جميــع المسجلين ترم صيفي حياكم هنا

[د/كيف]

كل عامـ وانتمـ بخيــر

مثلكم عارفين الدوامات الحكوميه وغيــرها أيضا" تعطينا اجازه رسميــه في الاختبارات

في التـــرمـ الأول وفي الترمـ الثاني

لكن:

هل في التــرم الصيفي لنا حق باجازهـ رسميه ايضا" أم لا ؟؟؟

اجازه رسميه المقصود هنا فترة الاختبارات

لأني أعـــاني من هالمشكله وفي دوامي غيــر متفهمين موضوع التــرم الصيفي نهائيا" !!

وأكيــد فيه ناس نفس طريقتـــي

ياليــت أحد يفيدنا والا يجيب لنا دليل نستند عليــــه

أو طريقه أو هل الافــاده اللي ناخذها بالاترام العاديه نقدر ناخذها بالترم الصيفي !!

وووفقكمـ الله

وفالـــــــكم النجاح بأذن اللــه

[المكان]

هلا اخوي

تقدر تطبع الافاده من ملفك وتعطيهم

واذا ما أقتنعوا يراسلون الجامعه او يتصلون عليهم

حسب ماهو مذكور بالافاده

[مساعد99]

انا اخذت الترم الصيفي للسنه الى فاتت

بس طبعت لهم الافاده من الموقع . وعندي اجازه لاداء الاختبارات

اما الترم الصيفي هذا انا خلقه عندي اجازه سنويه

بس اخوي تقدر تطبع الافاده وإن شاء الله انها تكفي


بالتوووفيق

[albader]

فعلا ... بعضهم يعقدون الشغلة انتا شوف قرار حق اكمال دراستك وش مكتوب فيه اظن مكتوب فيه الفصل الاول والثاني فاذا كان عندك ناس معقدين فالله يعينك ... اذا ازمت خذ لك اجازة عرضيه وتحسب على من استقعد لك فيه لان بعض المدارء او الضباط حلال عليهم وحرام على غيرهم ...

[د/كيف]

يشرفني مرووركم

ويسعدني

والظاهر انهم بيحدونا على الاضطراريه ( العــرضيه )

//

لاخلا ولاعدمـ

[خالدالسيف]

الله يعييييييييييين تعقيييييييييييييييدفي العمل وبهذله في الجامعه,,
((شهر مبارك على الجميع))

[محسن الوهبي]

اسحب الافادة من موقع الجامعة
والاجازة تستفيد منه وبعدين عملك موفقين على انك تكمل دراستك حسب نظام الجامعه لازم موافقه مرجعك فليش يسوا كذا

[رسمي]

اذا ما اعطاك المدير اجازة اختبار وانت موظف حكومي وعندك رصيد ورفض بعد يعطيك من رصيدك للاجازة الاعتيادية .. تغيب طال عمرك لمدة 10 بس وانتبه ترى اليوم 11 نظاماً يرفع فيك غياب عشان الفصل 15 يوم .. المهم وباليوم الــ 11 تداوم وتقدم له طلب اجازة اعتيادية لمدة 10 ايام وترفق لك اثبات انك غايب عشان كنت تختبر ونظاماً بتحسب لك كإجازة اعتيادية من رصيدك يعني مو غياب
وهنا انت اخذت اجازة بالقوة ومن رصيدك

[Tallness man]

انا ولله الحمد اليوم اقتنعو لاني قلتلهم الترم الصيفي يعني هذي مواد مكمل فيهم ويحسبون الوضع زي الثانوي ومشت عليهم

[Abo-mohnad]

في النظام لك في السنة مدة اختبار الفصل الأول والثاني فقط والصيفي لا يدخل ضمن اجازة الاختبارات

والله يعينا على حسابنا ناخذها


إلا إذا كان مديرك متعاون معك وكنت حليل معهم فممكن يحسبها اجازة اختبارات