دخلت انجليزي ولا ادري وش الطبخه

[محمد الضوي]

من يعرف عن طريقة تغيير التخصص انا اجبروني على الاداب واخترت انجليزي وانا ماعرف شي عنه مدري هو وصعب ولا سهل ومدري كيف طريقة المذاكره وودي احول الى ادارة عامه ارجوكم افيدوني

[geen]

السلام عليكم
انا والله ماعرف عن التحويل لكن اذا تسمع نصيحتي انا اقول تظل بالانجليزي تخصص حلو ومطلوب ومهم جدا جدا جدا اما سالفة انوصعب فاهو اكيد صعب بس انت تحداه وكل ماكان القسم صعب كل مابين لك قد ايش انت شخص ناجح ومتحدي اما سالفة انو انت ماتعرف شي فانا انصح تبدا من اللحين مثلي تاخذ لك كتب روايات صغيره لغتها سهلةومكتوبة بالعربي والانجلش تلاقيها عند مكتبات العبيكان وتبدا فيها وكل كلمة انجليزية جديده تمر عليك احفظها وطور نفسك اكثر قبل تتدخل القسم
انا هذا راي
لكن انا منتسبة مثلك حاول بعد تسال غيري
اتمنى لك التوفيق

[اخو تركي]

مساء الخير يامحمد الخيرة فيما اختاره الله والله يوفقك ويوفقنا

اولا /الانجليزي مجاله واسع تدريس او شركات او مستشفيات وغيرها

ثانيا /مافيه شي صعب اللي دخلو انجليزي ماهم افضل منك


ويامدور الهين ترى الكايد احلى

[أحلام طفله]

والله العظيم معلمتي في الثانوي الله يذكرها بالخير كانت تقولنا أنا ماكنت أعرف أكتب أسمي من كثر جهلي في الأنجليزي.. ودخلت مع العالم والحين ماشاءالله مـــعــــلــــمــــة إنـــــجــــــلــــــيـــــــزي..

بالتوفيق..

[الخمعلي999]

بالتوفيق يابو عباس هههههههه

والخيره ماتدري وينها وبعدين بعد بداية الترم تستطيع التحويل ولك تحيتي

أما أنا للحين معلق ماسكنوني ولا خصصوني ولا فصلوني متعلق

[يارب انقبل]

صدقتي يااحلام طفله ونصيحه خليك يااخوي على الانقلش على الاقل تستفيد منه بحياتك موبس بالدراسه
يمكن تصير بلبل بالانقلش وتتطوع بقسم دعوه الجاليات للاسلام

[محمد الضوي]

والله زي ماقلتو نبي نتهور مشكورين كل نصياحكم احترمها

[العالمي وصل]

انا ارى ان تخصص الانجليزي هو حلم لكثير من الطلاب
وانت على قولتك متورط فيه .. ياخوي خلك رجل المهام الصعبه
وعسا ان تكره شيئ وهو خيراً لكم .... توكل على الله
واللي دخلو هالتخصص قبلك ماهم بأحسن منك

[NooNA NooNy]

معليش بس ممكن اسأل من وين اختار المسار ؟؟

[ورد الانصاري]

طيب حاول تدخل معاهد انجلش ..تقوي لغتك شووي