحاول أتخيل نفسي في ليلة زفافك..
لاتخافين ان خانتني العبره و بكيت..
بأقول من كثر فرحتي ما قويت..
أحاول أتخيل موقفي يوم أهني عريسك..
وش أقول؟.. يهناك روحين بجسد؟!..
من صغري قلبي ما يعرف حسد..
الا اليوم ..
وش حيلتي والجوهره من يديني خذوها..
و رموها على كف الضرير..
وش حيلتي و الشمس مني خطفوها..
و تركوني عايش في هجير..
تذكرين؟؟.. أول يوم فيه التقينا..
أول مره أقابل انسانه غريبه..
و أول مره أذوق فيها الهزيمه..
يوم ضحكتي و تبسمتي ببراءه..
ضيعت الطريق ونسيت الكتابه و القراءه..
ما سحرني الا هدوءك .. ورقة شعورك..
ما ذبحني الا يوم قلتي لي نكون أصحاب..
لا تحبني و لا أحبك..
ما درينا.. لاهو بيدي ولا بيدك..
كان يوم ما أسمع فيه نغم صوتك..
أكتب على التقويم.. يوم ضايع..
كان يوم ما أسمع فيه.. وحشتني..
أسأل نفسي و أفكر و أراجع..
لا أكون زعلتها و أنا مادري..
لا أكون اتصلت والوقت بدري..
تذكرين الهدايا؟.. يا فدى عيونك كل البرايا..
بعض هداياي كانت سخيفه..
لكن مثل الطفل.. تحبين الهدايا..
ما قلتي سخيفه.. قلتي انت كل الهدايا..
هذي انتي..
تخلقين من أبسط الأمور .. اعجاز..
تسوين من اللاشيء.. انجاز..
واليوم أشوفك ترحلين..
وفي ظلام الليل تسرين..
مع غيري و لغيري..
أنا استاهل.. صدقت كلمة أصحاب..
و عشت الدور بتفاصيله الغبيه..
وكنت أحاول أقنع مشاعر عنيده..
و أنا اشوف كل يوم يمر علينا..
فيه للحب مشاعر جديده..
وكل اتصال منك..
كأن القلب يعيش صبح عيده..
غشيم يوم ما فهمت ذيك القصيده..
كنت أحسب اني كتبتها ..
واثر القلب كان يتكلم عن سيده..
بكره زفافك..
و بكره أبارك..
للي بتاخذ معاها كل أيامي السعيده..
وللي بيقطع قلبي من وريده لوريده..
و بعد بكره.. تبدى حياتك الجديده..
من الحين أقول لك .. صباحك خير..
ومن حينها بيبدى زمان السكوت..
انتي تصبحين على سريرك .. وأنا على تابوت..
يا بنت .. الله معاك..
لا ترجعين.. دامك تحت ظل غيري لا ترجعين..
عيشي حياتك .. عساها دوم أفراح..
غضي طرفك .. و احفظي فرضك..
و في تالي لياليك الا منك سجدتي..
ادعي لي بصبر الجبال..
و اذكري واحد من الرجال..
حفظ عهده .. وما نقض وعده..
عاش لك صاحب..
ومات لك عاشق..

[الصقر (صقرالعالم سابقاً)]

تسلمي طالبة محاسبة على القصيده الحلوه وتقبلي فائق تقديري واحترامي ودمتي بود

[القمره]

قصيده جميله وكلمات معبره
اشكرك

[طالبة محاسبة]

تسلموا على المرور

[ـانسـيآأب]

،، احساس صادق ،،

كلمات بها من الخصوصية الكثير ، حقا كلمات يصعب نسيانها


،


.. ودي ..

[بنوته سوويت]

كلماااااااااات جناااااااااااان وي وي تحزن
يسلمممممممممممممممممممموووو

[O?°· (sarOona) ·°?O]

اااه مررة عذااب ..

يسلموو ...

[LAMYA]

كلمات مؤثره

بس انا ما احس انه فيه احد لهذه الدرجه

مشكوووووووره

[عندما يتكلم الصمت]

المشاركة الأصلية كتبت بواسطة طالبة محاسبة :ادعي لي بصبر الجبال..

لا تعليق .. يليق ..

اللهم , صبرك :)

قليلة كلمة رائـ ع ــة المعاني ..

عندما يتكلم الصمت ..

[نسووومة]

ياالله فظيييييييييييعة

آه ياقلبي بس

الله لايحط احد بهادا الموقف .. وبعدين هو لو يحبها من جد ليه ماراح يخطبها ؟؟ وهي لو تحبه من جد كيف رضيت تتجوز غيره ؟؟

عااااااالم عجييييبة


الله يعيييينو بس ...

تسلمي ياسكره